जितबहादुर खड्का स्मृति पाँचपोखरी सुपर-एट क्रिकेट प्रतियोगिता आयोजना हुने



  • विकेटनेपाल, कार्तिक २४ – शनिबार 

सिन्धुपाल्चोकमा यही कार्तिक २९ गते देखि जिल्ला-स्तरीय जितबहादुर खड्का स्मृति पाँचपोखरी सुपर-एट क्रिकेट प्रतियोगिता आयोजना हुने भएको छ।

पाँचपोखरी क्रिकेट क्लबले शनिबार राजधानीमा पत्रकार सम्मेलन गर्दै प्रतियोगिताको दोश्रो संस्करणको घोषणा गरेको हो। कुल ९ टिम सहभागी हुने प्रतियोगिता कार्तिक २९ गते देखि सुरु हुने प्रतियोगिता मंसिर २ गतेसम्म संचालन हुनेछ।

सहभागी हुने ९ वटा टिमलाई २ वटा समुहमा बिभाजन गरेर खेलाईने आयोजकले बताएको छ। समूह ‘ए’ मा सिन्धु लायन्स, क्रिकेट क्लब बाह्रबिसे, थांगपाल्कोट क्रिकेट सर्कल  र हार्ट अफ भोटाङ रहेका छन्। यस्तै समूह ‘बि’ मा आयोजक पाँचपोखरी क्रिकेट क्लब, युनाइटेड मेलम्ची क्लब , राइजिङ्ग दुवाचौर, थाङपाल धाप क्रिकेट क्लब र भोताङ छ्वलिङ क्लब रहेका छन्।

प्रतियोगिताको बिजेता हुने टिमले ट्रफीसहित ५० हजार रुपैयाँ तथा दोस्रोले ३० हजार रुपैयाँ पाउने छन् । म्यान अफ दि सिरिज, बेष्ट ब्याट्सम्यान, बलर र म्यान अफ दि म्याचलाई समेत पुरस्कार प्रदान गरिनेछ।

प्रतियोगिताको उत्कृष्ट तीन खेलाडीलाई काठमाडौको वाइ वाइ ग्रेट हिमालय क्रिकेट एकेडमीमा एक वर्षको लागि निशुल्क प्रशिक्षणको व्यवस्था हुने प्रतियोगिताका संयोजक अजय कुमार धितालले जानकारी दिएका छन् ।

यस्तै एक उत्कृष्ट इमर्जिङ खेलाडीलाई नेक्सस क्रिकेट एकेडमीको तर्फबाट दिल्लीमा १ बर्ष निशुल्क प्रशिक्षण प्रदान गरिने आयोजकले जनाएको छ। प्रतियोगितालाई पाँचपोखरी थाङपाल गाउपालिकाले सहयोग गर्नेछ।

गत २०७२ को बिनासकारी भुकम्पमा निधन भएका पारा ओलम्पियन खेलाडी जित बहादुर खडकाको स्मृतिमा आयोजकले प्रतियोगिता आयोजना गरेको हो । स्वर्गीय खड्का पाँचपोखरी गाउँपालिकामा जन्मिएका थिए।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]