IPL : रायडु र डु प्लेसिस चम्किदा चेन्नाईको पहिलो जित



आईपीएल टि-२० को उद्घाटन खेलमा महेन्द्र सिंह धोनी कप्तानीको चेन्नाई सुपर किंग्सले रोहित शर्मा कप्तानीको डिफेन्डिङ च्याम्पियन मुम्बई इन्डीएन्सलाई ५ विकेटले पराजित गरेको छ।

युएईको अबुधाबी स्थित शेख जायद स्टेडियममा सम्पन्न खेलमा मुम्बईले दिएको १६३ रनको लक्ष्य चेन्नाईले ५ विकेट गुमाएर १९.२ ओभरमा पुरा गरेको हो। मुम्बईले लगातार आईपीएलको आठौँ सिजनमा आफ्नो पहिलो खेलमा हार बेहोरेको छ।

चेन्नाईको लागि अम्बाती रायडुले सर्वाधिक ७१ रन बनाए जुन क्रममा ४८ बलमा ६ चौका र ३ छक्का प्रहार गरे। यस्तै फाफ डु प्लेसिसले अविजित ४४ बलमा ६ चौका प्रहार गर्दै ५८ रन बनाए।

रायडुले सर्वाधिक ७१ रन बनाए

लक्ष्य पछ्याउने क्रममा ओपनर मुरली विजय १ तथा शेन वाटसन ४ रन बनाएर आउट भएपछि तेश्रो विकेटको लागि फाफ डु प्लेसिस र अम्बाती रायडुले शतकीय साझेदारी गरेका थिए। १६ औं ओभरमा रायडुलाई राहुल चाहरले आफै द्वारा क्याच आउट गर्नु अघि उनले ६/२ को अवस्थाबाट १२१/३ को अवस्थामा पुर्याएका थिए। रायडुको विकेट पछि डुप्लेसिसले एक किनार अन्तिमसम्म सम्हाली रहे।

जडेजाले ५ बलमा २ चौका मद्दतले १० रन तथा स्याम करनले ६ बलमा २ छक्का र १ चौका मद्दतले १८ रन बनाए पछि अन्तिममा चेन्नाईको जित सहज बन्यो। धोनी खाता नखोली अविजित रहे।

१८ बलमा जितको लागि २९ रन आवस्यक रहेको बेला स्याम करनले क्रुनाल पान्ड्यालाई १८ औं ओभरमा १ छक्का र १ चौका तथा तथा १९ औं ओभरमा जस्प्रित बुम्राहलाई १ छक्का प्रहार गरेपछि जित सहज बनेको थियो।

मुम्बईको बलिंगमा ट्रेन्ट बोल् ( ३.२-०-२३-१ ) , जेम्स प्याटिन्सन ( ४-०-२७-१ ) , जस्प्रित बुम्राह ( ४-०-४३-१ ) , क्रुनाल पान्ड्या ( ४-०-३७-१ ) र राहुल चाहर ( ४-०-३६-१ ) ले समान १/१ विकेट लिए।

मुम्बईको ब्याटिंग 

यस अघि टस हारेर ब्याटिंग गरेको मुम्बईले २० ओभरमा ९ विकेट गुमाएर १६२ रन बनाएको थियो।

मुम्बईको लागि सौरभ तिवारीले सर्वाधिक ४२ रन ( ३१ बलमा ३ चौका र १ छक्का ) , क्विन्टन डीककले ३३ ( २० बलमा ५ चौका ) बनाए। काइरन पोलार्डले १८, सुर्य कुमार यादवले १७, हार्दिक पान्ड्याले १४, रोहित शर्माले १२ रन बनाए।

एनगीडीले सर्वाधिक ३ विकेट लिए

पहिलो विकेटको लागि रोहित र डीककले ४.४ ओभरमा ४६ रनको साझेदारी गरेका थिए। रोहितलाई पियुष चावला तथा डीककलाई स्याम करनले आउट गरे। तेश्रो विकेटको लागि सुर्यकुमार यादव र सौरभ तिवारीले ४४ रनको साझेदारी गरे। यादवलाई चाहरले आउट गरेर साझेदारी तोडे। त्यसपछि मुम्बईले लगातार विकेट गुमायो जुन क्रममा १५ औं ओभरमा रभीन्द्र जडेजाले सौरभ र हार्दिक दुवैलाई पेभेलियन फर्काए। त्यसपछि काइरन पोलार्ड, क्रुनाल पान्ड्या र जेम्स प्याटिन्सनलाई लुंगी एनगीडीले पेभेलियन फर्काए।

चेन्नाईको बलिंगमा लुंगी एनगीडीले सर्वाधिक ३ विकेट लिए जुन क्रममा ४ ओभरमा ३८ रन खर्चिए। रभीन्द्र जडेजा ( ४-०-४२-२ ) र दिपक चाहर ( ४-०-३२-२ ) ले समान २ विकेट लिए। स्याम करन ( ४-०-२८-१ ) र पियुष चावला ( ४-०-२१-१ ) ले समान १/१ विकेट लिए।

लिग अन्तर्गत दोश्रो खेलमा आइतबार दिल्ली क्यापिटल्सले किंग्स-११ पन्जाबसंग प्रतिस्पर्धा गर्नेछ। खेल नेपाली समय ७:४५ बजे सुरु हुनेछ।

यो पनि पढ्नुस :-

IPL : मुम्बई बिरुद्ध जितपछि धोनीले बनाए ठूलो कीर्तिमान

चर्चित प्रस्तोता मयान्ति यो सिजन आईपीएलको हिस्सा नहुने, कारण यस्तो

“कुनै शंका ?” सचिनले बताए आईपीएल जित्नसक्ने आफ्नो प्रिय टिम

IPL : टसको क्रममा धोनीको मजाक, सोधे – ‘स्लिप राख्न पाइन्छ?’





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]