कमिन्सले घातक बलिंग गर्दा कोलकाताको शानदार जित, राजस्थान बाहिरियो



राजस्थान रोयल्सलाई ६० रनको ठुलो अन्तरले पराजित गर्दै कोलकाता नाइट राइडर्सले आईपीएलको प्लेअफ सम्भावना जिवितै राखेको छ। हारपछि राजस्थान लिगबाट बाहिरिने तेश्रो टिम बनेको छ। यस अघि चेन्नाई र पन्जाब बाहिर भैसकेका थिए।

दुबई अन्तर्राष्ट्रिय स्टेडियममा कोलकाताले दिएको १९२ रनको लक्ष्य पछ्याउने क्रममा राजस्थानले २० ओभरमा ९ विकेट गुमाएर १३१ रन मात्र बनाउन सक्यो।

राजस्थानको लागि जोस बटलरले ३५, राहुल तेवतियाले ३१, श्रेयस गोपालले अविजित २३ तथा बेन स्टोक्सले १८ रन बनाए भने अन्य ब्याट्सम्यानले दोहोरो अंकमा रन बनाउन सकेनन्।

कमिन्सले पावरप्लेको ओभर भित्र ४ विकेट लिए
कमिन्सले पावरप्लेको ओभर भित्र ४ विकेट लिए

अत्यन्त कमजोर सुरुवात गरेको राजस्थानले पहिलो ५ विकेट ३७ रनको योगफलमै गुमाएको थियो। प्याट कमिन्सले रोबिन उथप्पा, बेन स्टोक्स, स्टिभ स्मिथ र रियान परागलाई तथा शिभम माभीले सन्जु स्यामसनलाई पेभेलियन फर्काएका थिए।

छैठौं विकेटको लागि बटलर र तेवतियाले ४३ रनको साझेदारी गर्दै खराब अवस्थाबाट उकासे। ११ औं बटलरलाई वरुण चक्रवर्तीले क्याच आउट गराए। १५ औं ओभरमा तेवतियालाई चक्रवर्तीले क्याच आउट गराएर कोलकातालाई खेलमा पूर्णत हावी गराए। श्रेयस गोपालले एक किनार सम्हालेर ब्याटिंग गरेता पनि जित भन्दा राजस्थान निकै पछि रह्यो।

कोलकाताको बलिंगमा प्याट कमिन्स एक्लैले ४ विकेट लिए जुन क्रममा ४ ओभरमा ३४ रन खर्चिए। आईपीएल करियरमा कमिन्सको यो व्यक्तिगत उत्कृस्ट स्पेल हो। वरुण चक्रवर्ती ( ४-०-२०-२ ) र शिभम माभीले ( ४-१-१५-२ ) समान २ विकेट तथा कमलेश नगरकोटीले ( ४-०-२४-१ ) ले १ विकेट लिए।

कोलकाताको ब्याटिंग 

यस अघि टस हारेर ब्याटिंग गरेको कोलकाताले निर्धारित २० ओभरमा ७ विकेट गुमाएर १९१ रन बनाएको थियो।

कोलकाताको लागि कप्तान ओएन मोर्गनले सर्वाधिक ६८ रन बनाए जुन क्रममा ३५ बलमा ६ छक्का र ५ चौका प्रहार गरे।

राहुल त्रिपाठीले ३४ बलमा ४ चौका र २ छक्का मद्दतले ३९ रन, शुबमन गिलले २४ बलमा ६ चौका मद्दतले ३६ रन तथा आन्द्रे रसेलले ११ बलमा १ चौका र ३ छक्का मद्दतले २५ रन बनाए। प्याट कमिन्सले १५ रन बनाए। नितिश राना, सुनिल नारायण र दिनेश कार्तिकले खाता खोल्न सकेनन्।

मोर्गनले अविजित ६८ रन बनाए

दोश्रो विकेटको लागि गिल र त्रिपाठीले ७२ रनको साझेदारी गरेका थिए। नवौं ओभरमा गिल र सुनिल नारायणलाई पेभेलियन फर्काउदै राहुल तेवतियाले राजस्थानलाई खेलमा फर्काए। त्रिपाठी १२ औं ओभरमा श्रेयस गोपालबाट आउट भए जसपछि १३ औं ओभरमा दिनेश कार्तिकलाई तेवतियाले खाता नखोल्दै क्याच आउट गराए।

छैठौं विकेटको लागि मोर्गनले रसेलसंग ४५ रनको साझेदारी गरे। १६ औं ओभरमा रसेललाई कार्तिक त्यागिले क्याच आउट गराए। सातौँ विकेटको लागि मोर्गनले प्याट कमिन्ससंग ४० रनको साझेदारी गरे। कमिन्स अन्तिम ओभरमा त्यागिबाट क्याच आउट भए।

१३ ओभरमा १००/५ को अवस्थामा रहेको कोलकाताले अन्तिम ७ ओभरमा मात्र २ विकेट गुमाएर ९१ रन बनायो।

राजस्थानको बलिंगमा लेग स्पिनर राहुल तेवतियाले सर्वाधिक ३ विकेट ( ४-०-२५-३ ) तथा कार्तिक त्यागिले २ विकेट ( ४-०-३६-२ ) लिए। जोफ्रा आर्चर ( ४-०-१९-१ ) , श्रेयस गोपाल ( ३-०-४४-१ ) ले समान १ विकेट लिए।

अंकतालिका र प्लेअफ अपडेट

१४ खेलमा ६ जित र ८ हार बेहोरेको राजस्थान प्ले-अफ पुग्न असफल लिगको तेश्रो टिम बनेको छ। यस अघि चेन्नाई र पन्जाब बाहिर भैसकेका थिए। मुम्बईले प्लेअफ तथा शिर्ष-२ मा स्थान पक्का गरिसकेको छ। १४ खेलमा ७ जित र ७ हार बेहोर्दै १४ अंक सहित अंकतालिकामा चौथो स्थानमा उक्लेको छ।

अब कोलकाता प्लेअफ पुग्नको लागि हैदरावाद अन्तिम खेलमा मुम्बईसंग पराजित हुनुपर्नेछ। यदी हैदरावादले मुम्बईलाई पराजित गरेको खण्डमा हैदरावादको पनि १४ अंक हुनेछ भने बैंगलोर र दिल्ली बीच पराजित हुने टिमको पनि १४ अंक हुनेछ जसपछि प्ले-अफ पुग्ने टिमको फैसला नेट रन रेटमा हुनेछ। दिल्ली र बैंगलोर बीचको खेलमा पराजित हुने टिम कोलकाता भन्दा नेट रन रेटमा पछि भएको खण्डमा कोलकाता प्लेअफ पुग्नेछ।

लिग अन्तर्गत अब मात्र २ खेल बाँकी रहेका छन्। सोमबार दिल्ली र बैंगलोर तथा मंगलबार लिगको अन्तिम खेलमा हैदरावाद र मुम्बईले प्रतिस्पर्धा गर्नेछन्।

यो पनि पढ्नुस :-

पन्जाबको प्ले-अफ सपना चेन्नाईद्वारा चकनाचुर, गायकवाडको कीर्तिमानी अर्धशतक

पन्जाबसंगको खेल अघि धोनीको ठूलो घोषणा ‘यो मेरो आईपीएलमा अन्तिम खेल हैन’

टाउकोको उचाइको बललाई ‘नो बल’ नदिएपछि खेलाडी र फ्यानहरु चकित

इरफान पठान लंका प्रिमियर लिग खेल्न अनुबन्धित





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]