डिपिएल-३: जोन्टी रोड्सद्वारा भिम शार्कीको प्रशंसा



(फिचर फोटो: फाइल)

धनगढी, माघ २९ – तेस्रो संस्करणको धनगढी प्रिमियर लिग क्रिकेट अन्तर्गत दोश्रो दिनको दोश्रो खेलमा रुपन्देही च्यालेन्जर्सका भिम शार्कीले एक उत्कृस्ट क्याच लिए। उक्त क्याचपछि उनले सबै तिर चर्चा बटुलेका छन्।

विराटनगर किंग्सका खेलाडी असाद उल्लाह खान पठानले ४.४ ओभरमा प्रहार गरेको बलले उचाई लिएपछि ‘डिप मिड विकेट’ मा रहेका शार्कीले अगाडी दौडिएर डाइभ हान्दै क्याच लिएका थिए। उक्त फिल्डिंगको नमुनालाई दक्षिण अफ्रिकाका चर्चित पुर्व क्रिकेटर जोन्टी रोड्सको फिल्डिंग गर्ने कलासँग समेत तुलना गरिएको छ। भिम शार्की पहिले देखि नै उत्कृस्ट फिल्डिंग प्रदर्शन गर्ने भएकोले उनै दक्षिण अफ्रिकी रोड्सको नाम ‘जोन्टी’ उपनामले समेत चिन्ने गरिन्छ।

क्याच लिएपछि खुसियालीमा उफ्रदै भिम

आजको बिराटनगर किंग्स बिरुद्दको खेलमा भिम सार्कीले उक्त क्याच लिएपछि धनगढी प्रिमियर लिग (डिपिएल) क्रिकेटको सद्भावना दुत रहेका जोन्टीले सामाजिक संजालमार्फत क्याचको तारिफ गरे।

‘रोड्सले यो क्याच हेरेपछि शार्कीमाथि गौरव गर्नेछन्’ भनेर डिपिएलको आधिकारिक एकाउन्टले ट्विटरमा गरेको पोस्टमा जोन्टीले यस्तो प्रतिक्रिया दिए : “क्याच मात्र होइन, त्यो गतिमा पूर्ण रुपमा अगाडी डाइभ हान्नु अनि हानिसकेपछी बालुवामा बज्रिनु” तारिफ योग्य रहेको जनाए। संगै क्याचले खेल जिताउन महत्त्वपूर्ण भूमिका निर्वाह गर्ने समेत लेखेका छन्।


भिम शार्कीको प्रसंशा

उक्त क्याचको तारिफमा आयरल्याण्डका क्रिकेटर केभिन ओ’ब्रायनले प्रतियोगितामा अन्य कसैलेपनि यो क्याचलाई हराउन नसक्ने जनाएका छन्। उनले लेखेका छन्, “उत्कृस्ट क्याच ! डिपिएलमा यो क्याचलाई कसैले हराउने छैनन्”।

यस्तै अहिले प्रतियोगितामा धनगढी स्टार्सबाट खलिरहेका रोहन मुस्तफाले भिमलाई चराको उपमा दिएका छन्।


यस्तै क्रिकइन्फोका पत्रकार पिटर डेला पेन्नाले बालुवा थुप्रोमा डाइभ हानेको प्रशंसा गर्दै रसियन निर्णायकहरुले समेत पूर्ण  अंक प्रदान गर्ने लेखेका छन्। रसियन निर्णायकहरु कन्जुस मानिन्छन।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]