काठमाडौँ मेयर कपमा सन्दिपले मेयर-११ टिमको कप्तानी गर्ने, कहिले छ खेल



फाल्गुन २२ गते देखी काठमाण्डौमा सुरु हुने पहिलो संस्करणको काठमाण्डौ मेयर कप एकदिवसीय राष्ट्रीय प्रतियोगितामा स्टार लेग स्पिनरसन्दीप लामिछानेले काठमाण्डौ मेयर-एघार टिमको कप्तानी गर्ने भएका छन् ।

खेलाडीहरुमा कोरोना देखिंदा पाकिस्तान सुपर लिग स्थगित भए पछि सन्दीप शुक्रवार बेलुका काठमाण्डौ आईपुग्ने छन्।

सन्दिप पाकिस्तान जानु अघि काठमाडौँ मेयर-११ टिमबाट खेल्ने निश्चित भैसकेको थियो तर पीएसएल टिम लाहोर कलन्दर्सले अफगानी लेग स्पिनर राशिद खानको प्रतिस्थापनमा सन्दिपलाई मौका दिएपछि उनि पाकिस्तान प्रस्थान गरेका थिए। सन्दिप फर्किने भएपछि क्यानले सन्दिपलाई खेल्न आग्रह गरेको थियो जसलाई सन्दिपले स्वीकार गरेका हुन्।

सन्दिप नेपाल आएपछि उनको कोरोना परिक्षण हुनेछ जसको रिपोर्ट नेगेटिभ आएको खण्डमा उनि प्रतियोगितामा सहभागी हुन पाउने क्यानले बताएको छ।

सन्दीपले यस अघि पोखरा प्रिमियर लिगको पहिलो संस्करणमा २०१८ मा ‌बिराटनगर टाईटन्स टिमको कप्तानी गरेका थिए । उनले पछिल्लो पटक नेपाली घरेलू लीगमा पछिल्लो सीजनको एभरेस्ट प्रिमियर लिग २०१८ मा ज्ञानेन्द्र मल्ल कप्तानीको ललितपुर प्याट्रीयट्सबाट खेलेका थिए।

शनिवार सुरु हुने काठमाडौँ मेयर कपमा काठमाडौँ मेयर-११ सहित बागमती प्रदेश तथा तिन विभागीय टोलि त्रिभुवन आर्मी क्लब, नेपाल एपीएफ क्लब र नेपाल पुलिस क्लबले प्रतिस्पर्ध गर्नेछन्। प्रतियोगितामा काठमाडौँ मेयर-११ ले पहिलो खेल फाल्गुन २३ गते मुलपानी मैदानमा बागमती प्रदेशसंग खेल्नेछ। यस्तै फाल्गुन २४ गते टियु मैदानमा त्रिभुवन आर्मी क्लबसंग, फाल्गुन २६ गते टियु मैदानमा नेपाल पुलिस क्लबसंग तथा फाल्गुन २७ गते नेपाल एपिफ क्लबसंग मुलपानी मैदानमा खेल्नेछ।

काठमाडौँ मेयर-११ टिममा प्रधानमन्त्री कपमा राम्रो प्रदर्शन गरेका बिभिन्न प्रदेशका खेलाडीहरु रहेका छन्।

काठमाडौँ मेयर-११ टिम : सन्दिप लामिछाने ( कप्तान ) , सिद्धान्त लोहनी, अर्जुन कुमाल, सौरभ खनाल, सन्दिप रजाली, खड्ग बहादुर बोहरा, हरिशंकर शाह , विवेक यादव, कृष्ण कार्की, रविन्द्र जंग शाही, बिपिन रावल, बिपिन खत्री, अनिल खरेल, विक्रम भुसाल, नारायण जोशी, अनुज चुनारा

प्रतियोगिता सिंगल राउण्ड रोबिन फर्म्याटमा खेलिनेछ। सहभागी ५ वटा टिमले एक अर्कासंग १-१ खेल खेलेपछि अंकतालिकामा उत्कृस्ट हुने २ तिन फाइनल प्रवेश गर्नेछ। प्रतियोगिताको खेल तालिका भने सार्वजनिक गरिएको छैन।

काठमाडौँ मेयर कप : दुई सोनुलाई मौका दिंदै बागमती प्रदेश टिमको घोषणा

पीएसएल रोकियो, खेल नखेली फर्कने भए सन्दिप लामिछाने

काठमाडौँ मेयर कपको प्रत्यक्ष प्रशारणको लागि क्यान र डीश मिडिया विच सम्झौता





थप समाचार

हाईस्कोरिंग खेलमा कोलकातालाई हराउदै चेन्नाई शिर्षमा

कोलकाता नाइट राइडर्सलाई १८ रनले पराजित गर्दै १४ औं आईपीएल अंकतालिकाको शिर्षस्थानमा पुगेको छ। मुम्बईको वानखेडे स्टेडियममा सम्पन्न खेलमा चेन्नाईले […]

IPL : हैदरावादको पहिलो जित, पन्जाब पुछारमा पुग्दा हैदरावाद पाँचौ स्थानमा

पन्जाब किंग्सलाई ९ विकेटले पराजित गर्दै सनराइजर्स हैदरावादले आईपीएल १४ मा पहिलो जित दर्ता गरेको छ। चेन्नाई स्थित एमए चिदम्बरम स्टेडियममा […]

पाकिस्तानको जितमा रिजवान र कादिर उत्कृस्ट

जिम्बाबेलाई ११ रनले पराजित गर्दै भ्रमण टोलि पाकिस्तानले पहिलो टि-ट्वान्टीमा ११ रनको जित दर्ता गरेको छ। जितसंगै तिन वटा टि-ट्वान्टीको […]

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

नेपालमा त्रि-देशीय टि-ट्वान्टी सिरिज अन्तर्गत नेदरल्याण्ड र मलेसिया बीचको खेल बराबरीमा टुंगिएको छ। यो संगै सिरिजको फाइनलमा नेपाल र नेदरल्याण्ड […]

कुपरले उत्कृस्ट ब्याटिंग गर्दा वर्षाप्रभावित खेलमा नेदरल्याण्डले बनायो १०७ रन

नेपाल, नेदरल्याण्ड र मलेसिया बीच जारि त्रि-देशीय टि-ट्वान्टी सिरिज अन्तर्गत पाँचौ खेलमा बुधबार नेदरल्याण्ड र मलेसिया प्रतिस्पर्धा गरिरहेका छन्। टियु […]

आईसीसी ब्याटिंग वरियतामा शिर्ष १०० भित्र कुशल भुर्तेल

नेपाल, नेदरल्याण्ड र मलेसिया बीच जारि त्रिदेशीय टि-ट्वान्टी सिरिजमा उत्कृस्ट ब्याटिंग गरिरहेका कुशल भुर्तेलले अन्तर्राष्ट्रिय क्रिकेट परिषद ( आईसीसी ) […]