काठमाण्डौको पहिलो जित, चितवनको प्रतिक्षा जारि



  • विकेटनेपाल, पौष ६ – बिहिबार

एभरेस्ट प्रिमियर लिग क्रिकेट अन्तर्गत आज भएको दोश्रो खेलमा काठमाण्डौ किंग्स ११ ले चितवन टाइगर्सलाई ४ बल बाँकि रहदा ३ विकेटले पराजित गर्दै प्रतियोगितामा पहिलो जित हात पारेको छ ।

|| स्कोरकार्ड || अंकतालिका ||

किर्तिपुर मैदानमा चितवन टाइगर्सले दिएको १४३ रनको लक्ष्य पछ्याउने क्रममा सागर पुन मात्र ५ रनमा आउट भएपछी दोश्रो विकेटको लागि कप्तान फर्वीज महरूफ़ र अमित श्रेष्ठले अर्धसतक साझेदारी गरेका थिए । महरूफ़ले ३९ रन बनाउन ३३ बलमा २ छक्का र ३ चौका प्रहार गरे भने अमित श्रेष्ठले ३८ रन बनाउने क्रममा २४ बलमा ७ चौका प्रहार गरे । त्यसपछि आएका सागर कुमारले २५ रन बनाए ।

त्यसपछि भने लगातार विकेट गुमाएपानी अन्तिममा अमर सिंह रौटेलाले १९ औं ओभरको अन्तिम बलमा चौका प्रहार गर्दै खेल आफ्नो पक्षमा पारेका थिए । उनले अविजित ५ रन बनाए भने बिजयी रन हानेका अक्षय फर्नान्डोले अविजित ८ रन बनाए ।

चितवनका लागि प्रविन गुप्ताले २ विकेट लिदा २ जना ब्याट्सम्यान रन आउटको सिकार भए ।

यसअघि पहिले ब्याटिंग गरेको चितवनले २० ओभरमा ७ विकेट गुमाएर १४२ रन बनाएको थियो ।

उसका लागि ओपनर दिलिप नाथले ४६ रन बनाउने क्रममा ४० बलमा १ छक्का र ५ चौका प्रहार गरेका थिए । त्यस्तै साबेज खानले २७ र योगेन्द्र सिंह कार्कीले १७ रन बनाउदा अतिरिक्त रनको रुपमा १४ रन पायो । कमल सिंह  ऐरीले अविजित १२ तथा प्रवेश कुमारले अविजित ९ रन बनाए ।

बलिंगतर्फ काठमाण्डौका कप्तान फर्वीज महरूफ़ले ३ विकेट लिन २१ रन खर्चे भने सागर पुन अमर सिंह रौटेला र बिक्रम भुसालको नाममा १/१ विकेट रह्यो ।

खेलमा अल राउन्ड प्रदर्शन गरेका फर्वीज महरूफ़ म्यान अफ द म्याच घोषित भए ।

आजको खेल सँगै काठमाण्डौ किंग्स र चितवन टाइगर्सले अंक तालिकामा आफ्नो स्थान साटेका छन । काठमाण्डौ २ अंक सहित पाचौ  स्थानमा उक्लेको छ भने चितवन छैठौ स्थानमा झरेको छ ।

आजै भएको पहिलो खेलमा भैरहवा ग्लाडीएटर्सले ललितपुर प्याट्रीयट्सलाई रोमान्चक खेलमा अन्तिम बलमा हराएको थियो ।

प्रतियोगितामा भोलि पनि दुई खेलहरु हुदैछन, पहिलो खेलमा पोखरा राइनोजले काठमाण्डौ किंग्स ११ को सामना गर्ने छ भने दोश्रो खेलमा चितवन टाइगर्सले बिराटनगर वारियर्सको सामना गर्ने छ ।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]