हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल



हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला अन्त्य गरेको छ। पछिल्लो ३ खेलमा बैंगलोर पन्जाब, कोलकाता र चेन्नाईसंग पराजित भएको थियो।

दुबई अन्तर्राष्ट्रिय स्टेडियममा सम्पन्न खेलमा बैंगलोरले दिएको १६६ रनको लक्ष्य पछ्याउने क्रममा मुम्बईले १८.१ ओभरमा १११ रनमै सबै विकेट गुमायो। आईपीएल इतिहासमै बैंगलोरले मुम्बईको सम्पूर्ण विकेट लिएको यो नै पहिलो पटक हो। यस्तै बैंगलोर बिरुद्ध मुम्बईको यो इतिहासमै कम योगफल हो। यस अघि बैंगलोर बिरुद्ध मुम्बईको कम योगफल ११५/९ थियो जुन २०१४ आईपीएलको कुरा थियो। यस्तै आईपीएलको एकै सिजन लिग चरणमा मुम्बई बिरुद्ध बैंगलोरले दुई वटा जित दर्ता गरेको यो पहिलो पटक हो। अघिल्लो खेलमा बैंगलोर २ विकेटले विजयी भएको थियो।

मुम्बईको लागि ओपनर तथा कप्तान रोहित शर्माले सर्वाधिक ४३ तथा क्विन्टन डीककले २४ रन बनाउनु बाहेक अन्य ब्याट्सम्यानले दोहोरो अंकमा रन बनाएनन्। रोहित र डीककले ५७ रनको ओपनिंग साझेदारी गरेका थिए। सातौँ ओभरमा डीककलाई युजभेन्द्र चाहलले तथा दाशौं ओभरमा रोहितलाई ग्लेन म्याक्सवेलले क्याच आउट गरएपछि ७९/२ को अवस्थामा पुगेको मुम्बईले त्यसपछि योगफलमा थप ३२ रन जोड्दा बाँकी ८ विकेट पनि गुमाउन पुग्यो।

बैंगलोरको बलिंगमा दायाँ हाते पेसर हर्षल पटेलले सर्वाधिक ४ विकेट लिए जुन क्रममा ३.१ ओभरमा १७ रन खर्चिए। त्यसक्रममा हर्षलले १७ औं ओभरको पहिलो, दोश्रो र तेश्रो बलमा हार्दिक पान्ड्या, काईरन पोलार्ड र राहुल चाहरलाई आउट गर्दै ह्याट्रिक विकेट लिए। उनि बैंगलोर टिमबाट आईपीएलमा ह्याट्रिक लिने तेश्रो बलर बनेका छन्। यस अघि २०१० मा पहिलो पटक प्रभिन कुमारले राजस्थान रोयल्स बिरुद्ध तथा स्यामुएल बद्रिले मुम्बई इन्डीएन्स बिरुद्ध २०१७ मा ह्याट्रिक लिएका थिए।

बैंगलोरका लेग स्पिनर युजभेन्द्र चाहलले उत्कृस्ट बलिंग गर्दै ३ विकेट लिए जुन क्रममा ४ ओभरमा १ मेडन ओभर गर्दै ११ रन मात्र खर्चिए। यस्तै ग्लेन म्याक्सवेलले २ ( ४-०-२३-२ ) र मोहम्मद सिराजले १ विकेट ( ३-०-१५-१ )


यस अघि टस हारेर ब्याटिंग गरेको बैंगलोरले निर्धारित २० ओभरमा ६ विकेट क्षेतीमा १६५ रन बनाएको थियो। उसको लागि ग्लेन म्याक्सवेलले सर्वाधिक ५६ तथा कप्तान बिराट कोहलीले ५१ रन बनाए। म्याक्सवेलले ३७ बलमा ६ चौका र ३ छक्का प्रहार गरे भने कोहलीले ४२ बलमा ३ चौका र ३ छक्का प्रहार गरे। यस्तै श्रीकर भारतले २४ बलमा २ चौका र २ छक्का मद्दतले ३२ रन बनाए।

ओपनर देभदत्त पडीक्कल दोश्रो ओभरमा जस्प्रित बुम्राहबाट खाता नखोल्दै आउट भएपछि दोश्रो विकेटको लागि कोहलीले भारतसंग ६८ रनको साझेदारी गरेका थिए। भारत आउट भएपछि कोहली र म्याक्सवेल बीच तेश्रो विकेटको लागि ५१ रनको साझेदारी भयो। कोहलीलाई १६ औं ओभरमा एडम मिल्नेले क्याच आउट गराए। त्यसपछि म्याक्सवेलले अन्तिममा आक्रामक ब्याटिंग गर्दै योगफल १५० पार गराए। डी भिल्लीयर्स र शाहबाज एहमदले मात्र १ रन बनाउन सके।

मुम्बईको बलिंगमा जस्प्रित बुम्राहले सर्वाधिक ३ विकेट ( ४-०-३६-३ ) लिए भने ट्रेन्ट बोल्ट ( ४-०-१७-१ ) , एडम मिल्ने ( ४-०-४८-१ ) र राहुल चाहर ( ४-०-३३-१ ) ले समान १ विकेट लिए।

जितपछि बैंगलोर १० खेलमा छैठौं जित पछि १२ अंक सहित तेश्रो स्थानमा यथावत रहेको छ भने मुम्बई १० खेलमा छैठौं हार पछि सातौँ स्थानमा झार्न पुगेको छ।





थप समाचार

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]