१९ सेप्टेम्बर देखि युएईमा आयोजना हुनेछ आईपीएल



बहुप्रतिक्षित इन्डियन प्रिमियर लिग ( आईपीएल ) को १३ औं संस्करण सेप्टेम्बर १९ देखि युनाइटेड अरब इमिरेट्स ( युएई ) मा सुरु हुने भएको छ।

भारतीय क्रिकेट कन्ट्रोल बोर्ड ( बिसीसीआई ) श्रोतलाई उधृत गर्दै प्रेस ट्रस्ट अफ इन्डियाले आईपीएल सेप्टेम्बर १९ देखि नोभेम्बर ८ सम्म आयोजना हुने बताएको हो। खेलहरु दर्शक विहिन मैदानमा आयोजना हुने बताईएको छ।

तथापी आईपीएलको अधिकारिक रुपमा मिति घोषणा भने भएको छैन। आईपीएल बारे महत्वपूर्ण घोषणाहरु आगामी साता आईपीएलको गभर्निंग काउन्सिलको बैठकले गर्नेछ जसलेनै उक्त मितिलाई मान्यता दिनेछ। यो बुझिएको छ कि बिसीसीआईले आईपीएल गर्ने योजना बारे टिमहरुलाई भने जानकारी गरिसकेको छ।

“आईपीएल सम्भवत: सेप्टेम्बर १९ देखि नोभेम्बर ८ सम्म हुनेछ। ५१ दिन चल्ने प्रतियोगिता फ़्रेन्चाइज्, प्रशारक तथा अन्य सरोकारवालाहरुलाई पनि अनुकुल हुनेछ।” एक बिसीसीआई अधिकारीले बताए।

आईसीसीले अस्ट्रेलियामा अक्टोबर-नोभेम्बर मा हुने टि-२० विश्वकप सार्ने निर्णय गरेपछि आईपीएलले आयोजना गर्ने ठाउँ पाएको हो। अस्ट्रेलियाले कोभिड-१९ महामारीका बीच प्रतियोगिता आयोजना गर्न नसक्ने बताएको थियो।

आईपीएलको १३ औं संस्करण युएईमा आयोजना हुनेछ

यस अघि आईपीएल सेप्टेम्बर २६ देखि सुरु हुनसक्ने बताईएको थियो तर आईपीएल पछि भारतीय क्रिकेट टिमको अस्ट्रेलिया टुरलाई मध्यनजर राखेर मिति अघि सारिएको हो।

“अस्ट्रेलिया सरकारको नियमानुसार भारतीय टिम अस्ट्रेलिया टुर अघि अनिवार्य १४ दिन क्वारेन्टिनमा बस्नेछ। त्यसैलाई मध्यनजर राखेका हौँ।”

“५१ दिन प्रतियोगिता आयोजना गर्दा निकै कम दिन मात्र एकै दिन दुइ वटा खेल ( डबल हेडर) हुनेछ। हामि पहिले जस्तै सात हफ्तामा मात्र ५ वटा डबल हेडर आयोजना गर्नेछौ।” श्रोतले बतायो

यो बताईएको छ कि सबै टिमलाई तयारी गर्नको लागि १ महिनाको समय आवस्यक रहन्छ त्यसैले अगस्ट २० वरपर टिमहरु युएई प्रस्थान गर्नेछन्। जसले गर्दा टिमले ४ हफ्ता तयारी गर्ने मौका पाउनेछन्।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]