IPL : बैंगलोरलाई विशाल अन्तरले पराजित गर्दै, राहुल प्रेरित पन्जाब शिर्षमा



कप्तान केएल राहुलले कीर्तिमानी शतक बनाउदा किंग्स-११ पन्जाबले रोयल च्यालेन्जर्स बैंगलोरलाई पराजित गर्दै लिगमा पहिलो जित दर्ता गरेको छ। अघिल्लो खेलमा दिल्ली क्यापिटल्ससंग सुपर ओभरमा पराजित भएको पन्जाबले दोश्रो खेलमा उत्कृस्ट पुनरागमन गरेको हो। पहिलो खेलमा सनराइजर्स हैदरावादलाई १० रनले पराजित गरेको बैंगलोरको यो पहिलो हात हो।

युएईको दुबई स्थित दुबई अन्तर्राष्ट्रिय क्रिकेट स्टेडियममा सम्पन्न खेलमा टस हारेर ब्याटिंग गर्दै पन्जाबले २० ओभरमा ३ विकेट गुमाएर २०६ रन बनाएको थियो। जवाफमा बैंगलोर कमजोर ब्याटिंग गर्दै १७ ओभरमा सबै विकेट गुमाएर १०९ रनमा समेटिन पुग्यो र जारि सीजनकै ठुलो ९७ रनको विशाल हार बेहोर्न पुग्यो।

लिग इतिहासमा यो पन्जाबको तेश्रो ठुलो रन अन्तरको जित हो भने बैंगलोरको चौथो ठुलो हार हो।

बैंगलोरको लज्जास्पद ब्याटिंग

बैंगलोरको ब्याटिंगमा वासिंगटन सुन्दरले ३०, एबि डी भिल्लीयर्सले २८, आरोन फिंचले २० तथा शिभम दुबेले १२ रन बनाए। अन्य ब्याट्सम्यानले दोहोरो अंकमा रन बनाउन सकेनन्। कप्तान कोहली ५ बलमा १ रन बनाएर आउट भए। अघिल्लो खेलमा अर्धशतक बनाएका देभदत्त पडीक्कल १ रन, जोश फिलिपे ० मै आउट भए।

रभी बिन्सोइले ३ विकेट लिए

विशाल योगफल पछ्याउने क्रममा अत्यन्त खराब सुरुवात गर्ने क्रममा बैंगलोरले पहिलो ३ विकेट तेश्रो ओभरमा ४ रनको योगफलमा गुमाएको थियो। शेल्डन कटरेलले पडीक्कल र कोहलीलाई तथा मोहम्मद शामीले जोश फिलिपेलाई आउट गरे। फिंच र डी भिल्लीयर्सले चौथो विकेटको लागि ४९ रनको साझेदारी गरे। आठौँ ओभरमा फिंचलाई लेग स्पिनर रभी बिस्नोइले बोल्ड गरेपछि बैंगलोरको इनिंग धरासायी बन्यो।

पन्जाबको बलिंगमा लेग स्पिनर रभी बिस्नोइ र मुरुगन आश्विनले समान ३ विकेट लिए। बिस्नोइले ४ ओभरमा ३२ तथा आश्विनले ३ ओभरमा २१ रन खर्चिए। शेल्डन कटरेलले २ ( ३-०-१७-२ ) , मोहम्मद शामी ( ३-०-१४-१ ) र ग्लेन म्याक्सवेल ( २-०-१०-१ ) ले सम्म १/१ विकेट लिए।

राहुलको कीर्तिमानी ब्याटिंग 

यस अघि टस हारेर ब्याटिंग गर्दै पन्जाबले २० ओभरमा ३ विकेट गुमाएर २०६ रन बनाएको थियो।

पन्जाबको ब्याटिंगमा ओपनिंग ब्याटिंग गरेका कप्तान केएल राहुलले अविजित शतक बनाए। लिगमा दोश्रो शतक बनाउने क्रममा राहुलले मात्र ६९ बलमा १३२ रन बनाए जुन क्रममा १४ चौका र ७ छक्का प्रहार गरे। राहुल ८३ रनमा खेल्दा १७ औं ओभरमा डेल स्टेनको बलमा कप्तान कोहलीले डिप-मिड विकेटमा क्याच छोडेका थिए।

