को हुन् आईपीएलकै महँगो भारतीय फास्ट बलर जयदेब उनदकत



  • विकेटनेपाल, १४ माघ- आइतबार 

जयदेव उनदकत भारतको बेन्गलुरुमा जारि इन्डियन प्रिमियर लिग अक्सनमा बिक्ने सबैभन्दा महँगो भारतीय खेलाडी भएका छन्। उनदकत आईपीएल इतिहासकै महँगो भारतीय तिब्र गति बलर समेत बनेका छन्।

उनदकतलाई राजस्थान रोयल्सले ११.५ करोड भारतीय रुपैयाँमा खरिद गरेको हो। उनदकतलाई किन्न चेन्नाई सुपर किंग्स, किंग्स ११ पन्जाब र राजस्थान रोयल्सले बोलि लगाएको थियो। ११ करोडसम्म किंग्स ११ पन्जाबले बोलि लगाएपछि अन्तिममा राजस्थानले ११.५ करोड तिरेपछि उनदकत सर्बाधिक मूल्य पाउने भारतीय खेलाडी हुन पुगे।

आईपीएल अक्सनको दोश्रो दिन जारि रहंदा हालसम्म सबैभन्दा महगो मुल्य पाउने खेलाडी बेन स्टोक्स हुन् जसलाई राजस्थान रोयल्सलेनै १२.५ करोड मूल्यमा शनिबार खरिद गरेको थियो।

अक्सनमा हालसम्म धेरै मूल्य पाउने खेलाडीहरुमा केएल राहुल – ११ करोड ( किंग्स ११ पन्जाब ) , मनिष पाण्डे : ११ करोड ( सनराइजर्स हैदराबाद )  ,  क्रिस लिन : ९.६ करोड ( कोलकाता नाइट राइडर्स ) , मिचेल स्टार्क : ९.४ करोड ( कोलकाता नाइट राइडर्स ) , ग्लेन म्याक्सवेल : ९ करोड ( दिल्ली डेयर डेभिल्स ) ,  राशिद खान : ९ करोड ( सनराइजर्स हैदरावाद )  रहेका छन्।  यी हुन् महँगोमा बिक्ने क्रिकेटरहरु

को हुन् जयदेव उनदकत ? 

देब्रे हाते तिब्र गति बलर जयदेव उनदकत सन् २०१० को यु-१९ बिश्वकप पछि उदाएका क्रिकेटर हुन्। यु-१९ बिश्वकपको राम्रो प्रदर्शन पछि उनलाई कोलकाता नाइट राईडर्सलेले लिएको थियो। कोलकाताका बलिंग प्रशिक्षक वासिम आक्रमको प्रशिक्षणले निखारिएका उनदकतले भारतीय टिमको २०१० मा दक्षिण अफ्रीकासंग टेस्टमा डेब्यु गर्ने मौका पाएका थिए। सन् २०१३ मा उनले जिम्बाबेसंग हरारेमा एकदिवसीय र त्यसैबर्स वेस्ट इन्डिजसंग टि-२० मा डेब्यु गरेका थिए।

आईपीएलको अघिल्लो सिजन पुनेबाट खेलेका उनदकतले कुल २४ विकेट हात पार्दै धेरै विकेट लिने सुचीमा दोश्रो स्थानमा थिए। भुवनेश्वर कुमारले २६ विकेट लिएका थिए। उनदकतले १२ खेलमा उक्त विकेट लिएका थिए जुन क्रममा उनले मात्र ७.०२ को इकोनोमिले बलिंग गरेका थिए।

२०१७ मा राइजिंग पुने सुपरजायन्टले उनलाई ३० लाख भारुमा खरिद गरेको थियो। त्यस सिजन उनले सनराइजर्स हैदराबाद बिरुद्ध अन्तिम ओभरमा ह्याट्रिक लिएका थिए। ब्याटिंगमा समेत योगदान गर्न सक्ने उनदकत घरेलु क्रिकेटमा राम्रो लयमा रहेका छन्।

 





थप समाचार

प्रम कप : पुलिसलाई पराजित गर्दै एपीएफ फाइनलमा

नेपाल पुलिस क्लबलाई ३० रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको फाइनल प्रवेश गरेको छ। गत […]

प्रम कप : पहिलो सेमीफाइनलमा एपीएफ र पुलिस खेल्दै

प्रधानमन्त्री कप पुरुष एकदिवसीय राष्ट्रिय प्रतियोगिता अन्तर्गत पहिलो सेमी फाइनल खेलमा बुधबार दुई विभागीय टोलि शशस्त्र प्रहरी बल ( एपीएफ […]

बिग ब्यास : नेट रनरेटमा पछि पर्दै होबार्ट प्लेअफ पुग्न असफल, यस्तो रह्यो सन्दिपको प्रदर्शन

लिग चरणको अन्तिम खेलमा मेलबर्न रेनेगेड्ससंग ११ रनले पराजित भएसंगै नेपाली लेग स्पिनर सन्दिप लामिछाने सम्मिलित होबार्ट हरिकेन्सको यो सिजन […]

आयरल्याण्डविरुद्धको एकदिवसीय शृंखलामा अफगानिस्तानको ‘क्लिन स्विप’

अफगानिस्तान र आयरल्याण्डबीच जारि ३ खेलको एकदिवसीय शृंखला अन्तर्गत मंगलबार सम्पन्न अन्तिम तथा तेस्रो खेलमा ३६ रनको सहज जित दर्ता […]

६ राष्ट्रिय क्रिकेटरलाई ‘क्रिकेट बजार’ द्वारा खेल सामग्री प्रयोजन

क्रिकेट सामग्री उत्पादन गर्ने ‘क्रिकेट बजार’ ले बिभिन्न ६ जना राष्ट्रिय क्रिकेटरहरुलाई खेल सामग्री प्रयोजन गरेको छ। राष्ट्रिय क्रिकेटरहरु मेहबुब […]

राष्ट्रिय क्रिकेट टिमले कतारसंग टि-२० अन्तर्राष्ट्रिय सिरिज खेल्ने

नेपाली राष्ट्रिय क्रिकेट टिमले फेब्रुवरी ९ देखि १२ तारिख सम्म ( माघ २७ देखि ३० गते ) कतारसंग मैत्रीपूर्ण टि-२० […]