IPL : वोक्सको स्थानमा दिल्लीले दक्षिण अफ्रिकी पेसर नोर्कियालाई भित्र्यायो



इन्डियन प्रिमियर लिग टि-२० ( IPL ) को फ़्रेन्चाइज् दिल्ली क्यापिटल्सले सिजनको सुरुवात अघि टिममा एक परिवर्तन गरेको छ।

इंग्ल्यान्डका अल-राउण्डर क्रिस वोक्सले आईपीएल नखेल्ने निर्णय लिएपछि दिल्ली नयाँ खेलाडी खोजिरहेको थियो। सोहि अनुरुप दिल्लीले दक्षिण अफ्रिकी दायाँ हाते फास्ट बलर एनरिक नोर्कियालाई टिममा भित्र्याएको छ।

वोक्सले आईपीएल स्थगित भएपछि अप्रिलमा लिगबाट पछि हट्ने निर्णय लिएका थिए। उनलाई १.५ करोड भारुमा दिल्लीले लिएको थियो। लिगबाट हट्ने निर्णय पछि वोक्सले भर्खरै उक्त निर्णय लिएकोमा पछुतो व्यक्त गरेका थिए। आफुलाई इंग्ल्यान्डको नयाँ सिजनमा फिट राख्न भन्दै उनले आईपीएल छोड्ने निर्णय लिएका थिए।

पछिल्लो बर्ष नोर्किया कोलकाता नाइट राइडर्स टिममा समावेश भएता पनि चोटको कारण डेब्यु गर्ने मौका भने पाएका थिएनन्। २६ वर्षीय बलरले दिल्लीसंग जोडिन पाएकोमा खुसि व्यक्त गरेका छन् –

“दिल्ली बाट खेल्न म निकै उत्साहित छु, जुन टिमले गत वर्ष निकै चर्चा बटुलेको थियो। युवा र अनुभवी खेलाडीहरुको मिश्रण तथा उत्कृस्ट प्रशिक्षक रहेको लाइनअपमा आबद्ध हुँदा मेरो लागि सिक्ने उत्कृस्ट अवसर हुनेछ।”  नोर्कियाले बताए।

१५० किमी/घण्टाको गतिमा बलिंग गर्न सक्ने नोर्कियाले २०१९ मा दक्षिण अफ्रीकाको लागि तिन वटै फर्म्याटमा डेब्यु गरेका थिए। उनलाई यो वर्ष दक्षिण अफ्रीका क्रिकेटले उदयमान खेलाडीको अवार्ड समेत प्रदान गरेको थियो। उनले हालसम्म ६ वटा टेस्ट, ७ वानडे तथा ३ टि-२० अन्तर्राष्ट्रिय खेलीसकेका छन् जसमा उनले क्रमशः १९, १४ र २ विकेट हात पारेका छन्।

 

दिल्लीमा नोर्कियासंगै अर्का दक्षिण अफ्रिकी खेलाडी कागीसो रबाड़ा पनि रहेका छन्। दिल्लीमा नेपाली स्पिनर सन्दिप लामिछाने पनि आवद्ध रहेका छन् भने शिखर धवन, रिशभ पन्त, रभीचन्द्रन आश्विन, पृथ्वी शा, अक्षर पटेल, अजिंके रहाने, जेसन रोय, अमित मिश्रा जस्ता खेलाडीहरु रहेका छन्।

दिल्ली गत सिजन लिग अंकतालिकामा तेश्रो स्थानमा रहँदै प्लेअफ पुग्न सफल रहेको थियो। इलिमीनेटरमा सनराइजर्स हैदरावादलाई पराजित गरेको दिल्ली दोश्रो क्वालिफायरमा चेन्नाईसंग पराजित भएको थियो।

आईपीएल सेप्टेम्बर १९ देखि नोभेम्बर १० सम्म युएईमा संचालन हुनेछ। खेलहरु शारजाह, दुबई र अबु धाबी गरि तिन वटा सहरमा संचालन हुनेछ।

दिल्ली टिम :- श्रेयस अयर, पृथ्वी शा, रिषभ पंत, शिखर धवन, अक्षर पटेल, कीमो पल, अमित मिश्रा, आवेश खान, हर्शल पटेल, इशांत शर्मा, कागिसो रबाडा, सन्दिप लामिछाने, आर. अश्विन, अजिंक्य रहाने, जेसन रोय, एलेक्स केरी, शिमरन हेटमायर, एनरिक नोर्किया, मार्कस स्टोइनिस, मोहित शर्मा, ललित यादव र तुषार देशपांडे।

यो पनि पढ्नुस :-

आईपीएल २०२० : कुन टिममा को-को खेलाडी छन्

भिभो भन्दा आधा रकममा DREAM-11 बन्ने भयो आईपीएलको मुख्य प्रायोजक

कोहलीको अन्तर्राष्ट्रिय क्रिकेटमा १२ वर्ष पुरा, उनले बनाएका २० किर्तिमान

आईपीएल : यी ठुला खेलाडीहरु जसले सुरुवाती खेलहरु गुमाउनेछन्

युजभेन्द्र चाहलले सार्वजनिक गरे आफ्नो जीवनसाथी

शोयब अख्तरको दावी, यस कारण बुम्राहको क्रिकेट करियर धेरै लामो चल्ने छैन





थप समाचार

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]

भारतीय टेस्ट कप्तानबाट कोहलीको राजिनामा

भारतीय क्रिकेटर बिराट कोहलीले भारतको टेस्ट क्रिकेटको कप्तानी तुरन्त लागु हुने गरि छाड्ने घोषणा गरेका छन्। सन् २०१४ मा पहिलो […]

गण्डकीलाई ४० रनले हराउँदै बागमती सेमिफाइनलमा

गण्डकी प्रदेशलाई ४० रनले हराउँदै बागमती प्रदेश जारि प्रधानमन्त्री टि-ट्वान्टी राष्ट्रिय प्रतियोगिताको सेमिफाइनल प्रवेश गरेको छ। यस अघि नै नेपाल […]

बिपिन र प्रतिषको आक्रामक पारि, बागमतीको सामन्य योगफल

प्रधामन्त्री कप टि-ट्वान्टी राष्ट्रिय प्रतियोगिता अन्तर्गत हाल कीर्तिपुरस्थित टियु क्रिकेट मैदानमा बागमती प्रदेश र गण्डकी प्रदेश खेलिरहेका छन् । खेलमा […]

U19WC : पहिलो दिन अस्ट्रेलिया र श्रीलंका विजयी

स्टइन्डिजमा सुरु भएको आईसीसी अन्डर-१९ विश्वकप प्रतियोगिताको पहिलो दिन सम्पन्न दुईवटा खेलमा अस्ट्रेलिया र श्रीलंका विजयी भएका छन्। गय राति […]