कविताले ह्याट्रिक सहित ५ विकेट लिंदा सुदूरपश्चिम सेमीफाइनलमा



कविता जोशीले ह्याट्रिक सहित कुल ५ विकेट लिंदा बागमती प्रदेशलाई पराजित गर्दै सुदूरपश्चिम प्रदेश प्रधानमन्त्री कप महिला राष्ट्रिय टि-२० प्रतियोगिताको सेमीफाइनल पुगेको छ।

लमही क्रिकेट मैदानमा सम्पन्न खेलमा सुदुरपश्चिमले दिएको ७७ रनको लक्ष्य पछ्याउने क्रममा बागमतीले ११ ओभर ब्याटिंग गर्दै ९ विकेट गुमाएर ४८ रन मात्र बनाउन सक्यो। कुहिरोको कारण खेल ढिला सुरु भएकोले खेल ११ ओभरमा घटाइएको थियो। स्कोरकार्ड , अंकतालिका 

लक्ष्य पछ्याउने क्रममा बागमतीको लागि सुमन खतिवडाले सर्वाधिक २७ रन बनाउनु बाहेक अन्य खेलाडीले दोहोरो अंकमा रन बनाउन सकेनन्।

इनिंग्सको नवौं ओभरमा कविता जोशीले ह्याट्रिक सहित ४ विकेट लिंदा बागमती निरिह बनेको थियो। कविताले ओभरको दोश्रो, तेश्रो र चौथो बलमा सुमन खतिवडा, अनिशा मजक्कोती र क्यनुका बस्नेतको विकेट लिंदै ह्याट्रिक पुरा गरेकी थिईन्। ओभरको छैठौं बलमा खुसि डंगोलको विकेट लिंदै ओभरमा विकेट संख्या कविताले ४ पुर्याईन्।

कविताले २ ओभर बलिंग गर्ने क्रममा १० रन खर्चेर ५ विकेट लिईन्। प्रधानमन्त्री कप महिला टि-२० प्रतियोगिताकै यो सबै भन्दा उत्कृस्ट स्पेल हो। कविता कुँवर , रितु कनोजिया र लक्ष्मी साउदले समान १ विकेट लिए।

यस अघि टस जितेर ब्याटिंग रोजेको सुदुरपश्चिमले निर्धारित ११ ओभरमा ४ विकेट गुमाएर ७६ रन बनाएको थियो।

डली भट्टले आक्रमक ब्याटिंग गरिन्

सुदूरपश्चिमको लागि डली भट्टले सर्वाधिक अविजित २८ रन बनाउने क्रममा आक्रामक ब्याटिंग गर्दै मात्र १४ बलमा २८ रन बनाईन् जुन क्रममा २ चौका र २ छक्का प्रहार गरिन्। यस्तै कविता कुँवरले अविजित १९ तथा कविता जोशीले १२ रन योगदान दिए।

३९ रनमा ५ विकेट गुमाएको अवस्थामा छैठौं नम्बरमा ब्याटिंग गर्न आएकी डलीले १० औं ओभरमा खुसि डंगोललाई १ चौका र १ छक्का तथा ११ औं ओभरमा अस्मिना कर्माचार्यलाई १ चौका र १ छक्का प्रहार गरेकी थिईन्।

डली र कविताले पाँचौ विकेटको लागि १६ बलमा ३७ रनको साझेदारी गरे।

बागमतीको बलिंगमा लेग स्पिनर आरति बिडारीले सर्वाधिक ३ विकेट हात परिन् जुन क्रममा २ ओभरमा १३ रन खर्चिन्। निशा तामांगले १ विकेट हात पारिन्।

जित पछि ३ खेलमा २ जित र १ हार बेहोर्दै सुदूरपश्चिम सेमीफाइनल प्रवेश गरेको छ। यस अघि प्रदेश-१ पनि दुवै खेल मा जित सहित सेमीफाइनल पुगीसकेको छ। आजै हुने दोश्रो खेलमा प्रदेश-१ र गण्डकी प्रदेश बीचको खेलले समुह ‘बि’ को विजेता टिमको तय गर्नेछ।

प्रतियोगिताको भोलि हुने पहिलो सेमीफाइनलमा समुह ‘ए’ को विजेता एपीएफले समुह ‘बि’ को उपविजेता तथा दोश्रो सेमीफाइनलमा समुह ‘ए’ को उपविजेता लुम्बिनीले समुह ‘बि’ को विजेतास्नाग प्रतिस्पर्धा गर्नेछ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]