डीएल मेथडमा २ रनको जित निकाल्दै झापा सेमिफाइनलमा : मुख्य मन्त्रि कप टि-२० क्रिकेट



सुनसरीको इनरुवामा जारी प्रदेश १ स्तरीय मुख्य मन्त्रि कप टि-२० क्रिकेट प्रतियोगिताको सेमिफाइनल समीकरण पुरा भएको छ। बुधवार सम्पन्न खेलबाट झापा र सुनसरी सेमिफाइनलमा प्रवेश गरेसंगै प्रतियोगिताको शिर्ष-४ मा पर्ने टोलीको टुंगो लागेको हो।

६ टोली सम्मिलित प्रतियोगितामा झापा र सुनसरीसंगै मोरंग र उदयपुर समेत सेमिफाइनल प्रवेश गरेका छन्।

डीएल मेथडमा झापाको रोमान्चक जित :

बुधवार सम्पन्न समूह चरणको अन्तिम खेलमा समुह ” बि ” को झापाले सुनसरीलाई डीएल मेथडमा २ रनले पराजित गर्यो।

बर्षाका कारण १५ ओभरमा झारिएको खेलमा झापाले टस जित्दै ब्याटिंग रोजेको थियो। सुजन थपलियाले २९, मनोज तामांगले १५ र कप्तान अंकित सुबेदीले १२ रन बनाउंदा झापाले १३.४ ओभरमा सबै विकेट गुमाएर ८८ रन मात्र जोड्न सक्यो।

सुनसरीको बलिंगमा जोसेफ खड्काले ४ तथा भुपाल लुइँटेलले ३ विकेट हात पारे।

जवाफमा ८९ रनको बिजयी लक्ष्य लिएर मैदान उत्रिएको सुनसरीले ६ ओभरमा ३ विकेट गुमाएर ३२ रन जोड्दा बर्षा बाधक बनेपछि झापाले डीएल मेथडका आधारमा २ रनको जित दर्ता गर्यो। पराजित भएपनि सुनसरी समुह उपविजेता बन्दै दोस्रो चरण प्रवेश गरेको छ।

झापाको बलिंगमा मनोज तामांगले २ विकेट हात पारे। खेलको प्लेयर अफ दि म्याच समेत मनोज तामांग घोषित भए।

प्रतियोगिताको फाइनल प्रवेशका लागि बिहिबार पहिलो सेमिफाइनलमा झापा र उदयपुर तथा दोस्रो सेमिफाइनलमा मोरंग र सुनसरी भिड्ने छन्।

प्रतियोगितामा सहभागी ६ टोलीलाई दुई समुहमा विभाजन गरिएको थियो। समूह “ए” मा उदयपुर, मोरंग र धनकुटा तथा समुह “बि” मा झापा, सुनसरी र इलाम रहेका थिए। दुबै समुहबाट शिर्ष २ मा पर्ने टोली अघिल्लो चरणका लागि छनोट भएका हुन्।

प्रदेश १ को आयोजनामा जारी प्रतियोगिताको बिजेताले नगद १ लाख तथा ट्रफी प्राप्त गर्ने छ। यस्तै उप-बिजेताले भने नगद ५०,००० मा चित्त बुझाउनु पर्नेछ।

 





थप समाचार

हाईस्कोरिंग खेलमा कोलकातालाई हराउदै चेन्नाई शिर्षमा

कोलकाता नाइट राइडर्सलाई १८ रनले पराजित गर्दै १४ औं आईपीएल अंकतालिकाको शिर्षस्थानमा पुगेको छ। मुम्बईको वानखेडे स्टेडियममा सम्पन्न खेलमा चेन्नाईले […]

IPL : हैदरावादको पहिलो जित, पन्जाब पुछारमा पुग्दा हैदरावाद पाँचौ स्थानमा

पन्जाब किंग्सलाई ९ विकेटले पराजित गर्दै सनराइजर्स हैदरावादले आईपीएल १४ मा पहिलो जित दर्ता गरेको छ। चेन्नाई स्थित एमए चिदम्बरम स्टेडियममा […]

पाकिस्तानको जितमा रिजवान र कादिर उत्कृस्ट

जिम्बाबेलाई ११ रनले पराजित गर्दै भ्रमण टोलि पाकिस्तानले पहिलो टि-ट्वान्टीमा ११ रनको जित दर्ता गरेको छ। जितसंगै तिन वटा टि-ट्वान्टीको […]

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

नेपालमा त्रि-देशीय टि-ट्वान्टी सिरिज अन्तर्गत नेदरल्याण्ड र मलेसिया बीचको खेल बराबरीमा टुंगिएको छ। यो संगै सिरिजको फाइनलमा नेपाल र नेदरल्याण्ड […]

कुपरले उत्कृस्ट ब्याटिंग गर्दा वर्षाप्रभावित खेलमा नेदरल्याण्डले बनायो १०७ रन

नेपाल, नेदरल्याण्ड र मलेसिया बीच जारि त्रि-देशीय टि-ट्वान्टी सिरिज अन्तर्गत पाँचौ खेलमा बुधबार नेदरल्याण्ड र मलेसिया प्रतिस्पर्धा गरिरहेका छन्। टियु […]

आईसीसी ब्याटिंग वरियतामा शिर्ष १०० भित्र कुशल भुर्तेल

नेपाल, नेदरल्याण्ड र मलेसिया बीच जारि त्रिदेशीय टि-ट्वान्टी सिरिजमा उत्कृस्ट ब्याटिंग गरिरहेका कुशल भुर्तेलले अन्तर्राष्ट्रिय क्रिकेट परिषद ( आईसीसी ) […]