काठमाडौँ र बाँके बिजयी : बहिरा रास्ट्रिय क्रिकेट



आठौ बहिरा रास्ट्रिय क्रिकेट प्रतियोगिता आज देखि काठमाडौँमा सुरुभएको छ l पहिलो दिन सम्पन्न भएका २ वटा खेलमा काठमाडौँ र बाँकेले बिजयी सुरुवात गरेका छन् l

रास्ट्रिय बाहिर क्रिकेट संघको आयोजनामा पुल्चोक इन्जिनियरिङ मैदानमा सम्पन्न पहिलो खेलमा काठमाडौँले सुनसरीलाई २० रनले पराजित गर्यो l टस जितेर ब्याटिंग गरेको काठमाडौँले निर्धारित १८ ओभरमा तयार पारेको ९२ रनको प्रतिउत्तरमा सुनसरीले १५ ओभरमा सम्पूर्ण विकेट गुमाई ७२ रन मात्र बनाउन सक्यो l

पहिलो इनिंगमा काठमाडौँको लागि प्रणय भट्टराईले सर्बाधिक २० रन बनाए भने सुनसरी बलर निरज श्रेष्ठले ४ विकेट हात पारे l सुनसरीलाई सस्तोमा समेट्न काठमाडौँ बलर बिमल गुरुङले ३ विकेट हात पारे l

आजै सम्पन्न दोश्रो रोमान्चक खेलमा झापालाई बाँकेले १ विकेटको अन्तरले पराजित गर्यो l टस जितेर ब्याटिंग गर्दै झापाले निर्धारित १८ ओभरमा बनाएको १११/९ को प्रतिउत्तरमा ब्याटिंग गरेको बाँकेले १७ ओभरमा ९ विकेट गुमाई लक्ष प्राप्त गर्यो l बाँकेका अन्जन राजबंशीले १९ तथा दिनेश पनेरुले १६ रन बनाए l बलिंग तर्फ पनि अन्जन राजबंशीले ४ विकेट हात पारेका थिए l

प्रतियोगिताको भोलि हुने २ खेल मध्ये पहिलो खेलमा सुनसरी र कास्की र दोश्रो खेलमा मोरंग र बाँके बीच प्रतिस्पर्धा हुनेछ l

६ टिम सहभागी प्रतियोगिताको समुह ‘ए’ मा मोरंग, बाँके र झापा छन् भने समुह ‘बि’ मा कास्की, काठमाडौँ र सुनसरी रहेका छन् l प्रतियोगिता माघ २२ गते सम्म चल्नेछ l

 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]