Kathamandu Kings XI vs Lalitpur Patriots
Live Score +
Home - घरेलु क्रिकेट - कर्णाली प्रिमियर लिग टि-२० - कर्णाली प्रिमियर लिग: टिकापुर र धनगढीको विजयी सुरुवात

कर्णाली प्रिमियर लिग टि-२०

कर्णाली प्रिमियर लिग: टिकापुर र धनगढीको विजयी सुरुवात

Wicketnepal Staff
Editor
  • 1.6K
  •  
  •  
  •  
  •  
  •  
    1.6K
    Shares

  • विकेटनेपाल, जेठ ३ – बिहीबार

आजदेखि सुर्खेतमा सुरु भएको कर्णाली प्रिमियर लिग टि-२० क्रिकेट प्रतियोगिता अन्तर्गत पहिलो दिनको खेलमा टिकापुर क्रिकेट क्लब र धनगढी क्रिकेट एकेडेमीले जित दर्ता गरेका छन् ।

पहिलो खेल: अजय बिस्टको अलराउण्ड प्रदर्शनमा टिकापुरको फराकिलो जित

प्रतियोगिताको उद्घाटन खेलमा टिकापुर क्रिकेट क्लबले भेरीगङ्गा क्रिकेट क्लबलाई १०९ रनको फराकिलो अन्तरले पराजित गरेको छ ।

स्कोरकार्ड

टस हारेर पहिले ब्याटिंग गरेको टिकापुरले निर्धारित १५ ओभरमा ९ विकेट गुमाएर १४४ रनको योगफल तयार पारेको थियो । उसका ओपनर अजय बिस्टले ३४ रनको पारि खेल्ने क्रममा १२ बलमा १ चौका र ४ छक्का प्रहार गरे । यस्तै अयुब चन्दले १९ रन र रवि शाहले १७ रन बनाए । बलिंगतर्फ भेरीगङ्गाका तिलक थापा, महेन्द्र बिके र विजय बिकेले २/२ विकेट लिए ।

म्यान अफ द म्याच अजय बिस्ट

जवाफमा १४५ रनको लक्ष्य पछ्याएको भेरीगङ्गाले ११.४ ओभरमा मात्र ३५ रन बनाउँदा सबै विकेट गुमायो । उसका लोकेन्द्र बिकेले १३ रन बनाउनु बाहेक अन्यले दोहोरो अंक छुन सकेनन्, ४ खेलाडी गोल्डेन डकको सिकार भए । भेरीगङ्गालाई सस्तैमा समेट्न टिकापुरका रवि शाह र अनिल बिकेले १०/१० खर्चेर समान ३ विकेट लिए भने ललित प्याक्वलले ४ र म्यान अफ द म्याच घोषित अजय बिस्टले १० रन खर्चेर समान २/२ विकेट लिए ।

दोश्रो खेल: सुबेन्दु पाण्डेको अर्धशतकका बाबजुत धनगढीको जित

आजै भएको दोश्रो खेलमा धनगढी क्रिकेट एकेडेमीले मध्य पश्चिमान्चल क्रिकेट क्लबलाई ४६ रनले पराजित गरेको छ ।

स्कोरकार्ड

टस हारेर पहिले ब्याटिंग गरेको धनगढी क्रिकेट एकेडेमीले निर्धारित १५ ओभरममा ७ विकेट गुमाएर १५६ रन बनाएको थियो । उसका बिपिन रावलले ३९ रन बनाउन २६ बलमा ४ चौका र १ छक्का प्रहार गरे । त्यस्तै तल्लोक्रममा म्यान अफ द म्याच घोषित बसन्त सिंह कार्कीले अविजित ३२ रन बनाउन १२ बलमा १ चौका र ३ छक्का हानेका थिए । बलिंगतर्फ मध्य पश्चिमान्चलका भारत थापाले ३ विकेट लिन ३७ रन खर्चिए भने सिद्धान्त शाही, आकाश बिस्ट र भिम धमलाले १/१ विकेट लिए ।

म्यान अफ द म्याच बसन्त सिंह कार्की

जवाफमा उत्रेको मध्य पश्चिमान्चल क्रिकेट क्लबले सुबेन्दु पाण्डेको अर्धशतकका बाबजुत निर्धारित १५ ओभरमा ७ विकेट गुमाएर ११० रनमात्र बनायो । सुबेन्दु पाण्डेले ५२ रन बनाउन ४० बलमा ६ चौका र १ छक्का हानेका थिए । यस्तै राजबिर सिंहले १५, प्रनित थापाले १३ र सिद्धान्त राज शाहीले १२ रन बनाउँदा ३ खेलाडी पहिलो बलमा नै आउट भए । बलिंगतर्फ धनगढीका बिक्रम ठगुन्नाले ३ विकेट लिन ३ ओभरमा मात्र १९ रन खर्चिए ।

भोलिहुने खेलहरु:
पहिलो खेल: रुपन्देही ११ Vs भेरीगङ्गा स्पोर्ट्स क्लब, बिहान ७ बजे
दोश्रो खेल: रोयल राइजिंग क्रिकेट क्लब Vs धनगढी क्रिकेट एकेडेमी, बिहान १०:३० बजे
तेस्रो खेल: महाकाली क्रिकेट क्लब Vs टिकापुर क्रिकेट क्लब, दिउसो २ बजे


  • 1.6K
  •  
  •  
  •  
  •  
  •  
    1.6K
    Shares