पटेल र भाटीले किर्तिमान बनाएपछि महेन्द्रनगरलाई पराजित गर्दै काठमाण्डौ फाईनलमा



  • विकेटनेपाल, चैत्र २९ – बिहिबार

दोश्रो क्वालीफायर खेलमा महेन्द्रनगर युनाईटेडलाई ५ विकेटले पराजित गर्दै काठमाडौँ गोल्ड़ेंस धनगढी प्रिमिएर लिगको फाइनलमा प्रवेश गरेको छ । टिम चौराहा धनगढीले  यस अघि नै फाइनलमा स्थान बनाईसकेको छ ।

स्कोरकार्ड 

वर्षाले प्रभावित हिजोको खेललाई रिजर्व डे को लागि सरिएको थियो । टस जिती काठमाडौँ गोल्ड़ेंसले फिल्डिंग गर्ने निर्णय गर्यो । काठमाडौँको सुरुवात निकै नै राम्रो रह्यो । सन्नी पटेलले महेन्द्रनगरको प्रारम्भिक र मध्यक्रमको ब्याटिंगलाई धरासायी बनाउने क्रममा १० रन खर्ची ६ विकेट लिए । महेन्द्रनगरको स्कोर एक समय १०/६ थियो । आरिफ शेख र पुनीत मेहराले ७ औ विकेटको लागि ८५ रनको साझेदारी गरे । आरिफ ४३ रनको व्यक्तिगत स्कोरमा आउट भएपछि कारण केसी र पुनितले अन्त्यमा विस्फोटक ब्याटिंग गर्दै २० ओभरमा १४२ रनको योगफल तयार गरे । पुनित मेहराले ४ चौका र चार छक्काको मद्दतले ४२ बलमा सर्वाधिक ५८ रन बनाए ।

१४३ रनको लक्ष्य लिएर मैदानमा उत्रिएको काठमाडौँ गोल्ड़ेंसका लागि सुबोथ भाटी र अमित श्रेष्ठ प्रारम्भिक ब्याट्सम्यानको रुपमा देखिए । भाटी पहिलो बलदेखि  नै आक्रामक शैलीमा देखिएका थिए । श्रेष्ठ र भाटीबिच पहिलो विकेटको लागि ७६ रनको साझेदारी भयो । प्रतियोगिताकै सबै भन्दा छिटो ५० (१७ बलमा) हान्दै भाटी ५२ रन बनाई भुवन कार्कीको बलमा भण्डारीद्वारा स्टम्पिंग भएका थिए । काठमाडौँले  सजिलै १८.२ ओभरमा ५ विकेट गुमाई लक्ष्य   प्राप्त गर्यो । गोल्ड़ेंसका लागि ओपनर अमित श्रेष्ठले २६ रन बनाए भने कप्तान ज्ञानेन्द्र मल्लले ३१ बलमा २५ रन बनाए । युनाईटेडका लागि पुनीत मेहराले १५ रन खर्ची २ विकेट लिएका थिए ।

४ ओभर गर्दै १० रन मात्र खर्चेर ६ विकेट लिएका सन्नी पटेल म्यान अफ द म्याच घोषित भए । शुक्रबार टिम चौराहा धनगढी र काठमाडौँ गोल्ड़ेंसबीच फाइनल खेल हुनेछ ।

पटेल र भाटीको किर्तिमान

धनगढी प्रिमियर लिगको दोश्रो संस्करणसम्म आइपुग्दा सन्नी पटेलले पहिलो इनिंगमा १० रन खर्चिने क्रममा लिएको ६ विकेट प्रतियोगिताको इतिहासमा अहिलेसम्मकै उत्कृस्ट रहेको छ । दोश्रो नम्बरमा पहिलो संस्करणमा कन्चनपुर आइकोनिकका   तर्फबाट खेल्दै बिराटनगर किंग्स  का बिरुद्द सागर पुनले ५ विकेट लिने क्रममा २५ रन खर्चेका थिए । यस्तै   तेस्रो स्थानमा   डिपिएल १ मा ललित राजबंशी  ले ४ विकेट लिन ५   रन र चौथो स्थानमा डिपिएल २ मा रशिद खानले समान ४ विकेट लिन ६ रन खर्चेको रहेका   छन् ।

यस्तै भारतीय खेलाडी जयकिशन कोल्सावाला पितृशोकको कारणले पहिलो खेल मात्र खेल्दै घर फर्किएपछी उनको स्थानमा आएका सुबोध भाटीले डिपिएल इतिहासकै सबैभन्दा छिटो अर्धशतक प्रहार गरेका छन् । उनले मात्र १७ बलमा ४ चौका  ५ छक्का सहित अर्धशतक प्रहार गरेका हुन् । उनले यसभन्दा अगाडी डिपिएल १ को फाइनलमा आरिफ शेखले टिम चौराहा धनगढीलाई   उपाधी जिताउने क्रममा   मात्र २८ बलमा अर्धशतक प्रहार गरेको अर्धशतकको किर्तिमान तोडेका हुन् ।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]