सनथ जयसूर्यालाई आईसीसीको गम्भीर आरोप



  • विकेटनेपाल, असोज ३० 

श्रीलंकन राष्ट्रिय क्रिकेट टिमका पुर्व कप्तान सनथ जयसूर्यालाई अन्तर्रास्ट्रिय क्रिकेट परिषद आईसीसीले भ्रस्टाचार निरोधि नियम ( ICC Anti-Corruption Code ) उल्लंघनको आरोप लगाएको छ।

आईसीसीले सोमबार प्रेस बिज्ञप्ति जारि गर्दै पुर्व स्टार क्रिकेटरलाई आईसीसीले लगाएको आरोपको जवाफ दिन १४ दिनको समय सिमा समेत तोकेको छ जसको समय अक्टोबर १५ देखि सुरु भइसकेको छ।

आईसीसीका अनुसार जयसूर्यले २ वटा नियमको उल्लंघन गरेका छन्। आईसीसीको नियम अन्तर्गत धारा २.४.६ र २.४.७ अन्तर्गत जयसूर्यालाई आरोप लगाईएको छ।

धारा २.४.६ अन्तर्गत उनलाई भ्रस्टाचार निरोधि नियम ( ICC Anti-Corruption Code ) को अनुसन्धानमा सहयोग नगरिएको आरोप लगाईएको छ। यस्तै २.४.७ अन्तर्गत उनलाई  भ्रस्टाचार निरोधि नियम को अनुसन्धानमा अवरोध र ढिलाई गरेको आरोप लगाईएको छ।

आईसीसीले बिज्ञप्तिमा अन्य कुरा भने खुलाएको छैन तर बिबिसी र क्रिकइन्फोका अनुसार सन् २०१७ को जिम्बाबेसंग श्रीलंकामा भएको एकदिवसीय सिरिजमा जिम्बाबे ३-२ ले बिजयी भएपछि उक्त सिरिजको खेलहरु संकाको घेरामा परेको थियो। सिरिज पछि आईसीसीले अनुसन्धानको लागि जयसूर्यासंग उनको मोबाइल फोन मागेको तर उनले व्यक्तिगत कारण भन्दै मोबाइल दिन अश्विकार गरेपछि जयसूर्यालाई आरोप लगाईएको हो।

आईसीसीले गरेको अनुसन्धानको दौरान जयसूर्या श्रीलंकन क्रिकेट टिमको अध्यक्ष थिए।

४९ बर्षिय श्रीलंकन क्रिकेट टिमका पुर्वकप्तान तथा पुर्व राष्ट्रिय क्रिकेट टिमका चयनकर्ता समेत रहीसकेका जयसूर्याले ११० टेस्ट, ४४५ वानडे तथा ३१ टि-२० खेलेका छन्। सन् १९८१ देखि सन् २०११ सम्म जयसूर्याले श्रीलंकाको लागि खेलेका थिए। एकदिवसीयमा २१ शतक बनाउनुको साथै र ३२३ विकेट लिएका उनले १३,४३० रन बनाएका छन् भने टेस्टमा १४ शतक बनाउनुको साथै ९८ विकेट लिएका उनले ६,९७३ रन बनाएका छन्।

Photo: THT

अन्तिम पटक जयसूर्याले नेपालसंग २०१५ अगस्टमा मलेसियामा भुकम्पको लागि राहत संकलन गर्न आयोजित खेलमा कप्तानी गर्दै खेलेका थिए। बिश्व -११ को लागि खेल्ने क्रममा उनले २ विकेट लिएका थिए भने ६ रन बनाएका थिए। जयसूर्याको विकेट अविनाश कर्णले लिएका थिए।





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]