उत्कृस्ट बलिङ्ग गरेका करन केसी बने प्लेयर अफ द म्याच



  • विकेटनेपाल, माघ २० – आइतबार 

युएईलाई तेश्रो टि-२० मा १४ रनले पराजित गर्दै नेपालले इतिहासमै पहिलो पटक टि-२० अन्तर्राष्ट्रिय सिरिज जित्न सफल भएको छ।

वर्षको कारण १० ओभरमा छोट्याईएको खेलमा नेपालले पहिले ब्याटिंग गर्दै १०४/८ को योगफल तयार गरेको थियो। १०५ रनको लक्ष्य पछ्याउने क्रममा युएईले १० ओभरमा ८ विकेट गुमाएर ९० रन मात्रै बनाउन सक्यो र नेपाललाई जित र सिरिज सुम्पन पुग्यो।

करन केसी प्लेयर अफ द म्याच 

फेब्रुअरी करन केसीलाई फाप्ने महिना पुनः सावित भएको छ। गत वर्ष क्यानडा बिरुद्ध फेब्रुअरीमा सनसनीपूर्ण जित हात पार्दा ब्याटिंग नेपाललाई जित दिलाएका करनले युएई बिरुद्ध जितमा महत्वपूर्ण भूमिका खेले।

Karan KC

पहिले ब्याटिंग गर्ने क्रममा करनले ५ बलमा १ छक्का मदतले १० रन बनाए। त्यसपछि बलिङ्ग गर्ने क्रममा पनि करनले २ ओभरमा मात्र १३ रन खर्चेर २ विकेट हात पारे।

करनले गरेको किफायती बलिङ्गले नेपालको जितमा महत्वपूर्ण भूमिका खेलेको थियो भने विस्फोटक ब्याटिंग गरिरहेका शैमन अनवरको विकेट लिनु खेलको टर्निंग प्वाइन्ट थियो। अनवरले २० बलमा २/२ चौका र छक्का प्रहार गर्दै ३० रन बनाईसकेका थिए र खेल जिताउन सक्ने सम्भावना देखाएका थिए। यस्तै करनले अर्का विस्फोटक ब्याट्सम्यान तथा कप्तान मोहम्मद नबिदलाई खाता नखोल्दै क्याच आउट गराएका थिए।

Karan KC ( File Photo – Thenational.ae )

दोश्रो इनिंगको आठौँ ओभरमा उनले दुवै विकेट लिंदा खेलनै परिवर्तन भएको थियो। करनले ४ रन मात्र खर्चेर २ विकेट लिएका थिए।

करनको ओभर अघि युएई ६ ओभरमा ७२/३ को बलियो अवस्थामा थियो तर करनको ओभर पछि युएई ७ ओभरमा ७६/५ को कम्जोर अवस्थामा पुग्यो जहाँबाट युएई खेलमा फर्कन पाएन।

खेलमा नेपालको ब्याटिंगमा पारस खड्काले सर्वाधिक २९ रन ( १४ बलमा ४ चौका र १ छक्का ) , सन्दिप जोराले २८ रन ( ११ बलमा ३ छक्का ),  भण्डारीले २१ रन ( १३ बलमा २ चौका र १ छक्का ) बनाएका थिए।

नेपालको बलिङ्गमा करन केसी, अविनाश बोहरा र ललित राजबंशीले समान २/२ विकेट लिए। करनले २ ओभरमा १३ रन, अविनाश र ललितले २ ओभरमा समान १६ रन खर्चिए। सन्दिप लामिछानेले २ ओभरमा २३ रन खर्चेर १ विकेट तथा सोमपाल कामिले २ ओभरमा २१ रन खर्चेर १ विकेट हात पारे।

अविनाश बोहरा प्लेयर अफ द सिरिज 

प्रतियोगितामा डेब्यु गरेका तिब्र गति बलर अविनाश बोहरा प्रतियोगिताकै उत्कृस्ट खेलाडी चुनिएका छन्। उनले दोश्रो टि-२० मा ३ विकेट तथा तेश्रो टि-२० मा २ विकेट लिए भने पहिलो टि-२० मा १ विकेटलिंदै ३ खेलमा ६ विकेट लिए। किफायती बलिङ्ग समेत गरेका बोहरा टि-२० अन्तर्राष्ट्रियमा प्लेयर अफ द सिरिज हुने पहिलो नेपाली खेलाडी बनेका छन्।

Avinash Bohara
Avinash Bohara

टि-२० सिरिज अन्तर्गत नेपाल पहिलो टि-२० मा २१ रनले पराजित भएको थियो। दोश्रो टि-२० भने नेपालले ४ विकेटले जित्दै सिरिज बराबरी गरेको थियो। एकदिवसीय सिरिजमा पनि नेपालले पहिलो एकदिवसीय ३ विकेटले हारीसके पछि दोश्रो एकदिवसीय १४५ रनले तथा तेश्रो एकदिवसीय ४ विकेटले जितेको थियो।

नेपालले एकदिवसीय र टि-२० अन्तर्राष्ट्रिय सिरिज जितेको यो नै पहिलो पटक हो।



थप समाचार

प्रतिस्पर्धात्मक तेश्रो वानडेमा भारतद्वारा अस्ट्रेलिया पराजित

भारतको अस्ट्रेलिया भ्रमण अन्तर्गत तेश्रो एकदिवसीयमा भारतले १३ रनको जित दर्ता गरेको छ। यस अघि २ खेलमा पराजित हुँदै सिरिज […]

मलानले रचे इतिहास, टि-२० वरियतामा इतिहासकै उच्च अंक हाँसिल

दक्षिण अफ्रीका बिरुद्ध ३-० ले सिरिज जित दर्ता गर्ने क्रममा कुल १७३ रन बनाएका इंग्ल्यान्ड ब्याट्सम्यान दविड मलानले अन्तर्राष्ट्रिय क्रिकेट […]

पान्ड्या र जडेजाले कीर्तिमानी साझेदारी गर्दा भारतद्वारा अस्ट्रेलियालाई ३०३ रनको लक्ष्य

भारतको अस्ट्रेलिया भ्रमण अन्तर्गत एकदिवसीय सिरिजको तेश्रो तथा अन्तिम एकदिवसीय मेनुका ओभल, क्यानबेर्रामा जारि रहेको छ। सिरिज यस अघिनै अस्ट्रेलियाले […]

क्यानद्वारा पूर्वकप्तान कर्माचार्य छनोट समितिको संयोजक नियुक्त

नेपाल क्रिकेट संघ ( क्यान ) को कार्यसम्पादन समितिको बैठकले राष्ट्रिय क्रिकेट टिमका पहिलो कप्तान उत्तम कर्माचार्यलाई संयोजक चयन गर्दै […]

कोहलीले तोडे तेन्दुलकरको कीर्तिमान

अष्ट्रेलिया र भारतबीच ३ खेलको एकदिवसीय अन्तराष्ट्रिय शृंखला अन्तर्गत क्यानवेरा स्थित मानुका ओवल क्रिकेट स्टेडियममा तेस्रो तथा अन्तिम खेल जारि […]

एलपीएल : परेराको अर्को आक्रामक इनिंग, जाफ्नाको विजय यात्रा कायमै

लंका प्रिमियर लिग अन्तर्गत मंगलबार सम्पन्न २ वटा खेलमा दाम्बुला भाइकिंग र जाफ्ना स्टालियन्स विजयी भएका छन्। महिन्दा राजापाक्षे स्टेडियममा […]