ज्ञानेन्द्र र अमित मात्र चल्दा काठमाडौँ गोल्ड़ेंसको औसत स्कोर

Gyanendra Malla


धनगढी प्रिमिएर लिग २ अन्तर्गत पहिलो क्वालीफायरमा काठमाडौँ गोल्ड़ेंसले ९ विकेट गुमाउदै १२७ रन बनाएको छ। जितका लागि टिम चौराहा धनगढीले निर्धारित २० ओभर्समा १२८ रन बनाउनु पर्ने छ ।

टस जिती टिम चौराहाका कप्तान सोमपाल कामीले काठमाडौँ गोल्ड़ेंसलाई ब्याटिंग गर्न निमन्त्रण गरेका थिए। काठमाडौँको सुरुवात राम्रो हुन सकेन । प्रारम्भिक ब्याट्सम्यान सुबोथ भाटी खाता नखोली ललित भण्डारीको सिकार हुदै प्याभीलियन फर्किए । २७ रनको स्कोरमा काठमाडौँले भुपेन्द्र थापाको रुपमा आफ्नो दोश्रो विकेट गुमायो। धमलाको बलमा बोल्ड हुनु अघि भूपेन्द्रले १७ बलमा १० रन बनाए ।

Bhupendra Thapa

त्यसपछि कप्तान ज्ञानेन्द्र मल्ल र अमित श्रेष्ठले पारीलाई अघि बढाए । ज्ञानेन्द्र मल्ल आज निकै नै राम्रो लयमा देखिएका थिए । हरेक ओभरको सुरुवातमै प्रहार गर्दा बलरमाथि दबाव बनाउन सकिन्छ भन्ने सिद्धान्तमा देखिएका मल्लले पहिलो या दोश्रो बलमै सफलता पुर्वक चौका, छक्का प्रहार गरेका थिए । उता अमित श्रेष्ठले साझेदारीमा  राम्रो साथ दिइरहे ।

१२.१ ओभरमा जब रोहन मुस्तफाको बलमा ज्ञानेन्द्र मल्ल लेग बिफोर विकेट हुन पुगे, तब काठमाडौँले आफ्नो लय गुमायो । नरेश बुढाऐर, सन्नी पटेल, रशिद खान र किशोर महतोले खास्सै केही गर्न सकेनन्। फर्ममा रहेका अमित श्रेष्ठ ३६ रनको व्यकतिगत स्कोरमा दुर्भाग्यवस रन आउट हुन पुगे ।  ज्ञानेन्द्र मल्लले भने आकार्शक पारी खेल्ने क्रममा ३ चौका र २ छक्काको मद्दतले २३ बलमा ३८ रन बनाएका थिए ।

टिम चौराहा धनगढीले निकै नै राम्रो बलिंग र फिल्डिंगको प्रदर्शन गर्यो । चौराहाका लागि सोमपाल कामी र ललित भण्डारीले २-२ विकेट लिए भने सुनिल धमला, संसद सेख र रोहन मुस्ताफाले १-१ विकेट हात पारे ।

 स्कोरकार्ड

काठमाडौँले यो खेल जित्न अब उत्कृस्ट बलिंग गर्नुको बिकल्प छैन । यो खेलको विजेताले धनगढी प्रिमिएर लिग २ को फाइनलमा स्थान बनाउने छ ।

Kathmandu Goldens

Team Chauraha Dhagadhi

 

 





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]