खुकुरी कप: कमलको अलराउण्ड प्रदर्शनमा ग्रेट हिमालयको जित



  • विकेटनेपाल, ११ माघ- बिहिबार 

बुधबार देखि सुरु भएको खुकुरी च्यालेन्जर्स कप प्रतियोगिताको दोश्रो दिन सम्पन्न २ वटा खेलमा वाईवाई ग्रेट हिमालय क्रिकेट एकेडेमी र आईओई थापाथली बिजयी भएका छन्।

पहिलो खेल : कमल ऐरीको अलराउण्ड प्रदर्शन हिमालयको जित 

म्यान अफ द म्याच कमल ऐरीले बलिंग र ब्याटिंग दुवैमा उत्कृस्ट प्रदर्शन गर्दा वाईवाई ग्रेट हिमालय क्रिकेट एकेडेमीले ओएसीस क्रिकेट एकेडेमीलाई ५७ रनले सहजै पराजित गर्यो।

मुलपानी मैदानमा सम्पन्न खेलमा यु-१९ रास्ट्रिय क्रिकेटर समेत रहेका कमलले ब्याटिंगतर्फ अविजित ६१ रन बनाउन मात्र ३६ बलमा ५ चौका र ४ छक्का प्रहार गरे।

कमल सिंह ऐरी

टस हारेर मुलपानी क्रिकेट मैदानमा ब्याटिंग गरेको ग्रेट हिमालयले निर्धारित १७ ओभरमा ५ विकेट गुमाएर १३७ रन बनायो। कमल ऐरीले छैठौं विकेटको लागि कप्तान रुपेश श्रीवास्तवसंग ५३ रनको साझेदारी गर्दै ८४/५ को अवस्थाबाट टिमलाई उकासेका थिए। श्रीवास्तवले अविजित १८ रन बनाए भने त्यसअघि इशान पाण्डेले ३३ तथा अरुण ऐरीले १२ रन योगदान दिए।

ओएसीस बलर नितेश थापाले २ विकेट हात पारे।

जवाफमा १३८ रन लक्ष पछ्याउने क्रममा ओएसीसले १७ ओभर ब्याटिंग गरेपनि ८ विकेट गुमाई ८० रन मात्रै बनाउन सक्यो। ओएसीसलाई रोक्न ग्रेट हिमालय बलर कमल सिंह ऐरीले ३ विकेट ( ३-०-१४-३ ) तथा सागर ढकालले २ विकेट ( ३-०-८-२ ) हात पारे। ओएसीस ब्याट्सम्यान आल्श भट्टराईले सर्बाधिक २२ रनको योगदान दिए।

दोश्रो खेल : अमित र सागरको उत्कृस्ट साझेदारीले आईओई थापाथलीको जित 

टस जितेर पहीले ब्याटिंग गर्दै नेपाल क्रिकेट स्कुलले २० ओभरमा १२२/५ को स्कोर बनाएको थियो। ओपनर रभी शाहले सर्बाधिक ४६ तथा राहुल पोखरेलले २९ रन योगदान दिए। सागर थापाले थापाथलीको लागि २ विकेट लिए।

लक्ष पछ्याउने क्रममा आईओई थापाथलीले १९.३ ओभरमा ६ विकेट गुमाई लक्ष पुरा गर्यो।

सागर क्षेत्री म्यान अफ द म्याच अवार्ड ग्रहण गर्दै

५६ रनको स्कोरमै ६ विकेट गुमाईसकेको अवस्थामा अमित कुशवाहा र सागर थापा क्षेत्रीले सातौँ विकेटको लागि अविजित ६७ रनको साझेदारी गर्दै टिमलाई जित दिलाएका थिए। अमितले ३९ ( २८ बल, ५ चौका , १ छक्का ) र म्यान अफ द म्याच चुनिएका सागरले ३४ रन ( ३८ बल, ४ चौका , १ छक्का ) बनाए।

नेपाल क्रिकेट स्कुल बलर सुमन गजराज एक्लैले ४ विकेट ( ३.३-०-१३-४ ) हात पारेपनि जितको लागि पर्याप्त भएन।

शुक्रबार हुने खेलहरु :- 

पहिलो खेल – शान्तिनगर युवा क्लब Vs मलपोखरी क्रिकेट क्लब
दोश्रो खेल – अल्टिमेट इन्डोर क्रिकेट Vs आरसीए प्युठान च्यालेन्जर्स

खुकुरी इन्टरटेन्मेन्टको आयोजनामा सुरु भएको प्रतियोगिताको बिजेताले ३ लाख रुपैयाँ तथा उपविजेताले १ लाख रुपैयाँ पाउने छ। यस्तै उत्कृस्ट खेलाडीले २० हजार तथा बलर/ब्याट्सम्यानले १०/१० हजार रुपैयाँ पुरस्कार पाउनेछ।

कुल २० टिम सहभागी रहेको प्रतियोगिता २४ दिनसम्म चल्नेछ।  २० टिमलाई ४ वटा समुहमा बिभाजन गरेर लिग-कम नक-आउट फर्म्याटमा खेलाइनेछ। प्रतियोगिताको सेमीफाइनल र फाइनल खेल त्रिभुवन अन्तर्राष्ट्रिय क्रिकेट मैदान कीर्तिपुरमा संचालन हुनेछ भने क्वार्टरफाइनल खेलहरु मुलपानी मैदानमा खेलिनेछ।

सहभागी टिम र समुह 

समूह ‘ए’ : काठमाडौं क्रिकेट ट्रेनिङ सेन्टर , अल्टिमेट इन्डोर क्रिकेट, आरसिए प्युठान च्यालेन्जर्स, शान्तिनगर युवा क्लब, मलपोखरी क्रिकेट क्लब

समूह ‘बी’ : आई.ओ.ई. पुल्चोक, रोयल पिसी फाईटर्स, लर्ड बुद्ध क्रिकेट क्लब, बालुवाटार क्रिकेट क्लब, त्रिमुर्ति व्वाइज

समूह ‘सी’ : ओएसिस क्रिकेट एकेडेमी, ग्रेट हिमालय क्रिकेट एकेडेमी, आई.ओ.ई थापाथली, नेपाल क्रिकेट स्कुल, त्रिभुवन आर्मी क्लब

समूह ‘डी’ :  टिकापुर क्रिकेट, रौतहट-११, मकवानपुुर क्रिकेट क्लब, बुटवल क्रिकेट ब्वाइज, इन्टर- डिस्ट्रिक्ट क्रिकेट क्लब





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]