कर्णाली प्रिमियर लिग विजेताले ५ लाख पाउने



  • विकेटनेपाल, वैशाख ४ – बुधबार

सुर्खेतको बिरेन्द्रनगरमा यहि बैशाख १२ गतेदेखि सुरु हुन लागेको दोश्रो संस्करणको कर्णाली प्रिमियर लिग प्रतियोगिताको पुरस्कार घोषणा भएको छ। प्रतियोगिताको बिजेताले नगद ५ लाख रुपैयाँ तथा उप-बिजेताले नगद २ लाख रुपैयाँ प्राप्त गर्नेछन्।

आयोजक कर्णाली क्रिकेट एकेडेमीले बुधबार पत्रकार सम्मेलन गर्दै पुरस्कार रकमको घोषणा गरेको हो।

प्रतियोगितामा विभागीय टिम सहित ८ टिमको सहभागिता रहने छ। यस्तै सबै टिमहरुले कप्तान समेत घोषणा गरिसकेका छन्।

विभागीय टिम त्रिभुवन आर्मी क्लबको कप्तानमा विनोद भण्डारी, नेपाल पुलिस क्लबको कप्तानमा मन्जित श्रेष्ठ र शसस्त्र प्रहरी बलको एपिएफको कप्तानमा बसन्त रेग्मी रहनेछन्।

यस्तै हिमालयन क्रिकेट एकेडमी काठमाडौँको कप्तानमा सुरेन्द्र चन्द, मध्यपश्चिम क्रिकेट क्लब बाँकेको कप्तान अजय साहनी, कर्णाली – ११ को कप्तानमा रविन्द्रजंग शाही, महेन्द्रनगर क्रिकेट एकेडमी कञ्चनपुरको कप्तानमा शुसिल खड्का र लालिगुराँस क्रिकेट एकेडमी झापाको कप्तानमा मेहबुव आलाम छन्।

कार्यक्रममा प्रतियोगिताका संयोजक रेशम शाहीले आयोजक कर्णाली ११ ले दुईजना बिदेशी खेलाडीहरु ल्याउने तयारि गरिरहेको बताए।

प्रतियोगिता अवलोकन गर्न आउने दर्शकको लागि टिकट मूल्य ३० रुपैयाँ देखि पाँचसय रुपैयाँसम्म तोकिएको छ। दर्शकको मनोरंजनको लागि प्रत्येक दिन एकजना दर्शकलाई गोलाप्रथाबाट टिभी सहित अन्य विभिन्न आकर्षक उपहार प्रदान गरिनेछ। साथमा फाइनल खेलमा एकजना दर्शकलाई मोटरसाइकल समेत प्रदान गरिने आयोजकले बताएको छ।

१० दिनसम्म चल्ने प्रतियोगितामा प्लेयर अफ द म्याच घोषित हुने खेलाडीले ३५०० रुपैयाँ तथा प्रतियोगितामा उत्कृस्ट घोषित हुने बलर र ब्याट्सम्यानले समान २०,००० र प्लेयर अफ द सिरिजले ५०,००० प्राप्त गर्नेछनन्।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]