बट्लरको शतकमा इंग्ल्याण्डको रोमान्चक जित



  • विकेटनेपाल – ७ माघ, आईतवार

अस्ट्रेलिया बिरुद्धको एक दिवसीय सिरिजको तेस्रो खेलमा इंग्ल्याण्डले जित हात पारेको छ। सिड्नी क्रिकेट ग्राउण्डमा अस्ट्रेलियालाई १६ रनले हाराउँदै इंगल्याण्डले शृंखलामा ३-० को अजेय बढत समेत हात पार्न सफल भयो।

इंग्ल्याण्डले दिएको ३०३ रनको लक्ष्य पछ्याएको अस्ट्रेलियाले निर्धारित ५० ओभरमा ६ विकेट गुमाउंदै २८६ रनमात्र जोड्न सक्यो र नतिजा १६ रनले इंग्ल्याण्डको पक्षमा रह्यो।

यो अस्ट्रेलियाको भुमिमा इंग्ल्याण्डको पहिलो एक दिवसीय सिरिज जित पनि हो। यसअघि इंग्ल्याण्डले अस्ट्रेलियामा गएर एक दिवसिय शृंखलामा जित हात पार्न सकेको थिएन। साथै इंग्ल्याण्ड बिरुद्ध अस्ट्रेलियाको यो अन्तिम ७ खेलमा छैठौं हार पनि हो। एसेज टेस्टमा ४-० को लज्जास्पद हारपछि एक दिवसीय शृंखलामा भने इंग्ल्याण्डले उत्कृस्ट पुनरागमन गरेको छ।

थोरैले चुक्यो अस्ट्रेलिया 

ठुलो लक्ष्यको पिछा  गर्ने क्रममा अस्ट्रेलियाका एरन फिन्चले ६२ रन जोडे। ५३ बलको सामना गरेका फिन्चले ३ चौका र ३ छक्का प्रहार गरे। यस्तै मिचेल मार्श र मार्कस स्ट्वाईनिसले अर्ध शतक बनाएपनि अस्ट्रेलियालाई जित दिलाउन सकेनन्। मार्शले ५५ तथा स्ट्वाईनिसले ५६ रन बनाए। अस्ट्रेलियाका कप्तान स्टिभ स्मिथ भने बिबादास्पद निर्णयको शिकार बने। व्यक्तिगत ४५ रन बनाएर खेलिरहेका स्मिथलाई एम्पाएरले मार्क वुडको बलमा जस् बट्लरबाट क्याच आउट दिएका थिए।

घरेलु टोलि अस्ट्रेलियालाई सस्तैमा रोक्ने क्रममा इंग्ल्याण्डका ३ बलरले २-२ विकेट हात पारे। मार्क वुड, क्रिस वोक्स र आदील रशिदले समान २-२ विकेट निकाल्दा अस्ट्रेलियाका ब्याट्सम्यान जवाफ बिहिन रहे।

बट्लरको शतक

यसअघि अस्ट्रेलियाले टस जित्दै पहिले बलिंग गर्ने निर्णय लिएपछि ब्याटिंगमा उत्रिएको इंग्ल्याण्डले निर्धारित ५० ओभरमा ३०२ रन जोडेको थियो। उसका लागि किपर ब्याट्सम्यान जस् बट्लरले शतक बनाएका थिए।

आफ्नो एक दिवसीय क्यारियरको पाँचौ शतक बनाउने क्रममा बट्लरले अविजित १०० रन बनाएका थिए। ८३ बल खेलेका उनले ६ चौका र ४ छक्का प्रहार गर्दै आफ्नो शतक पुरा गरेका थिए। बट्लरले ७औं विकेटका लागि क्रिस वोक्ससंग अविजित ११३ रनको साझेदारी गरेका थिए। यो बट्लरको क्यारियरको सबैभन्दा ढिलो बनेको शतकपनि हो। यसअघिका सबै शतक ७५ बल वा त्यो भन्दा छिटो बनेका थिए।

यस्तै भ्रमणकारी टोलि इंग्ल्याण्डका लागि क्रिस वोक्सले अविजित ५३ रनको योगदान गरेका थिए। बिष्फोटक ब्याटिंग गर्ने क्रममा वोक्सले ३६ बलमा ५ चौका र २ छक्का प्रहार गरेका थिए।

अस्ट्रेलियाको बलिंगमा जस् हेजलवुडले २ विकेट चट्काएका थिए। १० ओबरमा ५८ रन खर्चंदा उनले इंगलिस कप्तान ओएन मोर्गन र जो रुटलाई पभेलियनको बाटो देखाउन सफल भएका थिए। यस्तै अन्य ४ बलरलर भने समान १-१ विकेट हात पारेका थिए।

 





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]