T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर



जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो सहभागितामै नामिबिया दोश्रो चरण प्रवेश गर्न सफल भएको हो। आगामी वर्ष अस्ट्रेलियामा हुने टि-ट्वान्टी विश्वकपमा समेत नामिबिया स्वतः छनोट भएको छ। नामिबिया पहिलो खेलमा श्रीलंकासंग पराजित भएपछि दोश्रो खेलमा नेदरल्याण्डलाई ६ विकेटले पराजित गरेको थियो।

हारसंगै आयरल्याण्ड पहिलो चरणबाटै बाहिर भएको छ जसले पहिलो खेलमा नेदरल्याण्डलाई ७ विकेटले पराजित गरेपछि दोश्रो खेलमा श्रीलंकासंग ७० रनको हार बेहोरेको थियो। समुह ‘ए’ बाट यस अघिनै दुवै खेल जित्दै श्रीलंकाले सुपर-१२ चरणमा स्थान पक्का गरिसकेको थियो भने नेदरल्याण्ड बाहिर बहिसकेको छ। आज हुने नेदरल्याण्ड र श्रीलंका बीचको खेल पछि समुहको विजेता र उपविजेता टिम तय हुनेछ। समुह ‘बि’ बाट स्कटल्याण्ड र बंगलादेश विजेता र उपविजेताको रुपमा सुपर-१२ पुगीसकेको छ।

युएईको शारजाह क्रिकेट मैदानमा आयरल्याण्डले दिएको १२६ रनको लक्ष्य नामिबियाले ९ बल बाँकी रहँदै २ विकेट क्षेतीमा पुरा गर्यो। उसको लागि कप्तान गेरार्ड इरास्मसले अविजित ५३ रन बनाए जुन क्रममा ४९ बलमा ३ चौका र १ छक्का प्रहार गरे। यस्तै डेभिड विजेले १४ बलमा १ चौका र २ छक्का मद्दतले अविजित २८ रन बनए। जेन ग्रिनले २४ तथा क्रेग विलियम्सले १५ रन बनाए।

लक्ष्य पछ्याउने क्रममा ओपनर क्रेग विलियम्स र जेन ग्रिनले २५ रनको साझेदारी गरे। छैठौं ओभरमा विलियम्स आउट भएपछि ग्रिनले कप्तान गेरार्ड इरास्मससंग ४८ रनको साझेदारी गरे। चौधौं ओभरमा ग्रिन आउट भए। त्यसपछि क्रिजमा आएका डेभिड विजेले पन्ध्रौँ ओभरमा लगातार २ छक्का प्रहार गर्दै दबाब कम गरे। जित्न ३ ओभरमा २१ रन आवस्यक हुँदा अठारौं ओभरमा बलिंगमा आएका अफ स्पिनर सिमि सिंहको दोश्रो बलमा छक्का प्रहार गर्दै जित सहज बनाए। दुवैले तेश्रो विकेटको लागि अविजित ५३ रनको साझेदारी गर्दै जितसम्म पुर्याए। आयरल्याण्डको बलिंगमा कर्टिस क्याम्फरले २ विकेट ( ३-०-१४-२ ) लिए।

टस जितेर ब्याटिंग गरेको आयरल्याण्डले २० ओभरमा ८ विकेट क्षेतीमा १२५ रन बनाएको थियो। उसको लागि ओपनरद्वय पल स्टरलिंगले ३८ तथा केभिन ओ ब्रायनले २५ रन तथा तेश्रो नम्बरका एन्ड्रयु बालबर्नीले २१ रन बनाए। अन्य ब्याट्सम्यानले दोहोरो अंकमा रन बनाउन सकेनन्।

स्टरलिंग र ओ ब्रायनले ६२ रनको साझेदारी गरेका थिए। त्यसपछि मध्यक्रम ब्याट्सम्यानहरुले रन बनाउन नसक्दा एक समय १०१ रनमा ३ विकेट गुमाएको आयरल्याण्डले अन्तिम ४ ओभरमा मात्र २४ रन बनाउदा थप ६ विकेट गुमाउन पुग्यो।

नामिबियाको बलिंगमा जान फ्राईलिंकले सर्वाधिक ३ विकेट ( ४-०-२१-३ ) लिए। डेभिड विजेले २ विकेट ( ४-०-२२-२ ) लिंदा जेजे स्मिथ र बर्नार्ड स्कल्जले समान एक विकेट लिए।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]