IPL : कोलकाता बिरुद्ध बैंगलोरले पहिले ब्याटिंग गर्ने, दुई खेलाडीले डेब्यु गर्दै



युएईमा जारी इन्डियन प्रिमियर लिगको ( आईपीएल ) दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता नाइट राइडर्स प्रतिस्पर्धा गर्दैछन्।

शेख जायद स्टेडियम अबुधाबीमा हुने खेलमा बैंगलोर कप्तान बिराट कोहलीले टस जितेर ब्याटिंग गर्ने निर्णय लिएको छ। टस जिते पछि कोहलीले पिच ब्याटिंगको लागि राम्रो रहेको र दोश्रो इनिंग्समा थोरै सुस्त हुन सक्ने बताए। बैंगलोरले अन्तिम-११ श्रीलंकन लेग स्पीन अलराउण्डर वानिन्दु हसरंगालाई मौका दिएको छ। हसरंगाको यो लिगमा डेब्यु हुनेछ। यस्तै दायाँ हाते ब्याट्सम्यान केएस भारतले पनि डेब्यु गर्ने भएका छन्।

रोयल च्यालेन्जर्स बैंगलोरको अन्तिम ११ : Virat Kohli(c), Devdutt Padikkal, Srikar Bharat, Glenn Maxwell, AB de Villiers(w), Wanindu Hasaranga, Sachin Baby, Kyle Jamieson, Mohammed Siraj, Harshal Patel, Yuzvendra Chahal

टस हारे पछि कोलकाता कप्तान ओएन मोर्गनले पिचले पुरै खेलमा समान व्यवहार गर्ने विश्वास व्यक्त गरे। सुरुवातमा जित दर्ता गर्दै प्रतियोगिताको राम्रो सुरुवात गर्ने चाहना उनले व्यक्त गरे।

कोलकाताको अन्तिम-११ : Shubman Gill, Nitish Rana, Rahul Tripathi, Eoin Morgan(c), Andre Russell, Dinesh Karthik(w), Sunil Narine, Venkatesh Iyer, Lockie Ferguson, Varun Chakravarthy, Prasidh Krishna

लिग अंकतालिकामा बैंगलोर ७ खेलमा ५ जित र २ हार पछि १० अंक सहित तेश्रो स्थानमा छ भने कोलकाता ७ खेलमा २ जित र ५ हार पछी सातौँ स्थानमा छ।

लिगमा यस अघि भएको भेटमा बैंगलोरले कोलकातालाई ३८ रनले पराजित गरेको थियो। बैंगलोरले दिएको २०५ रनको लक्ष्य पछ्याउने क्रममा कोलकाताले १६६ रन बनाएको थियो। बैंगलोरको लागि ग्लेन म्याक्सवेलले सर्वाधिक ७८ तथा एबि डी भिल्लीयर्सले ७६ रन बनाएका थिए भने बलिंगमा कायल जेमीसनले ३ तथा युजभेन्द्र चाहल र हर्षल पटेलले समान २ विकेट लिएका थिए।

बैंगलोर निलो जर्सीमा खेल्ने : आजको खेल रोयल च्यालेन्जर्स बैंगलोरले निलो जर्सी लगाएर खेल्नेछ। कोभिड-१९ को दौरान अग्रस्थानमा रहेर खटिने व्यक्तिहरुको सम्मानमा बैंगलोरले निलो जर्सी लगाएको हो। यस्तै खेलको दौरान बैंगलोरले हिर्काउने प्रत्येक चौका, छक्का तथा लिने विकेट बराबरको सहयोग पनि बैंगलोरले गर्नेछ।





थप समाचार

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]