विलियमसनले बताए ११ ओभरमै राशिदको स्पेल सक्नुको कारण



आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग ५५ रनले सहजै पराजित हुन् पुग्यो।

राजस्थान रोयल्स ओपनर जोस बटलरले ६४ बलमा १२४ रन बनाएपछि उसले २० ओभरमा २२०/३ को विशाल योगफल खडा गर्यो। उनलाई कप्तान संजु स्यामसनले ४८ रन बनाएर साथ दिए जोसंग दोश्रो विकेटको लागि बटलरले १५० रनको साझेदारी गरे।

जब राजस्थान ब्याटिंग गर्न उत्रियो तब हैदरावादको रणनीतिले धेरैलाई आश्चर्यमा पार्यो। आईपीएल २०२१ मा पहिलो पटक कप्तान विलियमसनले आफ्नो स्ट्राइक बलर राशिद खानलाई पावरप्लेमा बलिंग गर्न ल्याए। राशिदले यसस्वी जैसवाललाई एलबिडब्लु आउट गरे भने उनले ११ औं ओभरमा आफ्नो ४ ओभरको कोटा सके।

खेलपछि कुराकानी गर्ने क्रममा विलियमसनले त्यसको पछाडीको रणनीति बताए –

“जोस र संजु उनीहरुको टिमको मुख्य खेलाडी हुन्, त्यसैले हामि राशिदलाई उनीहरु बिरुद्ध अधिकतम बल गराउन चाहन्थ्यौ। केहि अवसर सिर्जना भएको भए म्याच परिवर्तन हुन सक्थ्यो।”

विलीयमसनले बिपक्षी टिमका मुख्य ब्याट्सम्यानलाई छिटो आउट गर्न सुरुवातमै आफ्नो उत्कृस्ट बलर लगाएको बताए। तर उक्त रणनीतिले काम गरेन, बटलर र स्यामसनले चाडै विकेट दिएनन्। बटलरले त आईपीएल र टि-२० करियरकै पहिलो शतक समेत बनाए। राशिदको ओभर सकिएको हुँदा बटलर र स्यामसनलाई पछि अझ सहज भयो।

“हाम्रो लागि मुस्किल दिन रह्यो, राजस्थानले हामीलाई निकै ठूलो लक्ष्य दियो। आज जोस ( बटलर ) को दिन थियो उनले निकै राम्रो ब्याटिंग गरे। हाम्रो लागि पछिल्लो ३ साता निकै चुनौतीपूर्ण रहेको छ तर पनि हामि सन्तुलन मिलाउन कोशिस गरिरहेका छौँ।”

“राजस्थानले निकै राम्रो बलिंग गर्यो, तर हामीले केहि कुरामा अझै काम गर्नुपर्छ। हाम्रो ग्रुपमा धेरै नेतृत्वकर्ताहरु छन्, जरुरि यो छ कि हामि ठिक ठिक ठाउँमा हुनुपर्छ।”

“जहाँसम्म वार्नरको कुरा छ उनि विश्वस्तरीय खेलाडी हुन्, मलाई थाहा छ उनको विषयमा धेरै कुरा चलीरहेको छ।” वार्नरलाई कप्तानीबाट तथा अन्तिम-११ बाट हटाउदै हैदरावादले अफगानी अलराउण्डर मोहम्मद नाबीलाई अन्तिम-११ मा मौका दिएको थियो।

२२१ रनको विशाल लक्ष्य पछ्याउने क्रममा हैदरावादले १६५ रन मात्र बनाउन सक्यो। मनिष पाण्डेले सर्वाधिक ३१ रन तथा जोनी बेयरस्टोले ३० रन बनाउन सके भने टिमको मध्यक्रमका ब्याट्सम्यानहरुले ठूलो योगदान दिन सकेनन्। राजस्थानका बलर क्रिस मोरिस र मुस्तफिजुर रहमानले समान ३ विकेट लिए।

लिग अंकतालिकामा हैदरावाद ७ खेलमा १ जित र ६ हार पछि २ अंक सहित आठौँ स्थानमा रहेको छ जसको प्लेअफ सम्भावना कमजोर देखिएको छ। राजस्थान भने जित पछि ६ अंक सहित पाँचौ स्थानमा उक्लेको छ।

यो पनि पढ्नुस 

बटलर, मोरिस र रहमान चम्किदा राजस्थानको जित, यस्तो छ अंकतालिकाको अवस्था

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

IPL : पन्जाबलाई झट्का, एपेन्डीसाईटिस हुँदा कप्तान केएल राहुल अस्पताल भर्ना





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]