क्यानका पुर्व अध्यक्ष जयकुमारनाथ शाहको निधन, यस्तो थियो योगदान



  • विकेटनेपाल, भदौ २१

नेपाल क्रिकेट संघका ( क्यान ) पुर्व अध्यक्ष जय कुमार नाथ शाहको ८९ बर्षको उमेरमा आज बिहान निधन भएको छ ।

सन् १९६६ साल देखि सन् २००६ सम्म ४० बर्ष क्यानको अध्यक्ष रहनुभएका शाहको कार्यक्रलमा नेपालले एसोसियट रास्ट्रको मान्यता पाएको थियो। आईसीसीले नेपाललाई सन् १९८८ मा एफिलिएट र सन् १९९६ मा एसोसिएट रास्ट्रको मान्यता दिएको थियो । नेपाललाई अन्तर्राष्ट्रिय स्तरमा ल्यान शाहले तात्कालिन समयमा ठुलै मेहनत गर्नुपरेको थियो ।

सन् २००४ मा शाहलाई आईसीसीले उनको योगदानको लागि लाइफटाइम अचिभमेन्ट अवार्ड प्रदान गरको थियो । यस्तै सन् २००८मा  ममेरीलेबोन  क्रिकेट क्लब ( एमसीसी ) ले समेत उनलाई आजीवन सदस्यता दिंदै सम्मान गरेको थियो ।

मुटु रोगले धेरै अघि देखि ग्रसित शाहको नर्भिक अस्पतालमा निधन भएको हो। एकसाता अघि शाह आफ्नै निवासमा बाथरुममा लडेका थिए जुन क्रममा उनको टाउकोमा चोट लागेपछि अस्पताल लगिएको थियो ।

शाहलाई यसै महिना सम्पन्न नेपाल क्रिकेट संघको साधारण सभामा बिशेष सम्मान गरिएको थियो । उक्त कार्यक्रममा बिशेस अतिथिको भूमिकामा समेत रहेका हुनले नेपाली क्रिकेटको वर्तमान अवस्था प्रति चिन्ता ब्यक्त गरेका थिए । कार्यक्रममा आफ्नो मन्तब्य राख्दै उनले यसो भनेका थिए –

“म क्रिकेटर हु र क्रिकेटकै भाषा बोल्छु । अहिले म ८९ मा नटआउट छु र अर्को सालबाट नर्वस नाइन्टीमा प्रवेश गर्दैछु। संयोगले मैले नेपाल र भारत दुवै ठाउँमा खेल्दा उच्चतम ९६ मा आउट भए, हेरौं जिवनमा पनि ९६ मै बोल्ड हुने हो वा सेन्चुरी पुऱ्याउछु !”

क्रिकेट संघको अध्यक्ष हुनु अघि शाह क्रिकेट खेलाडी समेत थिए । फुटबल, टेबलटेनिस तथा हाइजम्पमा समेत राम्रो खेलाडी रहेका शाह भारतको राँचीमा बस्दा क्रिकेटसंग जोडिएका थिए ।

उनको निधनले नेपाली क्रिकेटकै सबैभन्दा पाका अभिभावक नेपाली क्रिकेटले गुमाएको छ ।

( सन्दर्भ श्रोत – इश्वरबाबु कार्की ( ट्विटर , अनलाइन खबर , विकिपेडिया ) फिचर फोटो – इश्वरबाबु कार्की , ट्विटर





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]