नयाँ कप्तान श्रेयस ऐयरले दिलाए दिल्लीलाई शानदार जित : आईपीएल

Delhi Daredevils


  • विकेटनेपाल – १५ बैशाख, शनिवार 

इण्डियन प्रिमियर लिग (आइपिएल) क्रिकेट अन्तर्गत शुक्रवार राति सम्पन्न खेलमा दिल्ली डेयरडेभिल्सले जित हात पारेको छ। सिजनको दोस्रो जित हात पार्ने क्रममा दिल्लीले कोलकत्ता नाइट राइडर्सलाई ५५ रनले पराजित गर्यो। यसअघि दिल्ली डेयरडेभिल्स एकमात्र जित हात पार्ने क्रममा मुम्बई इण्डियन्सलाई ७ विकेटले हराएको थियो ।

नियमित कप्तान गौतम गम्भीरले कप्तानी छाड्ने निर्णय लिएपछि श्रेयस ऐयरको कप्तानीमा पहिलो पटक मैदान उत्रिएको दिल्लीले टस हारेर पहिले ब्याटिंगको निम्तो पाएको थियो। उत्कृस्ट ब्याटिंग गर्दै दिल्लीले निर्धारित २० ओभरमा ४ विकेट गुमाएर २१९ रनको बिशाल योगफल तयार गरेको थियो। उसको इनिंगमा कप्तान श्रेयस ऐयरले अविजित ९३ रनको पारि खेलेका थिए।

Shreyas Iyer
श्रेयस ऐयरले ९३ रनको बिष्फोटक इनिंग खेले

पहिलो विकेटका लागि नयाँ ओपनिंग जोडी पृथ्वी शा र कोलिन मुन्रोले ५९ रनको साझेदारी गर्दै दिल्लीलाई राम्रो सुरुवात दिएका थिए। मुन्रोले १८ बलमा ३३ रनको योगदान गर्दै पभेलियन फर्किएका थिए। यस्तै पृथ्वीले आईपिएल करियरकै पहिलो अर्धशतक बनाउने क्रममा मात्र ४४ बलमा ६२ रनको इनिंग खेले।उनको  इनिंगमा ७ चौका र २ छक्का सामिल थियो। यस्तै तेस्रो नम्बरमा ब्याटिंग गर्न उत्रिएका कप्तान श्रेयस ऐयरले मात्र ४० बलमा ३ चौका र १० छक्का सहित अविजित ९३ रन जोड्दा दिल्लीले निर्धारित २० ओभरमा २१९ रन बनाउन सक्यो।

कोलकत्ताको बलिंगतर्फ पियुष चावला, सिभम मावि र आन्द्रे रसेलले समान १-१ विकेट लिएका थिए।

Prithwi Sah
पृथ्वी श: ले आइपिएल करियरको पहिलो अर्धशतक प्राहार गरे

जवाफमा २२० रनको बिशाल लक्ष्य लिएर मैदान उत्रिएको कोलकत्ताले निर्धारित २० ओभरमा ९ विकेट गुमाएर १६४ रन मात्र जोड्न सक्यो। उसको चेजमा आन्द्रे रसेलले ३० बलमा ४४ रन जोड्न बाहेक अन्य ब्याट्सम्यानले खासै राम्रो प्रदर्शन गर्न सकेनन् ।

कुनै समय ७७ रन जोड्न ५ विकेट गुमाएको कोलकत्ताका लागि आन्द्रे रसेल र सुभ्मन गिलले ६४ रनको साझेदारी गर्दै जितको आशा देखाएका थिए। तर सुभ्मन गिल ३७ र आन्द्रे रसेल ४४ रन बनाएर आउट भएसंगै दिल्लीले जित आफ्नो पक्ष्मा पार्न सफल भयो।

Andre Russel
Andre Russel

दिल्लीको बलिंगमा ट्रेन्ट बोल्ट, ग्लेन म्याक्स्वेल, आभेस खान र अमित मिश्राले समान २-२ विकेट चट्काए। खेलको म्यान अफ दि म्याच दिल्ली डेयरडेभिल्सका कप्तान श्रेयस ऐयर घोषित भए ।

जितसंगै दिल्ली डेयरडेभिल्सको ७ खेलबाट २ मा जित र ५ मा हार सहित ४ अंक भएको छ र अंकतालिकामा सातौँ स्थानमा रहेको छ । दिल्लीसंग हार बेहोरेको कोलकत्ता नाइट राइड्रसको भने समान ७ खेलबाट ३ मा जित र ४ हार सहित ६ अंक रहेको छ र अंकतालिकाको चौथो स्थानमा रहेको छ । ६ खेल खेल्दै ५ मा जित हात पारेको चेन्नाई सुपरकिंग्स १० अंक सहित अंकतालिकाको शिर्ष स्थानमा यथावत रहेको छ ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]