उपाधीको लागी काठमाण्डौ र धनगढीबीच प्रतिस्पर्धा



  • विकेटनेपाल, ३० चैत्र – शुक्रबार

धनगढी प्रिमियर लिग (डिपिएल) को फाइनल खेलमा  काठमाण्डौ गोल्डेन्स र टिम चौराहा धनगढी प्रतिस्पर्धा गर्दैछन् । यसअघि पहिलो क्वालिफायरमा भिड्नेक्रममा धनगढीले रोमान्चक जित हात पार्दै फाइनलमा स्थान बनाएको थियो भने पराजित काठमाण्डौले दोश्रो क्वालिफायरमा महेन्द्रनगर युनाईटेडलाई पराजित गरेको थियो ।

खेल १२:३० बजेबाट अंचल प्रहरी कार्यालयको मैदान, धनगढीमा सुरु हुने तालिका रहेको छ ।

Gyanendra Malla
पहिलो क्वालिफायरमा ब्याटिंग गर्दै ज्ञानेन्द्र मल्ल

काठमाडौँ गोल्डेन्सले लिग चरणमा खेलेको ४ वटा खेलमा जित हात पारेको थियो भने १ खेल वर्षाको कारण नतिजाबिहिन भएको थियो । तर पहिलो क्वालिफायरमा धनगढीसँग पराजित भएपछी ईलिमिनेटरको बिजेता महेन्द्रनगरलाई पराजित गर्नु परेको थियो । यस्तै चौराहाले समूह चरणमा ३ खेल जित्दै २ खेलमा पराजित भएपनि प्ले-अफ मा स्थान बनाएको थियो ।

काठमाण्डौ गोल्डेन्सको हालसम्मको नतिजा

पहिलो खेल – टिम चौराहालाई ७ विकेटले पराजित
दोश्रो खेल – रुपन्देही च्यालेन्जर्सलाई ६३ रनले पराजित
तेश्रो खेल – सीवाईसी अत्तरियालाई ११ रनले पराजित
चौथो खेल – बिराटनगर किंग्सलाई ५ विकेटले पराजित
पाँचौ खेल – वर्षाले खेल रद्द ( महेन्द्रनगर युनाइटेड )
छैठौं खेल (पहिलो क्वालिफायर ) –  टिम चौराहासंग १ विकेटको हार
सातौँ खेल (दोश्रो क्वालिफायर) – महेन्द्रनगर युनाईटेडलाई ५ विकेटले पराजित

टिम चौराहा धनगढीको हालसम्मको नतिजा

पहिलो खेल – काठमाण्डौ गोल्डेन्ससँग ७ विकेटले पराजित
दोश्रो खेल – सिवाईसी अत्तरियासँग ३ विकेटले बिजयी
तेस्रो खेल – महेन्द्रनगर युनाईटेडसँग ८ विकेटले बिजयी
चौथो खेल – बिराटनगर किंग्ससँग १८ रनले पराजित
पाचौं खेल – रुपन्देही च्यालेंजर्ससँग ३ रनले बिजयी
छैठौं खेल (पहिलो क्वालिफायर) – काठमाण्डौ गोल्डेन्ससँग १ विकेटले बिजयी

उत्कृस्ट प्रदर्शन गरेका खेलाडीहरु

काठमाण्डौ गोल्डेन्स: काठमाण्डौलाई प्रतियोगिताको फाइनलसम्म पुर्याउन सबै खेलाडीहरुको कुनै न कुनै समयमा महत्त्वपूर्ण प्रदर्शन रहेको छ । उसका लागि कप्तान ज्ञानेन्द्र मल्ल  ले प्रतियोगितामा सर्बाधिक रन बनाउनेक्रममा २ अर्धशतक सहित २१८ रन बनाएका छन् । उनलाई अमित   श्रेष्ठले १८४ रन बनाएर साथ दिईरहेका छन् । त्यस्तै हिजो भएको दोश्रो क्वालिफायर खेलमा सर्बाधिक छिटो अर्धशतक बनाउनेक्रममा सुबोध भाटीले मात्र १७ बलमा ५० रन बनाएका थिए ।

बलिंगतर्फ पनि हिजो नै भएको खेलमा मात्र १० रन खर्चेर ६ विकेट लिएका सन्नी पटेल प्रतियोगिताको सर्बाधिक विकेट लिने खेलाडीको सुचिमा १२ विकेट सहित पहिलो नम्बरमा रहेका छन् । उनलाई रशिद खानले ११ विकेट सहित साथ दिईरहेका छन् ।

टिम चौराहा धनगढी: धनगढीले प्रतियोगिताको पहिलो क्वालिफायरमा अहिलेसम्म १ खेलमा मात्र पराजित काठमाण्डौलाई पराजित गरेको थियो । धनगढीलाई फाइनलमा पुर्याउन युएईका कप्तान समेत रहेका रोहन मुस्ताफाले ५ खेलमा १३८ रन बनाएका छन् भने ७ विकेट समेत हात पारेका छन् । चौराहाका लागि ब्याटिंगतर्फ ओपनर सुनिल धमलाले १५१ रन बनाउंदै राम्रो सुरुवात दिएका छन् । धनगढीका लागि १०० रन कटाउने खेलाडीमा धमला र मुस्ताफा मात्र हुन् ।

बलिंगतर्फ देब्रेहाते तिब्र गतिका बलर ललितसिंह भण्डारीले आफ्नो प्रदर्शनले सबैलाई चकित पारेका छन् । उनले ६ खेलमा ११ विकेट लिएका छन् जसलाई मुस्ताफाले साथ दिएका छन् ।

काठमाण्डौको जितमा खेलाडीहरुको एक्लो प्रदर्शन देख्न सकिन्छ भने धनगढीको टिममा सबैको एकजुट प्रदर्शन देख्न सकिन्छ ।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]