रोमान्चक खेलमा इंग्ल्याण्ड बिजयी, विलियमसनको अविजित शतक



  • विकेटनेपाल-१९ फाल्गुन, शनिवार

न्युजील्याण्ड र इंग्ल्याण्ड बीच जारि ५ एक दिवसीय क्रिकेट शृंखलाको तेस्रो खेलमा इन्ग्यांडले ४ रनको रोमान्चक जित हात पारेको छ। न्युजील्याण्डका लागि केन विलायम्सनले शतक बनाएपनि जित दिलाउन विफल रहे।

जितसंगै इंग्ल्याण्डले शृंखलामा २-१ को अग्रता लिएको छ। दुई टोलि बिचको चौथो खेल आगामी मंगलवार हुनेछ।

न्युजिल्याण्डले टस जित्दै पहिले बलिंग गर्ने निर्णय लिएपछि ब्याटिंगमा उत्रिएको इंग्ल्याण्डले निर्धारित ५० ओभरमा सबै विकेट गुमाएर २३४ रन जोडेको थियो। उसको इनिंगमा कप्तान ओएन मोर्गनले सर्वाधिक ४८ रन जोड्न बाहेक अन्य ब्याट्सम्यानले राम्रो प्रदर्शन गर्न सकेनन्। ७१ बलको सामना गरेका मोर्गनले ३ चौका र १ छक्का प्रहार गरेका थिए।

Eoin Morgan

यस्तै बेन स्टोक्सले ३९, जस् बट्लरले २९ र मोइन अलिले २३ रनको व्यक्तिगत योगदान गरेका थिए। न्युजील्याण्डका बलरले लगातार रुपमा विकेट निकाल्दा इंग्ल्याण्डका ब्याट्सम्यानहरुले साझेदारी बनाउन सकेका थिएनन्।

न्युजील्याण्डको बलिंगमा लेग स्पिनर इश् सोढ़ीले सर्वाधिक ३ विकेट लिएका थिए। यस्तै ट्रेन्ट बोल्टले २ र टिम साउदी तथा कोलिन डी ग्रयाण्डहोम् ले समान १-१ विकेट लिएका थिए।

Trent Boult

जवाफमा २३५ रनको सामान्य लक्ष्यको पिछा गर्न मैदान उत्रिएको घरेलु टोलिले निर्धारित ५० ओभरमा ८ विकेट गुमाएर २३० रन मात्र जोड्न सक्यो। उसको इनिंगमा कप्तान केन विलियम्सनले शतक बनाएपनि किवी टोलिलाई जित दिलाउन सकेनन्।

अन्तिम ओभरमा जितको लागि १५ रन आवस्यक रहेको बेला क्रिस वोक्सको ओभरको तेश्रो बलमा छक्का प्रहार गरेपछि अन्तिम ३ बलमा जितको लागि ७ रन आवस्यक रहेको थियो। चौथो बलमा २ रन लिएपछि जितको लागि २ बलमा मात्र ५ रन आवस्यक रहेको बेला अन्तिम २ बलमा विलियमसनले कुनै रन बनाउन नसक्दा न्युजिल्याण्डले ४ रनको हार बेहोर्न बाध्य भयो।

११२ रनको इनिंग खेल्ने क्रममा विलियम्सनले १४३ बलको सामना गर्दै ६ चौका र २ छक्का प्रहार गरे। यस्तै कोलिन मुन्रोले ४९ र मिचल स्यांटनरले ४१ रन बनाउन बाहेक अन्य ब्याट्सम्यानहरुले दोहोरो अंकमा रन जोड्न विफल रहे।

Kane Williamson

इंग्ल्याण्डको बलिंगमा म्यान अफ दि म्याच मोइन अलिले सर्वाधिक ३ विकेट चट्काए। यस्तै क्रिस वोक्स र आदील रशिदले समान २-२ विकेट लिए।

फोटोहरु : ICC





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]