यु-१९ इटहरी प्रिमियर लिग : बिराटनगर र इटहरीको पहिलो जित



  • विकेटनेपाल, २९ पौष – शनिबार 

सुनसरीको इटहरीमा जारि यू-१९ इटहरी प्रिमियर लिग क्रिकेटको दोश्रो दिनको खेलमा आयोजक इटहरी क्रिकेट एकेडेमी र बिराटनगर बिजयी भएका छन्।

इटहरी स्थित डीभीएम स्कुलको मैदानमा सम्पन्न दिनको पहिलो खेलमा आयोजक इटहरी क्रिकेट एकेडेमीले नेपालगन्जमाथि ३ विकेटको जित हात पार्यो। नेपालगंजले शुक्रबार पहिलो खेलमा भैरहवालाई पराजित गरेको थियो।

नेपालगन्जले पहिले ब्याटिंग गर्दै दिएको ६१ रनको सामान्य लक्ष्य इटहरीले १२.३ ओभरमा ७ विकेट गुमाउंदै भेट्टायो। इटहरीको लागि लक्ष्य झिनो भएतापनि नेपालगन्जका बलरले लगातार विकेट लिंदा खेल रोमान्चक बनेको थियो। नेपालगन्जका लागि लवकुश यादव र अजय शाहनीले समान ३-३ विकेट लिएपनि त्यो जितका लागि पर्याप्त भएन।

भुपाल लुइटेल ( फोटो – newslaya.com ) 

यसअघि टस जित्दै पहिले ब्याटिंग गरेको नेपालगन्जले निर्धारित १७ ओभरमा ९ विकेट गुमाउंदै ६० रन बनाएको थियो। चल्न नसकेको नेपालगन्जको ब्याटिंगमा लवकुश यादवले सर्बाधिक १५ रन बनाएका थिए। अन्य ब्याट्सम्यानले भने दोहोरो अंकमा रन जोड्न सकेनन्।

इटहरीका लागि पवन सर्राफ र सोनु मण्डलले समान २-२ विकेट लिंदा खेलको म्यान अफ दि म्याच घोषित भएका भुपाल लुईटेलले ३ विकेट लिए।

बिराटनगर बिजयी

आजै सम्पन्न दिनको दोस्रो खेलमा बिराटनगरले धनगढी माथि ९ रनको रोमान्चक जित हात पारेको छ। पहिलो खेलमा बिराटनगरले काठमाडौँसंग ७ विकेटको पराजय बेहोरेको थियो।

बिराटनगरले दिएको १०३ रनको लक्ष्य पछ्याउने क्रममा धनगढी ९३ रनमै समेटिन पुग्यो। धनगढीका लागि बसन्त कार्कीले ३५, सागर भण्डारीले २१ र लोकेश बमले १० रनको योगदान गरे।

१९.१ ओभरमा धनगडीलाई समेट्ने क्रममा बिराटनगरका लागी बिबेक यादवले ३ विकेट लिए। यस्तै खेलको म्यान अफ द घोषित फिर्दोश अन्सारी र मिनस थापाले समान २-२ विकेट लिए।

यसअघि टस जित्दै पहिले ब्याटिंग गरेको विराटनगरले निर्धारित २० ओभरमा ८ विकेट गुमाउंदै १ सय २ रन बनाएको थियो। उसका लागि फिर्दोश अन्सारीले ३४, अंकित सुबेदीले ११ तथा दिपेश कंडेलले १० रनको योगदान गरे।

धनगढीका लागि बलिंगतर्फ सागर भण्डारीले २ विकेट लिए।

फिर्दोश अन्सारी

माघ २ गते सम्म चल्ने प्रतियोगतामा आयोजक इटहरी क्रिकेट एकेडेमी सहित ६ टिमको सहभागिता रहेको छ।

प्रतियोगितामा बिजयी हुने टोलीले १ लाख रुपैयाँ प्राप्त गर्नेछ यस्तै  दोस्रो हुनेले ५० हजार प्राप्त गर्ने छ भने म्यान अफ द सिरिजले ५ हजार प्राप्त गर्नेछन् । प्रतियोगिताका उत्कृस्ट बलर र ब्याट्सम्यानले समान ५/५ हजार प्राप्त गर्ने छ यस्तै प्रत्येक खेलको म्यान अफ द म्याच घोषित हुनेले १५ सय रुपियाँ प्राप्त गर्नेछन् ।

समाचार श्रोत – Newslaya.com )





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]