T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो



युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले पराजित गर्दै श्रीलंका सुपर-१२ चरण प्रवेश गर्ने पहिलो टिम बनेको छ। श्रीलंकाले पहिलो खेलमा नामिबियालाई ७ विकेटले पराजित गरेको थियो। श्रीलंकाको जितसंगै नेदरल्याण्ड एक खेल खेल्न बाँकी रहँदै पहिलो चरणबाटै बाहिर भएको छ।

युएईको अबुधाबी स्थित शेख जायद स्टेडियममा सम्पन्न समुह ‘ए’ अन्तर्गतको खेलमा श्रीलंकाले दिएको १७२ रनको लक्ष्य पछ्याउने क्रममा आयरल्याण्डले १८.३ ओभरमा सबै विकेट गुमाएर १०१ रन मात्र बनाउन सक्यो।

आयरल्याण्डको लागि कप्तान एन्ड्रयु बालबर्नीले सर्वाधिक ४१ तथा कर्टिस क्याम्फरले २४ रन बनाए। ३२ रन बनाउदा ३ विकेट गुमाएको अवस्थामा चौंथो विकेटको लागि कप्तान एन्ड्रयु बालबर्नी र कर्टिस क्याम्फरले ५३ रनको साझेदारी गरेता पनि त्यसपछि लगातार विकेट गुमाउदा श्रीलंका खेलमा हावी रह्यो।

श्रीलंकाको बलिंगमा महेश तिक्षनाले सर्वाधिक ३ विकेट ( ४-०-१७-३ ) तथा लाहिरु कुमारा ( ४-०-२२-२ ) र चमिका करुनारत्नेले ( ३.३-०-२७-२ ) समान दुई विकेट  लिए। वानिन्दु हसरंगा ( ४-०-१२-१ ) र दुश्मन्था चमिरा ( ३-०-१६-१ ) ले समान १ विकेट लिए।

यस अघि टस हारेर ब्याटिंग गरेको श्रीलंकाले २० ओभरमा ७ विकेट क्षेतीमा १७१ रन बनाएको थियो।

श्रीलंकाको ब्याटिंगमा वानिन्दु हसरंगाले सर्वाधिक ७१ रन तथा पथुम निसंकाले ६१ रन बनाए। हसरंगाले ४७ बलमा १० चौका र १ छक्का तथा निसंकाले ४७ बलमा ६ चौका र १ छक्का प्रहार गरे। कप्तान दासुन शनाकाले ११ बलमा २ चौका र १ छक्का मद्दतले अविजित २१ रन बनाए।

खराब सुरुवात गरेको श्रीलंकाले ८ रन बनाउदा ३ विकेट गुमाएको थियो। कुशल परेरा र अभिस्का फर्नान्डो खाता नखोली तथा दिनेश चण्डीमाल ६ रन बनाएर आउट भए। चौंथो विकेटको लागि निसंका र हसरंगाले १३१ रनको साझेदारी गर्दै इनिंग्स उकासेका थिए।

आयरल्याण्डको बलिंगमा जोशुवा लिटलले सर्वाधिक ४ विकेट लिए जुन क्रममा ४ ओभर बलिंग गर्दै २३ रन खर्चे। मार्क अडेरले २ तथा पल स्टरलिंगले १ विकेट लिए।

समुह चरणको अन्तिम खेलमा श्रीलंकाले अक्टोबर २२ तारिखमा नेदरल्याण्डसंग प्रतिस्पर्धा गर्नेछ। सोहि दिन हुने समुह ‘ए’ को दोश्रो खेलमा नामिबिया र आयरल्याण्ड प्रतिस्पर्धा गर्नेछन् जुन खेलको विजेता टिम सुपर-१२ चरण प्रवेश गर्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]