आर्चरले फाले सिजनकै सबैभन्दा तीव्र गतिको बल, जान्नुस कति थियो गति



बुधबार राति सम्पन्न कोलकाता नाइट राइडर्स र राजस्थान रोयल्स बीचको खेलमा राजस्थानका फास्ट बलर जोफ्रा आर्चरले एउटा नयाँ रेकर्ड आफ्नो नाम गरेका छन्। खेलमा आर्चरले ४ ओभरमा १८ रन मात्र खर्चेर १ विकेट लिएका थिए जुन क्रममा गतिले कोलकाता ब्याट्सम्यानहरुलाई आच्छुआच्छु पारेका थिए।

खेलको दौरान आर्चरले १५२.१३ किलोमिटर प्रति घण्टाको गतिमा बल फाले जुन जारि सिजन इन्डीएन प्रिमियर लिगकै सबैभन्दा तीव्र गतिको बल थियो। गत सिजन २०१९ को सबैभन्दा तीब्र गतिको बलिंग गर्ने बलर दिल्लीका कागीसो रबाडा थिए जसले १५४.२३ किलोमिटर प्रतिघण्टाको गतिमा बल फालेका थिए। आर्चर गत सिजन तीब्र गति बलिंगको सूचीमा सातौँ स्थानमा थिए। उनि भन्दा रबाडा र नभदिप सैनीले मात्र उच्च गतिमा बल फालेका थिए।

जारि लिगमा सबैभन्दा उच्च गतिमा गरिएको २० बलमा १७ बल आर्चरले फालेका छन् भने तीव्र गतिको १० बलमा ९ बल आर्चरको नाममा रहेको छ। १५० भन्दा माथिको गतिमा आर्चरले कुल ३ बल फालेका छन्। आर्चर पछि दिल्ली क्यापिटल्सका फास्ट बलर एनरिक नोर्कियाले दोश्रो उच्च १४८.९२ किलोमिटर प्रति घण्टाको गतिमा बल फालेका छन् जुन आठौँ तीव्र गतिको बल हो।

जोफ्रा आर्चरले कोलकाता बिरुद्ध १८ रन खर्चेर २ विकेट लिएका थिए

रोयल च्यालेन्जर्स बैंगलोरका फास्ट बलर नभदिप सैनीले १४७.९२ किमी प्रतिघण्टाको गतिमा बल फालेका छन् जुन १३ औं तीव्र गतिको बल हो। चेन्नाईका जोश हेजलवुड २० औं नम्बरमा रहेका छन् जसले १४७.३२ को गतिमा बल गरेका थिए। २२ औं नम्बरमा रहेका मुम्बई फास्ट बलर जस्प्रित बुम्राहले १४७.१६ को गतिमा बल फालेका थिए।

लिगमा सबैभन्दा उच्च गतिमा बलिंग गर्ने ५ बलर र फालेको सबैभन्दा तीव्र गतिको बल 

१. जोफ्रा आर्चर ( राजस्थान रोयल्स ) , १५२.१३ किमी प्रतिघण्टा

२. एनरिक् नोर्कीय ( दिल्ली क्यापिटल्स ) , १४८.९२ किमी प्रतिघण्टा

३. नभदिप सैनी ( रोयल च्यालेन्जर्स बैंगलोर ) , १४७.९२ किमी प्रतिघण्टा

४. जोश हेजलवुड ( चेन्नाई सुपर किंग्स ) , १४७.३२ किमी प्रतिघण्टा

५. जस्प्रित बुम्राह ( मुम्बई इन्डीएन्स ) , १४७.१६ किमी प्रतिघण्टा

आईपीएल इतिहासमा सबैभन्दा फास्ट बलर को हुन् ? 

आईपीएल इतिहासमै सर्वाधिक गतिको बलिंग गर्ने कीर्तिमान दक्षिण अफ्रिकी फास्ट बलर डेल स्टेनको नाममा रहेको छ। स्टेनले २०१२ को सिजनमा उक्त बल गरेका थिए। डेक्कन चार्जर्सको प्रतिनिधित्व गर्ने क्रममा उनले रोयल च्यालेन्जर्स बैंगलोर विरुद्ध १५४.४० प्रति/घण्टा गतिको बल गरेका थिए। उनको उक्त रेकर्ड १३ औं संस्करणको आईपिएल समाप्त हुदासम्म कसैले तोड्न सकेका छैनन्।

स्टेनले २०१३ को सिजनमा पनि सनराइजर्स हैदराबादको प्रतिनिधित्व गर्ने क्रममा १५२.४८ को गतिमा बलिंग गरेका थिए। उनले २०१४ को सिजनमा पनि १५२.४४ को गतिमा बलिंग गरेका थिए। यो सिजन स्टेन आईपीएलमा बिराट कोहली कप्तानीको बैंगलोरबाट खेलीरहेका छन्।

३७ वर्षीय स्टेनले यो सिजन सबैभन्दा उच्च बल १४४.१५ किमी प्रतिघण्टाको गतिमा फालेका थिए जुन आईपीएल २०२० को सयौं उच्च गतिको बल हो।

विवादास्पद निर्णय : स्पाइडरक्यामलाई छोएता पनि उनदकतलाई क्याच आउट दिएपछि

IPL : ताजा अंकतालिका, अरेन्ज र पर्पल क्याप लिडरबोर्ड ( कोलकाता-राजस्थान खेल पछि )

राजस्थानको अपराजित यात्रा रोक्दै, दोश्रो जित पछि कोलकाताको अंकतालिकामा फड्को

क्रिकेट संघ अध्यक्ष चन्दलाई कोरोना संक्रमण

सिद्धार्थ रङ्गशालाः १० वर्षमा १० प्रतिशत काम

आईपीएलमा सट्टेबाजी खेलाउने तीन जना पक्राउ





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]