जेमीसनले किन मानेनन् नेट्समा ड्युक्स बलले बलिंग गर्न कोहलीको अनुरोध



एउटै टिमबाट आईपीएल खेलीरहेको किन नहोस्, रोयल च्यालेन्जर्स बैंगलोरका फास्ट बलर कायल जेमीसनले आफ्नो कप्तान बिराट कोहलीलाई नेट्समा ड्युक्स बलले बलिंग गर्ने अनुरोधलाई नकारेका छन्।

बैंगलोर अलराउण्डर ड्यान क्रिस्चियनले यो कुराको खुलासा गरेका हुन्। जेमीसन जसलाई १५ करोड भारतीय रुपैयाँमा बैंगलोरले किनेको थियो उनले आफुसंग केहि ड्युक्स बल पनि संगै लिएर भारत पुगेका छन्। जब बैंगलोर कप्तान कोहलीले जेमीसनलाई नेटमा ड्युक्स बलले बलिंग गर्न आग्रह गरे तब न्युजिल्यान्ड फास्ट बलर कोहलीको चतुर्याइँमा फसेनन्।

उक्त प्रसंग सम्झदै क्रिस्चियनले बताए “हामि यहाँ आएको पहिलो साताको कुरा हो। जब हामि ३ जना नेट्सपछि टेस्ट क्रिकेट बारे कुरा गरिरहेका थियौं तब चतुर्याइँपूर्वक कोहलीले आग्रह गरेका थिए।”

“बिराटले जेमीसनलाई सोधेका थिए कि ड्युक्स बलले कतिको बलिंग गरेका छौ ?”

“त्यसपछि जेमीसनले बताए कि ‘हो म संग यहाँ केहि बलहरु छ र म यहाँबाट जानु अघि बलिंग गर्नुपर्छ।’ ”

“त्यसपछि बिराटले भने – ‘त्यसो भए तिमिले मलाई नेटमा बलिंग गर्नुपर्छ”

“त्यसपछि जेमीको अवस्था यस्तो थियो ‘कुनै मौका छैन तिमिलाई बलिंग गर्ने। ड्युक्स बलबाट मेरो रिलिज पोइन्ट देखि मैले गर्ने सबै कुरा उनले नियाल्नेछन्,’ (मुस्कुराउँदै)” क्रिस्चियनले युट्युब च्यानल ग्रेड क्रिकेटर्समा कुराकानी गर्ने क्रममा प्रसंग बताएका हुन्।

गत वर्ष भारतको न्युजिल्यान्ड टुरमा जेमीसनले भारतीय ब्याट्सम्यानलाई सताएका थिए

भारतले गत वर्ष सुरुवातमा न्युजिल्यान्ड भ्रमण गर्दा कोहल लगायत भारतीय ब्याट्सम्यानलाई जेमीसनले निकै सताएका थिए। उक्त टुरमा खेलिएको दुई वटा टेस्टमा जेमीसनले ९ विकेट लिएका थिए। त्यस क्रममा जेमीसन दोश्रो टेस्टमा प्लेयर अफ द म्याच समेत चुनिएका थिए। उक्त सिरिजमा दायाँ हाते पेसरले बिराट कोहली लगायत भारतीय माथिल्लो क्रमका ब्याट्सम्यानहरुको विकेट लिएका थिए। भारत बिरुद्ध सिरिजमा सोहि प्रदर्शनका कारण जेमीसनले आईपीएल अक्सनमा ठुलो मूल्य पाएका थिए।

जुनमा भारत र न्युजिल्यान्ड बीच इंग्ल्यान्डमा वर्ल्ड टेस्ट च्याम्पियनसिपको फाइनल खेल आयोजना हुँदैछ। त्यस अघि न्युजिल्यान्डका मुख्य पेसर जेमीसन बिराट कोहलीलाई नेटमा ड्युक्स बलले बलिंग गर्ने गल्ति पक्कै गर्नेछैनन्। इंग्ल्यान्डमा हुने टेस्ट म्याचमा ड्युक्स बल प्रयोग हुने गर्छ जुन बलबाट फास्ट बलरले निकै मद्दत पाउने गर्छन्।

ड्यान क्रिस्चियनले उक्त अन्तर्वार्ताको क्रममा कोहली रोयल च्यालेन्जर्स बैंगलोर क्याम्पमा हुने मैदान बाहिरको गतिविधिमा निकै कम संलग्न हुने समेत खुलासा गरेका छन्।

“तपाई कोहलीलाई धेरै मैदान बाहिर गतिविधिमा देख्नुहुन्छ , धेरै कम मात्र देख्नुहुन्छ। उनि देखिएलान् पछि, किनकि मुख्य कुरा उनको परिवार हो जो सुरुवात देखि यहाँ उनिसंगै छ।”

क्रिस्चियनले टिममा एबि डी भिल्लीयर्स सबैभन्दा खुसि र विनम्र रहेको बताए  “एबि सबैभन्दा खुसि र विनम्र छन् , उनिसंग कसैको लागि कहिले पनि नराम्रो शब्द भन्नको लागि छैन तर पनि उनि सुरुवात देखि अन्तिमसम्म संगै हुन्छन्। म्याक्सी ( ग्लेन म्याक्सवेल ) पनि सुरुवात देखि अन्तिमसम्म रहन्छन्।” क्रिस्चियनले बताए।

लिगमा राम्रो सुरुवात गरेको बैंगलोर यो पटक पहिलो आईपीएल उपाधि जित्ने लक्ष्यको साथ अघि बढीरहेको छ। ( हिन्दुस्तान टाईम्स्बाट )

यो पनि पढ्नुस 

एकै ओभरमा ६ चौका हिर्काएपछि पृथ्वी शले सम्झे पिताले दिएको टिप्स

IPL : पृथ्वी शको आक्रामक पारि, कोलकाता सहजै पराजित

नेपाली खेलाडी सुनम गौतम महँगो मूल्यमा अस्ट्रेलियाको ब्रिसबेन प्रिमियर लिग खेल्न छनोट





थप समाचार

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

सनराइजर्स हैदरावादको अन्तिम-११ बाट डेभिड वार्नरलाई हटाउने निर्णय धेरै फ्यान र एक्स्पर्टहरुलाई समेत चित्त बुझेको छैन। वार्नरबारे धेरैले विभन्न थरि […]

विलियमसनले बताए ११ ओभरमै राशिदको स्पेल सक्नुको कारण

आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग […]

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

पन्जाब किंग्सलाई ७ विकेटले पराजित गर्दै दिल्ली क्यापिटल्स आईपीएल अंकतालिकाको शिर्ष स्थानमा उक्लेको छ। नरेन्द्र मोदी स्टेडियम अहमदावादमा सम्पन्न लिगको […]