Tribhuwan Army Club vs Tikapur Cricket Club
Live Score +
Home - अन्तर्राष्ट्रिय क्रिकेट - आईपीएल - “अब दिल्लीले सन्दिप लामिछानेलाई खेलाउने बेला आएको छ” – आकाश चोपडा (भिडियो सहित)

आईपीएल

“अब दिल्लीले सन्दिप लामिछानेलाई खेलाउने बेला आएको छ” – आकाश चोपडा (भिडियो सहित)

Manoj Ghimire
Administrator
  • विकेटनेपाल, बैशाख १९ – बुधबार

जारि इन्डियन प्रिमियर लिग (आईपिएल) क्रिकेट अन्तर्गत ३२ औं खेलमा दिल्ली डेयरदेभिल्सले नेपाली समय अनुसार राति ८:१५ बजे राजस्थान रोयल्सको सामना गर्दैछ । दिल्लीले अहिलेसम्म ८ खेल खेलिसक्दा मात्र २ खेल जित्दै ४ अङ्कका साथ अङ्कतालिकाको अन्तिममा रहेको छ भने राजस्थानले ७ खेलबाट ३ खेल जित्दै छैठौं स्थानमा रहेको छ । दिल्लीलाई प्लेअफको सम्भावना बाँकी राख्न अब रहेका सम्पूर्ण ६ खेलहरु नै जित्नुपर्ने हुन्छ ।

यसपालि नेपालीहरुबीच आईपिएलले छुट्टै पहिचान बनाएको छ त्यसको कारण बनेका छन् नेपाली लेग स्पिनर सन्दिप लामिछाने जो आईपिएल लिलामीमा खरिद हुने पहिलो नेपाली खेलाडी बनेका छन् तर उनले प्रतियोगितामा दिल्लीले खेलेका सम्पूर्ण ८ खेलहरु बाहिर बसेर हेर्नुपरेको छ ।

यसैबीच आफ्नो रेगुलर अपडेट आकाशवानीमा भारतीय पुर्वक्रिकेटर समेत रहेका आकाश चोपडाले अब दिल्लीले सन्दिप लामिछानेलाई खेलाउने समय आएको बताएका छन् । भनेका छन्, आईपिएलमा लेगस्पिनरले राम्रो प्रदर्शन गरिरहेका छन् र दिल्लीले अब गुमाउनु केहि पनि छैन, यदि उनले मौका पाउँछन् भने ट्रंप कार्डको रुपमा प्रयोग हुन सक्छन् । चोपडा अहिले आइपिएलको हिन्दि कमेन्ट्री प्यानलका सदस्य रहेका छन् ।

अफगानिस्तानका राशिद खानको उदाहरण प्रस्तुत गर्दै उनले नेपालको बिकाशमा समेत सहयोग गर्ने बताए । अघिल्लो सिजन राशिद खान र मोहम्मद नाबीको प्रदर्शनले अहिले अफगानिस्तानका थप दुई खेलाडीहरुले मौका पाएका छन्, सन्दिप पनि नेपालको लागि   एउटा मौका हुन सक्छन् ।

 

आकाश चोपडाको भनाई (भिडियो)