नेपालमै पहिलो पल्ट दुई दिवसीय प्रतियोगिता ‘काठमाडौँ क्रिकेट लिग’ आयोजना हुने



धनगढी प्रिमियर लिग, एभरेस्ट प्रिमियर लिग, पोखरा प्रिमियर लिग लगायत बिभिन्न २० ओभर फर्म्याटको लिगहरु लगातार आयोजना भइरहेको नेपालमा लामो फर्म्याटको क्रिकेट नभएको गुनासो खेल प्रेमी, खेलाडीहरु र विश्लेषकहरुले समेत वारम्बार गर्ने गर्छन्। नेपाली खेलाडीहरुको क्षमता बढाउन र अझ बिशेष गरि ब्याटिंग समस्या समाधान गर्न समेत लामो फर्म्याटको प्रतियोगिताको आवस्यकता रहँदै आएको थियो।

नेपाली खेल प्रेमीहरुको चाहना अब भने पुरा हुने भएको छ। नेपाली घरेलु क्रिकेट ईतिहासमा पहिलो पटक दुई दिवसीय प्रतियोगिता आयोजना हुने भएको छ। यसअघि ५० ओभरको फर्म्याटमा आयोजना भएको काठमाण्डौ क्रिकेट लिगलाई अब नयाँ स्वरुपमा अघि बढाइने घोषणा भएको छ।

झन्डै ४ वर्ष अघि सन् २०१५ मा काठमाण्डौको टुडिखेलमा ५० ओभरको फर्म्याटमा ग्रेट हिमालय क्रिकेट एकेडेमीले काठमाडौँ क्रिकेट लिग आयोजना गरेको थियो। अब सोहि नाममानै २ दिवसीय प्रतियोगिता आयोजनाको घोषणा भएको हो। प्रतियोगिता यो पटक हिमालय स्पोर्ट्स म्यानेजमेन्टको आयोजना र ग्रेट हिमालय क्रिकेट एकेडेमीको सह-आयोजक हुनेछ।

“टि-२० क्रिकेट धेरै भइरहेको र नेपालमा लामो फर्म्याटको आवस्यकता रहेको तथ्यलाई मध्यनजर गरेर युवा तथा राष्ट्रिय खेलाडीहरुलाई एक्सपोजर दिने उद्देश्यले प्रतियोगिता आयोजना गर्न लागेका हौँ” एकेडेमीका निर्देशक सुदिप शर्माले विकेटनेपाललाई बताउनु भएको छ।

पहिलो संस्करणको बिजेता धनागढ़ी टिम

प्रतियोगितामा ६ वटा टिमलाई सहभागी गराउने र कम्तिमा २ हफ्ता देखि बढीमा १८ दिन प्रतियोगिताको अवधि रहने समेत शर्माले जानकारी गराउनु भएको छ। टियु क्रिकेट मैदान र मुलपानी क्रिकेट मैदान गरि २ वटा मैदान आयोजना गर्न प्रयास गरिनेछ जसले प्रतियोगिताको समयावधिमा धेरै खेलहरु खेलाउन सम्भव हुने बताईएको छ।

लिग फाल्गुनको अन्तिम साता आयोजना हुने सम्भावना प्रबल रहेको छ। धनगढी प्रिमियर लिग सकिएपछि राष्ट्रिय क्रिकेट टिम खाली हुने हुनाले सो अवधि चयन गरिएको हो।

सहभागी हुने टिमहरु कस्तो रहने, पुरस्कार राशि लगायत विषयमा छिट्टै आयोजकले टुंगो लगायर पत्रकार सम्मेलन गरेर प्रतियोगिताको घोषणा गर्ने तयारी आयोजकले गरिरहेको छ।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]