Nepal U19 Vs Andhra U19 ( 4th Practice Match )
Live Score +
Home - अन्डर-१९ - सुरु भयो यु-१९ इटहरी प्रिमियर लिग – काठमाडौँ र नेपालगञ्जको बिजयी सुरुवात

अन्डर-१९

सुरु भयो यु-१९ इटहरी प्रिमियर लिग – काठमाडौँ र नेपालगञ्जको बिजयी सुरुवात

Wicketnepal Staff
Editor
  • 847
  •  
  •  
  •  
  •  
  •  
    847
    Shares

  • विकेटनेपाल, पौष २८ – शुक्रबार

इटहरी क्रिकेट एकेडेमीको आयोजनामा इटहरीमा शुक्रबारदेखि दोस्रो अण्डर १९ इटहरी प्रिमियर लिग क्रिकेट प्रतियोगिता सुरु भएको छ।

माघ २ गतेसम्म चल्ने प्रतियोगितामा आयोजक इटहरी क्रिकेट एकेडेमी, काठमाण्डौ, विराटनगर, नेपालगञ्ज, भैरहवा र धनगढीबाट प्रतिनिधित्व गरेका क्रिकेट टोलीको सहभागता रहेको छ। भैरहवा, इटहरी र नेपालगंज समुह ‘ए’ मा तथा काठमाडौँ, बिराटनगर र धनगढी समुह ‘बि’ मा रहेका छन्। समुह चरणमा एक-अर्कासंग १ खेल खेलेपछि समुहको उत्कृस्ट-२ टिम सेमीफाइनल प्रवेश गर्नेछ।

काठमाडौँको जित 

प्रतियोगिताको उद्घाटन खेलमा काठमाडौंले बिराटनगरलाई ७ विकेटले पराजित गरेको छ।

पहिले ब्याटिङ गरेको काठमाण्डौले १५ ओभरमा छोट्याईएको खेलमा १४.५ ओभरमा सबै विकेट गुमाउदै ८४ रन बनाएको थियो । उसका लागि म्यान अफ द म्याच चुनिएका अरुण ऐरीले २३ रन बनाउँदा अभ्यास थापाले अविजित १३ रन जोडे। बलिङतर्फ विराटनगरका लागी मिनस थापाले ३ विकेट लिँदा अनिल यादव, विवेक यादव, दिपेश कंडेल र फिर्दोस अन्सारीले समान १/१ विकेट लिए ।

८५ रनको विजयी लक्ष्य लिएर जवाफी ब्याटिङमा उत्रिएको बिराटनगर निर्धारित १५ ओभरमा ५ विकेट गुमाउदै मात्र ७७ रनमा समेटिएपछी काठमाडौ ७ रनको जित हात पारेको हो । लव कामतले सर्वाधिक २२ रन बनाउदा अंकित सुबेदीले २१ रन र मिनश थापाले १२ रन जोडे पनि अन्य ब्याट्सम्यानले उल्लेख्य प्रदर्शन गर्न नसक्दा बिराटनगर पराजित हुन पुग्यो । काठमाडौका पवन कार्कीले २ तथा अरुण ऐरी र प्रतिश जीसीले १/१ विकेट लिए ।

नेपालगंजको प्रतिनिधित्व गरेको टिम मध्यपश्चिम क्रिकेट क्लब

लवकुशको अलराउण्ड प्रदर्शनमा नेपालगञ्ज बिजयी 

शुक्रबारनै भएको प्रतियोगिताको दोश्रो खेल अन्तर्गत नेपालगंजले भैरहवालाई २२ रनले पराजित गर्दै बिजयी सुरुवात गरेको छ ।

टस जितेर पहिले ब्याटिङ गरेको नेपालगञ्जले निर्धारित २० ओभरमा सबै विकेट गुमाउदै मात्र ८३ रन बनाउन सक्यो । उसका लागि विनायक गिरीले सर्वाधिक ३२ रन तथा लव कुशले १४ रन जोडे । बलिङतर्फ भैरहवाका तुलबाहादुर थापा र विकर्ण बस्नेतले २/२ विकेट लिए ।

८४ रनको विजयी लक्ष्य लिएर जवाफी ब्याटिङमा उत्रिएको भैरहवाले मात्र ६२ रन बनाउदा १५.१ ओभरमा सबै विकेट गुमाउन पुग्यो । भैरहवाका लागि सिजन मकाजुले १० रन बनाउनु बाहेक अन्यले दोहोरो अंक जोड्न सकेनन् । १ विकेट समेत हात पारेका लवकुश यादव म्यान अफ द म्याच घोषित भए ।

लवकुश यादव

शनिबारको पहिलो खेल आयोजक इटहरी क्रिकेट एकेडेमी र नेपालगञ्ज तथा दोस्रो खेल बिराटनगर र धनगढी बिच हुने छ ।

प्रतियोगितामा बिजयी हुने टोलीले १ लाख रुपैयाँ प्राप्त गर्नेछ यस्तै  दोस्रो हुनेले ५० हजार प्राप्त गर्ने छ भने म्यान अफ द सिरिजले ५ हजार प्राप्त गर्नेछन् । प्रतियोगिताका उत्कृस्ट बलर र ब्याट्सम्यानले समान ५/५ हजार प्राप्त गर्ने छ यस्तै प्रत्येक खेलको म्यान अफ द म्याच घोषित हुनेले १५ सय रुपियाँ प्राप्त गर्नेछन् ।

खेल-तालिका 


  • 847
  •  
  •  
  •  
  •  
  •  
    847
    Shares