यादव र बुम्राह चम्किदा मुम्बईद्वारा बैंगलोर ५ विकेटले पराजित



युएईमा जारि आईपीएल २०२० अन्तर्गत डिफेन्डिङ च्याम्पियन मुम्बई इन्डीएन्स प्लेअफ पुग्ने पहिलो टिम बन्ने निश्चित जस्तो भएको छ। लिग अन्तर्गत ४८ औं खेलमा बैंगलोरलाई ५ विकेटले पराजित गर्दै मुम्बईले अंकतालिकामा शिर्ष स्थानमा कायमै राखेको हो।

अबुधाबी स्थित शेख जायद स्टेडियममा सम्पन्न खेलमा बैंगलोरले दिएको १६५ रनको लक्ष्य १९.१ ओभरमा ५ विकेट गुमाएर पुरा गरेको हो।

मुम्बईको लागी सुर्यकुमार यादबले आईपीएल करियरमा व्यक्तिगत उच्च रन बनाउने क्रममा अविजित ७९ रन बनाए। यस क्रममा उनले ४३ बलमा १० चौका र ३ छक्का प्रहार गरे। इशान किशनले २५, क्विन्टन डीकले १८, हार्दिक पान्ड्याले १७, क्रुनाल पान्ड्याले १० तथा काइरन पोलार्डले अविजित ४ रन बनाए।

सुर्यकुमार यादवले अविजित ७९ रन बनाए

पहिलो विकेटको लागि ओपनर क्विन्टन डीकक र इशान किशनले ३७ रनको साझेदारी गरेपछि छैठौं ओभरमा मोहम्मद सिराजले डीककलाई क्याच आउट गराए। त्यसपछि क्रिजमा आएका यादवले एक किनार सम्हालेता पनि मुम्बईले नियमित अन्तरालमा विकेट गुमायो। आठौँ ओभरमा किशन, ११ औं ओभरमा सौरभ तिवारी तथा १४ औं ओभरमा क्रुनाल पान्ड्या आउट भए।

पाँचौ विकेटको लागि यादवले हार्दिक पान्ड्यासंग ३० बलमा ५१ रनको साझेदारी गर्दै टिमलाई जित नजिक पुर्याए। १९ औं ओभरमा पान्ड्यालाई क्रिस मोरिसले क्याच आउट गराए। त्यसपछि २० औं ओभरको पहिलो बलमा यादवले सिराजलाई चौका हिर्काएर टिमलाई जित दिलाए।

बैंगलोरको बलिंगमा युजभेन्द्र चहल ( ४-०-३७-२ ) र मोहम्मद सिराज ( ३.१-०-२८-२ ) ले समान २ विकेट लिए भने क्रिस मोरिस ( ४-०-३६-१ ) ले १ विकेट लिए।

बैंगलोरको ब्याटिंग 

यस अघि टस हारेर ब्याटिंग गरेको बैंगलोरले २० ओभरमा ६ विकेट गुमाएर १६४ रन बनाएको थियो।

बैंगलोरको लागि ओपनर देभदत्त पडीक्कले सिजनमा चौथो अर्धशतक बनाउने क्रममा सर्वाधिक ७४ रन बनाए जुन क्रममा ४५ बलमा १२ चौका र १ छक्का प्रहार गरे। अर्का ओपनर जोश फिलिपेले ३३, एबि डी भिल्लीयर्सले १५, गुरकिरात सिंहले अविजित १४, वासिंगटन सुन्दरले अविजित १० तथा बिराट कोहलीले ९ रन बनाए।

जस्प्रित बुम्राहले ३ विकेट लिए

पहिलो विकेटको लागि पडीक्कलले जोश फिलिपेसंग ७१ रनको ओपनिंग साझेदारी गरे। आठौँ ओभरमा फिलिपेलाई राहुल चाहरले स्टम्प आउट गराए। त्यसपछि १२ औं ओभरमा कप्तान बिराट कोहलीलाई बुम्राहले क्याच आउट गराए। पडीक्कलले त्यसपछि तेश्रो विकेटको लागि डी भिल्लीयर्ससंग ३६ रनको साझेदारी गरे। १६ औं ओभरमा डी भिल्लीयर्सआई काइरन पोलार्डले क्याच आउट गराए। सोहि ओभरमा पडीक्कललाई बुम्राहले ट्रेन्ट बोल्टबाट क्याच आउट गराए। लगत्तै ओभरमा क्रिस मोरिसलाई बोल्टले क्याच आउट गराए। सातौँ विकेटको लागि गुरकिरत सिंहले वासिंगटन सुन्दरसंग १६ बलमा २६ रनको अविजित साझेदारी गरे।

१३१/२ को अवस्थाबाट बीचमा लगातार विकेट गुम्दा बैंगलोरले १६४ रन मात्र बनाउन सक्यो।

मुम्बईको बलिंगमा जस्प्रित बुम्राहले सर्वाधिक ३ विकेट लिए जुन क्रममा ४ ओभरमा १ मेडन ओभर गर्दै मात्र १४ रन खर्चिए। ट्रेन्ट बोल्ट ( ४-०-४०-१ ), राहुल चाहर ( ४-०-४३-१ ) , काइरन पोलार्ड ( १-०-५-१ ) ले समान १ विकेट लिए।

अंकतालिका , प्लेअफ र आगामी खेल 

जितपछि मुम्बई १२ खेलमा ८ जित र ४ हारको साथ १६ अंक बटुल्दै शिर्ष स्थानमा कायमै रहेको छ। यो संगै लिगको प्लेअफ पुग्ने मुम्बई पहिलो टिम बन्ने निश्चित भएको छ। यदी मुम्बईले बाँकी दुवै खेल कुल २०० रन अन्तरले हार्यो तथा कोलकाताले दुवै खेल १८० रन अन्तरले जित्यो भने मात्रै मुम्बईलाई नेट रन रेटमा कोलकाताले पछि पार्न सक्छ जुन व्यवहारिकरुपमा असम्भव छ।

चेन्नाई सुपर किंग्स प्लेअफ रेसबाट बाहिरिएको छ भने अन्य टिमको प्लेअफ सम्भावना अझै जिवितै रहेको छ।

हारपछि बैंगलोर १२ खेलमा ७ जित र ५ हार पछि १४ अंक सहित दोश्रो स्थानमा यथावत रहेको छ। समान अंक रहे पनि दिल्ली नेट रन रेटमा पछि रहँदै तेश्रो स्थानमा रहेको छ। बैंगलोरले प्ले अफ पुग्न बाँकी २ खेल मध्ये १ खेलमा जित दर्ता गर्नुपर्नेछ।

बैंगलोरले आगामी खेल शनिवार हैदरावाद बिरुद्ध तथा मुम्बईले शनिवारनै दिल्ली बिरुद्ध खेल्ने तालिका रहेको छ। लिग अन्तर्गत बिहिबार चेन्नाई सुपर किंग्स र कोलकाता नाइट राइडर्सले प्रतिस्पर्धा गर्नेछन्।

IPL : डीआरएस नलिन प्रोत्साहित गरेपछि अम्पायर चौधरी विवादमा

हैदरावाद कप्तान वार्नरले आईपीएलमा पहिलो पटक गरे बलिंग , हेर्नुस भिडियो

आईपीएलपछि भारतको अस्ट्रेलिया भ्रमणको खेल तालिका सार्वजनिक

हैदरावादसंग विशाल हार तथा लगातार तेश्रो हारपछि दिल्ली कप्तान ऐयरले के भने





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]