शामीको शानदार बलिंग, पन्जाबलाई कोलकाताको मध्यम लक्ष्य



आईपीएल २०२० अन्तर्गत ४६ औं खेलमा कोलकाता नाइट राइडर्स र किंग्स-११ पन्जाब बीच प्रतिस्पर्धा भैरहेको छ।

शारजाह स्टेडियममा टस हारेर ब्याटिंग गरेको कोलकाताले निर्धारित २० ओभरमा ९ विकेट गुमाउदै १४९ रन बनाएर १५० रनको लक्ष्य प्रस्तुत गरेको छ।

कोलकाताको लागि ओपनर शुबमन गिलले सर्वाधिक ५७ रन बनाए जुन क्रममा ४५ बलमा ४ चौका र ४ छक्का हिर्काए। आईपीएल करियरमा गिलको यो सातौँ अर्धशतक हो। कप्तान ओएन मोर्गनले २५ बलमा ५ चौका र २ छक्का प्रहार गर्दै ४० रन बनाए। लकी फर्गुसनले १३ बलमा ३ चौका र १ छक्का मद्दतले अविजित २४ रन बनाए। अन्य ब्याट्सम्यानले दोहोरो अंकमा रन बनाउन सकेनन्।

शुबमन गिलले सर्वाधिक ५७ रन बनाए

कोलकाताको सुरुवात अत्यन्त कमजोर रह्यो। पहिलो ओभरमा ग्लेन म्याक्सवेलले नितिश रानालाई खाता नखोल्दै क्याच आउट गराए। लगत्तै ओभरमा मोहम्मद शामीले राहुल त्रिपाठी ( ७ रन ) र दिनेश कार्तिक ( ० ) लाई विकेटकिपर केएल राहुलबाट क्याच आउट गराए।

१०/३ को अवस्थाबाट गिलले कप्तान मोर्गनसंग ८२ रनको साझेदारी गरे।  दशौँ ओभरमा मोर्गनलाई रभी बिस्नोइले क्याच आउट गराउदै पन्जाबलाई खेलमा फर्काए। त्यसपछि पुनः कोलकाताले लगातार विकेट गुमाउन पुग्यो। अघिल्लो खेलमा अर्धशतक बनाएका सुनिल नारायणलाई ६ रनको स्कोरमा क्रिस जोर्डनले बोल्ड गरे। त्यसपछि कमलेश नगरकोटी ( ६ रन ) र प्याट कमिन्सलाई ( १ रन )  मुरुगन आश्विन र बिस्नोइले पेभेलियन फर्काउदै पन्जाबलाई हावी गराए।

९१/३ को अवस्थाबाट कोलकाता ११४/७ को नाजुक अवस्थामा पुग्यो। त्यसपछि गिलले लकी फर्गुसनसंग २२ रनको साझेदारी गरे। १९ औं ओभरमा गिललाई शामीले बोल्ड गरे। अन्तिममा फर्गुसनले केहि आक्रामक सटहरु खेल्दै टिमको योगफल १५० नजिक पुर्याए। अन्तिम ओभरमा क्रिस जोर्डनले मात्र ५ रन खर्चेर १ विकेट लिंदा कोलकाताले १४९ रन मात्र बनाउन सक्यो।

पन्जाबको बलिंगमा मोहम्मद शामीले सर्वाधिक ३ विकेट लिए जुन क्रममा ४ ओभरमा ३५ रन खर्चिए। क्रिस जोर्डन ( ४-०-२५-२ ) र रभी बिन्सोइले २ विकेट ( ४-१-२०-२ ) लिए भने मुरुगन आश्विन ( ४-०-२७-१ ) र ग्लेन म्याक्सवेलले ( २-०-२१-१ ) समान १ विकेट लिए।

प्ले-अफ सम्भावना

कोलकाता ११ खेलमा ६ जित र ५ हार पछि १२ अंक सहित अंकतालिकाको चौथो स्थानमा रहेको छ भने पन्जाब ११ खेलमा ५ जित र ६ हार पछि १० अंक सहित पाँचौ स्थानमा रहेको छ।

प्ले-अफ पुग्नको लागि दुवै टिमको लागि आजको जित अत्यन्त महत्वपूर्ण रहेको छ। कोलकाताले ३ खेल खेल्न बाँकी रहेको अवस्थामा सबै खेल जित्दै १८ अंक बटुल्न सकेमा प्ले-अफ तथा शिर्ष-२ मा स्थान बनाउन सक्छ। यस्तै ३ मध्ये २ खेलमा मात्र जित दर्ता गरे पनि कोलकाता प्ले-अफ पुग्नेछ। त्यसैले आजको खेलमा पन्जाबलाई पराजित गर्न सके यस पछि कोलकाताको खेल राजस्थान र चेन्नाईसंग रहने हुँदा कोलकातालाई आजको जितले धेरै सहज बनाउनेछ।

पन्जाबको लागि पनि आजको जित अत्यन्त महत्वपूर्ण रहन्छ। आज जितेको खण्डमा पन्जाब अंकतालिकामा चौथो स्थानमा उक्लनेछ। आज सहित बाँकी ३ वटै खेल जितेमा पन्जाब प्लेअफ पुग्ने पक्का हुनेछ। आज पराजित भएमा पन्जाबको प्लेअफ यात्रा मुस्किल हुनेछ। यस पन्जाबले दुइ खेल राजस्थान र चेन्नाईसंग जिते पनि आज हारेको खण्डमा यात्रा मुस्किल बन्नेछ।

स्टोक्सको झुकेको माझी औंला पछाडी लुकेको पिताको शाहसको कथा

कोलकातासंग हार पछि रबाडाको चिन्ता

पान्ड्या दाजु-भाईलाई दिए धोनीले आफ्नो जर्सी

आईसीसीले राख्यो नेपालको क्रिकेट खेल्दै गरेको मनमोहक तस्विर





थप समाचार

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]

क्यानको सम्पूर्ण घरेलु प्रतियोगिता एक्सन स्पोर्ट्सले प्रत्यक्ष प्रशारण गर्ने

नेपाल क्रिकेट संघले ( क्यान )  आयोजना गर्ने सम्पूर्ण घरेलु प्रतियोगिताहरुको प्रत्यक्ष प्रशारण गर्ने अधिकार डिश  मिडिया नेटवर्कले पाएको छ। […]

अभ्यास खेलमा जडेजा र राहुलको उत्कृस्ट प्रदर्शन

भारतको इंग्ल्यान्ड भ्रमण अन्तर्गत अगस्ट ४ देखि सुरु हुने पाँच टेस्टको सिरिज अघि भारत र काउन्टी सेलेक्स-११ बीचको तिन दिवसीय […]

सुरु भयो ‘द हन्ड्रेड’ लिग : प्रतिस्पर्धात्मक खेलमा ओभल विजयी

रोमान्चक खेलमा जोस बटलर कप्तानीको म्यानचेस्टर ओरिजिनल्सलाई ९ रनले पराजित गर्दै स्याम बिलिंग्स कप्तानीको ओभल इन्भिन्सिबल्सले ‘द हन्ड्रेड’ लिगको उद्घाटन […]