नेपाल आइपुगे महान क्रिकेटर जोन्टि रोड्स



  • विकेटनेपाल, कार्तिक २६ सोमबार 

बिश्व क्रिकेटका महान दक्षिण अफ्रिकी क्रिकेटर जोन्टि रोड्स आइतबार नेपाल आइपुगेका छन्।

नेपाल क्रिकेट स्कुल र स्पोर्ट्स एडको आयोजनामा नोभेम्बर १२ सोमबार देखि नोबेम्बर २१ सम्म संचालन हुने हाई परफर्मेन्स क्याम्पको लागि रोड्स नेपाल आएका हुन्। उनिसंगै वेस्ट इन्डिज क्रिकेट टिमका पुर्व फिल्डिंग प्रशिक्षक रायन मारुन पनि नेपाल आईसकेका छन्।

टियु क्रिकेट मैदानमा संचालन हुने क्याम्प सुरु हुनु अघि रोड्सले आइतबार टियु मैदानको निरिक्षण भ्रमण गरिसकेका छन् र आज दिउसो २ बजे कार्यक्रमबारे पत्रकार सम्मेलनमा उपस्थित हुने कार्यक्रम रहेको छ।

नेपाल रहने क्रममा उनले क्रिकेटको फिटनेस टेस्ट र ट्रेनिंग गर्नेछन् भने नेतृत्व कला, स्पोर्ट्स मेडिसिन, जित्ने कला जस्ता बिषयमा प्रशिक्षण दिने बताईएको छ। प्रशिक्षण टियु मैदानमा संचालन हुनेछ।

आइतबार टियु मैदान निरिक्षण गर्दै रोड्स
आइतबार टियु मैदान निरिक्षण गर्दै रोड्स

विकेटनेपालसंग अनौपचारिक कुराकानीमा नेपाल क्रिकेट स्कुलका संचालक करन घिमिरेले रोड्सलाई ल्याउन निकै महँगो शुल्क तिर्नुपरेको बताएका छन्। रोड्स अथवा उनि जस्तै ठुला क्रिकेटरलाई प्रत्येक बर्ष नेपाल ल्याउने समेत घिमिरेले बताएका छन्। उनलाई नेपाल ल्याउन घिमिरे मे महिनामा भारत पुगेका थिए।

रोड्ससंग हाई परफर्मेन्स क्याम्पमा सहभागी हुन् आयोजकले प्रति-ब्यक्ति ५० हजार रुपैयाँ शुल्क राखेको थियो।

नेपाल आएपछि रोड्सले चर्चित नेपाली अभिनेता सुनिल थापासंग आइतबार राति बिशेष डिनर गरेका छन्। थापा आयोजनाको ब्रान्ड एम्बासडरको रुपमा समेत रहेका छन्।

अभिनेता सुनिल थापासंग आइतबार राति रोड्सले डिनर गरेका छन् ( फोटो – सुनिल थापा, फेसबुक )

उमेरले ४९ नाघेका रोड्सले दक्षिण अफ्रीकाको लागि ५२ टेस्ट तथा २४५ एकदिवसीय खेलेका थिए। २००३ को एकदिवसीय बिश्वकप पछि सन्यास लिएका दायाँ हाते ब्याट्सम्यानले टेस्टमा ३५.६६ को औशतले २,५३२ रन तथा एकदिवसीयमा ३५.११ को औशतले ५९३५ रन बनाएका छन्।

सन् १९९२ को एकदिवसीय बिश्वकपको दौरान पाकिस्तान क्रिकेटर इन्जमाम उल हकको रन आउटको कारण प्रख्यात रोड्सलाई त्यति बेला एउटा पत्रिकाले “के यो चरा हो ? के यो जहाज हो ? हैन, यो जोन्टि हो” लेखेको प्रसंग चर्चित मानिन्छ। हावामा उड्दै उनले गरेको रन आउट बिश्व क्रिकेटमा धेरै याद गरिने क्षण मध्येको एक हो।

रोड्स इन्डियन प्रिमियर लिग आईपीएल टिम मुम्बई इन्डियन्सको २०१७ सम्म लगातार ९ सिजन फिल्डिंग कोच रहेका थिए भने श्रीलंका,दक्षिण अफ्रीका, केन्या जस्ता टिमहरुको प्रशिक्षण गरिसकेका छन्।

 

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]