राजस्थानद्वारा चेन्नाई १२५ मै सिमित



युएईमा जारी १३ औं संस्करणको आईपिएल अन्तर्गत सोमबार ३७ औं खेलमा महेन्द्र सिंह धोनी कप्तानीको चेन्नाई सुपर किङ्ग्स र स्टिभ स्मिथ कप्तानीको राजस्थान रोयल्सबीच प्रतिस्पर्धा भैरहेको छ।

शेख जायद स्टेडियम अबुधाबीमा जारि खेलमा टस जितेर ब्याटिंग गरेको चेन्नाईले २० ओभरमा ५ विकेट गुमाएर १२५ रन बनाउदै राजस्थानलाई १२६ रनको लक्ष्य प्रस्तुत गरेको छ।

चेन्नाईको ब्याटिंगमा रभिन्द्र जडेजाले सर्वाधिक अविजित ३५ रन बनाए जुन क्रममा ३० बलमा ४ चौका प्रहार गरे। महेन्द्र सिंह धोनीले २८, स्याम करनले २२, अम्बाती रायडुले १३, फाफ डु प्लेसीले १० तथा शेन वाटसनले ८ रन बनाए। धोनीले चेन्नाई सुपर किंग्सको लागि ४ हजार रन पुरा गरे।

चेन्नाईको सुरुवात राम्रो हुन सकेन। ओपनर डु प्लेसीलाई तेश्रो ओभरमा आर्चरले क्याच आउट गराए। चौथो ओभरमा वाटसनकार्तिक त्यागिबाट क्याच आउट भए। त्यसपछि ओपनर स्याम करनले अम्बाती रायडुसंग २७ रनको साझेदारी गरे। नवौं ओभरमा करनलाई श्रेयस गोपालले क्याच आउट गराए। लगत्तै ओभरमा रायडुलाई राहुल तेवतियाले क्याच आउट गराए।

रभिन्द्र जडेजाले सर्वाधिक ३५ रन बनाए

१० ओभरमा ५६/४ को अवस्थाबाट कप्तान धोनी र रभिन्द्र जडेजाले अर्धशतकीय साझेदारी गर्दै टिमक योगफल १०० पार गराए। १८ औं ओभरमा २ रन लिने क्रममा धोनीलाई आर्चरले रन आउट गरे। त्यसपछि जडेजाले केदार जाधबसंग १८ रनको साझेदारी गर्दै अविजित रहे।चेन्नाईले अन्तिम ५ ओभरमा १ विकेट मात्र गुमाएता पनि मात्र ३६ रन बनाउन सक्यो।

राजस्थानको बलिंगमा जोफ्रा आर्चर ( ४-०-२०-१ ) , कार्तिक त्यागि ( ४-०-३५-१ ) ,श्रेयस गोपाल ( ४-०-१४-१ ) र राहुल तेवतिया ( ४-०-१८-१ ) ले समान १ विकेट लिए। बेन स्टोक्स ( ३-०-२७-० ) विकेटविहिन रहे।

दुबै टोलि ९ खेलमा ६ अंक बटुल्दै नेट रन रेटको आधारमा सातौं (चेन्नाई) र आठौं स्थानमा (राजस्थान) छन्। शिर्ष-४ मा आफ्नो स्थान सुनिश्चित गर्न दुबै टोलिले आगामी ५ खेल जित्नै पर्ने हुन्छ। ४ खेल जितेको खण्डमा कुल १४ अंक हुनेछ र शिर्ष-४ मा पर्न अन्य टोलिको नतिजामा निर्भर रहनु पर्नेछ।

पछिल्लो भेट :- लिग अन्तर्गत चौथो खेलमा यी दुई टोलिबीच प्रतिस्पर्धा भएको थियो जसमा राजस्थान १६ रनले विजयी भएको थियो। पहिले ब्याटिंग गरेको राजस्थानले २१७ रनको विशाल लक्ष्य प्रस्तुत गरेको थियो जुन पछ्याउने क्रममा चेन्नाईले मात्र २०० रन बनाउन सकेको थियो।

“शामी ६ वटै बल योरकर गर्नेमा स्पस्ट थिए” पन्जाब कप्तान राहुल

आईपीएल इतिहासमै पहिलो पटक एकै दिन ३ वटा सुपर ओभर

IPL : सिजनमा ५ सय रन पुरा गर्दै राहुलले बनाए ठूलो कीर्तिमान

फर्गुसनले घातक बलिंग गर्दा सुपर ओभरमा कोलकाताद्वारा हैदरावाद पराजित





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]