मोर्गनको आक्रामक इनिंग, कोलकाताद्वारा राजस्थानलाई चुनौतीपूर्ण लक्ष्य



आईपीएल टि-२० अन्तर्गत ५४ औं खेलमा कोलकाता नाइट राइडर्स र राजस्थान रोयल्स प्रतिस्पर्धा गरिरहेका छन्।

दुबई अन्तर्राष्ट्रिय स्टेडियममा टस हारेर ब्याटिंग गरेको कोलकाताले निर्धारित २० ओभरमा ७ विकेट गुमाएर १९१ रन बनाउदै राजस्थानलाई १९२ रनको लक्ष्य प्रस्तुत गरेको छ।

कोलकाताको लागि कप्तान ओएन मोर्गनले सर्वाधिक ६८ रन बनाए जुन क्रममा ३५ बलमा ६ छक्का र ५ चौका प्रहार गरे।

राहुल त्रिपाठीले ३४ बलमा ४ चौका र २ छक्का मद्दतले ३९ रन, शुबमन गिलले २४ बलमा ६ चौका मद्दतले ३६ रन तथा आन्द्रे रसेलले ११ बलमा १ चौका र ३ छक्का मद्दतले २५ रन बनाए। प्याट कमिन्सले १५ रन बनाए। नितिश राना, सुनिल नारायण र दिनेश कार्तिकले खाता खोल्न सकेनन्।

मोर्गनले अविजित ६८ रन बनाए

नितिश रानालाई पहिलो ओभरमा जोफ्रा आर्चरले खाता नखोली क्याच आउट गराएपछि दोश्रो विकेटको लागि गिल र त्रिपाठीले ७२ रनको साझेदारी गरेका थिए। नवौं ओभरमा गिल र सुनिल नारायणलाई पेभेलियन फर्कौदै राहुल तेवतियाले राजस्थानलाई खेलमा फर्काए। त्रिपाठी १२ औं ओभरमा श्रेयस गोपालबाट आउट भए जसपछि १३ औं ओभरमा दिनेश कार्तिकलाई तेवतियाले खाता नखोल्दै क्याच आउट गराए।

छैठौं विकेटको लागि मोर्गनले रसेलसंग ४५ रनको साझेदारी गरे। १६ औं ओभरमा रसेललाई कार्तिक त्यागिले क्याच आउट गराए। सातौँ विकेटको लागि मोर्गनले प्याट कमिन्ससंग ४० रनको साझेदारी गरे। कमिन्स अन्तिम ओभरमा त्यागिबाट क्याच आउट भए।

१३ ओभरमा १००/५ को अवस्थामा रहेको कोलकाताले अन्तिम ७ ओभरमा मात्र २ विकेट गुमाएर ९१ रन बनायो।

राजस्थानको बलिंगमा लेग स्पिनर राहुल तेवतियाले सर्वाधिक ३ विकेट ( ४-०-२५-३ ) तथा कार्तिक त्यागिले २ विकेट ( ४-०-३६-२ ) लिए। जोफ्रा आर्चर ( ४-०-१९-१ ) , श्रेयस गोपाल ( ३-०-४४-१ ) ले समान १ विकेट लिए।

राहुल तेवतियाले ३ विकेट लिए

आजको खेल जित्ने टिमको प्लेअफ सम्भावना हैदरावादको प्रदर्शनमा निर्भर रहनेछ। हैदरावाद अन्तिम खेलमा मुम्बईसंग पराजित भएको खण्डमा आज जित्ने टिम प्ले-अफ पुग्नेछ। यदी हैदरावाद विजयी भएको खण्डमा भने नेट रन रेट कमजोर रहेकोले खेलमा विजयी हुने टिमको सम्भावना कम हुनेछ। आजको खेलमा ठुलो जित दर्ता गर्दै नेट रन रेटमा सुधार गर्ने समेत कोलकाता र राजस्थानको लक्ष्य हुनेछ।

हालसम्म प्लेअफ रेसबाट पन्जाब र चेन्नाई बाहिर भैसकेको छ भने मुम्बईले प्ले-अफ तथा शिर्ष-२ मा समेत स्थान पक्का गरिसकेको छ।

यो पनि पढ्नुस :-

पन्जाबको प्ले-अफ सपना चेन्नाईद्वारा चकनाचुर, गायकवाडको कीर्तिमानी अर्धशतक

पन्जाबसंगको खेल अघि धोनीको ठूलो घोषणा ‘यो मेरो आईपीएलमा अन्तिम खेल हैन’

टाउकोको उचाइको बललाई ‘नो बल’ नदिएपछि खेलाडी र फ्यानहरु चकित

इरफान पठान लंका प्रिमियर लिग खेल्न अनुबन्धित





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]