राहुलको १३२ रन आईपीएलमा भारतीय ब्याट्सम्यानको उच्च योगफल हो। लिग इतिहासमा उनको यो दोश्रो शतक हो। यस्तै लिग इतिहासमै कुनै पनि कप्तानले बनाएको यो उच्च स्कोर हो। यस अघि सनराइजर्स हैदरावादका कप्तान डेभिड वार्नरले २०१७ मा १२६ रन बनाएर रेकर्ड बनाएका थिए। २०११ मा दिल्लीका कप्तान विरेन्द्र सेहवागले ११९ रन बनाएका थिए। यो पढ्नुस – केएल राहुलले बनाए ४ ठूलो कीर्तिमान , तोडे सचिनको ८ वर्ष पुरानो रेकर्ड

पहिलो विकेटको लागि मायाँक अग्रवाल र कप्तान केएल राहुलले ५७ रनको साझेदारी गरेका थिए। अघिल्लो खेलमा दिल्ली बिरुद्ध ८९ रन बनएका अग्रवाललाई सातौँ ओभरमा युजभेन्द्र चाहलले बोल्ड गर्दै साझेदारी तोडे। दोश्रो विकेटको लागि निकोलस पुरनसंग राहुलले ५७ रन जोडे। १४ औं ओभरमा शिभम दुबेले १८ बलमा १७ रन बनाएका पुरनलाई क्याच आउट गराए। दुबेले १६ औं ओभरमा ग्लेन म्याक्सवेललाई ५ रनमा पेभेलियन फर्काए। त्यसपछि राहुलले चौथो विकेटको लागि करुण नायरसंग अविजित २८ बलमा ७८ रनको साझेदारी गरे। नायरले ८ बलमा १५ रन बनाए।

बैंगलोरको बलिंगमा शिभम दुबेले २ विकेट लिए जुन क्रममा ३ ओभरमा ३३ रन खर्चिए। युजभेन्द्र चाहलले १ विकेट ( ४-०-२५-१ ) लिए। उमेश यादव, डेल स्टेन, वासिंगटन सुन्दर र डेल स्टेन विकेटविहिन रहे। स्टेनले ४ ओभरमा ५७ रन खर्चिए। स्टेनले गरेको १९ औं ओभरमा केएल राहुलले ३ छक्का र २ चौका प्रहार गर्दै २६ रन बनाएका थिए।

लिग अन्तर्गत शुक्रबारको खेलमा चेन्नाई सुपर किंग्स र दिल्ली क्यापिटल्सले प्रतिस्पर्धा गर्नेछन्। खेल रति ७:४५ बजे सुरु हुनेछ। बैंगलोरले आगामी खेल मुम्बई बिरुद्ध सेप्टेम्बर २८ तथा पन्जाबले आगामी खेल सेप्टेम्बर २७ मा राजस्थान रोयल्स बिरुद्ध खेल्नेछ।

जित सहित पन्जाब मुम्बईलाई पछि पार्दै अंकतालिकाको शिर्षस्थानमा उक्लेको छ। पन्जाब, मुम्बई, राजस्थान, दिल्ली, चेन्नाई र बैंगलोरको समान २ अंक रहेता पनि नेट रन रेटमा पन्जाब ( +२.४२५ ) अघि रहेको हो।

लिगमा सनराइजर्स हैदरावाद र कोलकाता नाइट राइडर्स १/१ खेल खेल्दा जित विहिन रहेको छ। चेन्नाई, मुम्बई र बैंगलोरले २ खेल खेल्दा १ जित र १ हार बेहोरेका छन्। दिल्ली र राजस्थानले १/१ खेल जित्दै अपराजित रहेको छ।

IPL : केएल राहुलले बनाए ४ ठूलो कीर्तिमान , तोडे सचिनको ८ वर्ष पुरानो रेकर्ड

चेन्नाईसंग आश्विन खेल्ने अनिश्चित, प्रशिक्षक कैफले बताए आश्विनको स्थान कसले लिनेछन्

चर्चित कमेन्टेटर तथा पूर्व क्रिकेटर डीन जोन्सको निधन, क्रिकेट जगतनै शोकमा

IPL 2020 : राजस्थान रोयल्सलाई राहतको खबर , स्टोक्स टिमसंग जोडिने

‘रोहित आईपीएलको दोश्रो उत्कृस्ट कप्तान’ – सेहवाग





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]