जितसहित काठमाडौं गोल्डेन्स अंकतालिकाको शिर्ष स्थानमा उक्लियो, सिवाइसी अत्तरिया पराजित



विकेटनेपाल – २२ चैत्र, बुधवार | धनगढी प्रिमियर लिग (डिपिएल) अन्तर्गत बुधवार भएको दोस्रो खेलमा काठमाडौं गोल्डेन्सले सिवाइसी अत्तरिया माथि रोमान्चक ११ रनको जित हात पारेको छ ।

अंकतालिका

धनगढीको एसएसपी मैदानमा पहिले ब्याटिंग गर्दै काठमाडौं गोल्डेन्सले दिएको १३८ रनको बिजय लक्ष्यको पिछा गर्न उत्रिएको सिवाइसी अत्तरियाले निर्धारित २० ओभरमा ८ विकेट गुमाएर १२६ रन मात्र जोड्न सक्यो । अत्तरियाको चेजमा गौरभ चित्करले ३६ तथा भिपिन चन्द्रले अविजित २६ रन बनाउन बाहेक अन्य ब्याट्सम्यानहरुले सम्झन लायक प्रदर्शन गर्न सकेनन् । मात्र २६ बल खेलेका चित्करले १ चौका र ४ छक्का सहित ३६ रन बनाएपनि जित दिलाउन विफल रहे ।

अत्तरियालाई लक्ष्य अगावै रोक्न. काठमाडौंका सुबोध भाटीले ३ विकेट चट्काए । यस्तै सन्नी पटेल र राशिद खानको नाममा समान २-२ विकेट रह्यो ।

यसअघि पहिले ब्याटिंग गरेको काठमाडौंले कप्तान ज्ञानेन्द्र मल्लको अर्धशतकको सहयोगमा निर्धारित २० ओभरमा ९ विकेट गुमाएर १३७ रन जोडेको थियो । उसको इनिंगमा ज्ञानेन्द्र मल्लले ४३ बलमा ४ चौका र ३ छक्का सहित ५७ रन जोडेका थिए । यस्तै नरेश बुढाएरले २७ तथा राशिद खानले १६ रनको व्यक्तिगत योगदान गरेका थिए ।

सिवाइसी अत्तरियाको बलिंगमा सुभान्कर उराओले ३ विकेट हातपारेका थिए । यस्तै कृष्ण कार्की र भिपिन चन्द्रले समान २-२ विकेट चट्काएका थिए ।

जितसंगै काठमाडौं गोल्डेन्स अंक तालिकाको शिर्ष स्थानमा उक्लिएको छ । ३ खेलमा ३ नै जित सहित काठमाडौंको ६ अंक छ भने दोस्रो स्थानमा रहेको टिम चौराहा धनगढीको ३ खेलबाट ४ अंक रहेको छ । यता काठमाडौंसंग हार बेहोरेको सिवाइसी अत्तरियाको भने ३ खेलबाट २ अंक रहेको छ र उ तेस्रो स्थानमा रहेको छ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]