तेज प्रशिक्षक अलिको उपाधि जित्ने लक्ष

Kalam Ali


वाईवाई इपिएल साबिक बिजेता टोलि पन्चकन्या तेज प्रशिक्षक कलाम अलिले यसपालि आफ्नो टिम उपाधिको दाबेदार रहेको बताएका छन् l

प्रतियोगिताको तयारीको क्रममा पन्चकन्या तेज टिम काठमाडौँ स्थित भेलोसिटी एरिनामा इन्डोर अभ्यास गरिरहेको छ l सोहि क्रममा विकेटनेपाल संग कुराकानी गर्ने क्रममा प्रशिक्षक तथा पुर्ब रास्ट्रिय खेलाडी समेत रहेको अलिले आफ्नो टिमको मजबुत पक्ष खेलाडीहरुको अलराउण्ड क्षमता रहेको बताएका छन् l

वाईवाई एभेरेस्ट प्रिमियर लिग प्रतियोगिताको पहिलो संस्करण (एनसेल एनपीएल) को ५० ओभर संस्करण २ बर्ष अघि जितेको पन्चकन्या तेज टिममा अहिले पनि सन्तुलित रहेको बताउदै अलिले ब्याटिंग र बलिंग दुवै पक्ष मजबुत रहेको विकेटनेपाललाई बताएका छन् l

“टिममा अलराउण्डरहरुको बाहुल्यता छ, जुन हाम्रो बलियो पक्ष हो l बलिंग र ब्याटिंग दुवैमा हामी संग अप्सन छ l”

“आरिफ शेख, पृथु बास्कोटा, कुशल भुर्तेल, दिपेन्द्र ऐरी जस्ता अलराउण्डरहरु टिममा छन् l शरद भेसावकर, भुवन कार्की संग पनि अलराउण्ड क्षमता छ l अलराउण्ड क्षमतानै हाम्रो बलियो पक्ष हो l”

यस अघिको संस्करणमा प्रशिक्षक रहेका प्रशिक्षक राजु बस्नेतले यसपालि महिला रास्ट्रिय क्रिकेट टिम सम्हालेपछि तेज टिमको जिम्मेवारी कलाम अलिको काँधमा आईपुगेको हो l

सन् १९९७ को यु-१९ एसिया कपमा नेपाली टोलिको प्रतिनिधित्व गरेका अलिले १९९८ र सन् २००० को एसीसी ट्रफीमा सिनियर रास्ट्रिय क्रिकेट टिमको प्रतिनिधित्व गरेका थिए l

तेज टिमले ५० ओभर संस्करण जित्दा फाईनलमा ६ विकेट सहित प्रतियोगिताकै सर्बाधिक विकेट लिने खेलाडीको शिर्ष स्थानमा रहेका लेग स्पिनर राजकुमार प्रधानको कमि महसुस गर्ने बताएका छन् l तर उनको अनुपस्थितिमा पनि आफुसंग स्तरीय स्पिनरको कमी नभएको उनले बताए –

“राजकुमार प्रधानको ठाउँ लिन त गार्हो छ, तर पनि भुवन कार्की र सुशील कंडेल जस्ता स्तरीय लेफ्ट आर्म स्पिनरहरुको उपस्थितले स्पिन्न पक्ष मजबुत हुनेछ”

यस्तै तिब्र गति बलिंग तर्फ पनि करन केसी, कुशल भुर्तेलको उपस्थितिले बलिंग पक्ष मजबुत रहेको उनले बताए l तिब्र गति बलर जितेन्द्र मुखियाको फिटनेस भने चिन्ताको बिषय रहेको अलिले बताए-

“जितेन्द्रको फिटनेसमा अझै पनि ढुक्क हुने अवस्था छैन र अन्तिम समय सम्ममा पनि उनि फिट हुने पर्खाईमा हुनेछौ”

टिमको ब्याटिंग तर्फ कप्तान शरद भेसावकर, आरिफ शेख, दिपेन्द्र ऐरी, पुष्प थापा, सन्नी पुन र संजय श्रेष्ठ जता खेलाडी रहेका छन् l

रास्ट्रिय क्रिकेट टिममा कुनै बेला तिब्र गतिमा स्विंग बलिंग फाल्ने अलि यतिबेला रातो पुल स्थित भेलोसिटी एरिनामा टोलिलाई अभ्यास गराईरहंदा आउटडोर प्रशिक्षण कम गर्न पाएकोमा भने चिन्तित देखिएका छन् l

“इन्डोरमा अभ्यास गर्नु परिरहेको छ l टर्फ विकेट र सिन्थेटिक विकेटमा धेरै भिन्नता छ त्यसले असर गर्नसक्छ त्यसपछि फिल्डिंग अभ्यास राम्रो गर्न सकेका छैनौ जसले अभ्यासमा बाधा भएको छ”

त्यसबाहेक अन्य समस्या नरहेको बताऊदै अलिले टोलिको प्रशिक्षकको रुपमा आफ्नो टिमले फाइनल जित्ने लक्ष रहेको बताए-

“एउटा प्रशिक्षकको रुपमा सबैको जस्तै मेरो लक्ष पनि प्रतियोगिताको फाईनल जित्नेनै रहेको छ र म त्यही अपेक्षा गरिरहेको छु”





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]