केन विलियमसन प्रतियोगिताकै उत्कृस्ट खेलाडी

२०१९ विश्वकप उप-विजेता टिम न्युजिल्याण्डका कप्तान केन विलियमसन २०१९ विश्वकप प्रतियोगिताकै उत्कृस्ट खेलाडी चुनिएका छन्।

न्युजिल्याण्डलाई फाइनल पुर्याउन उत्कृस्ट भूमिका निभाएका मिलियमसनले प्रतियोगितामा उत्कृस्ट ब्याटिंग समेत गरेका थिए। प्रतियोगिताको कुल १० खेलमा विलियमसनले कुल ५७८ रन बनाउने क्रममा ८२.५७ को औशतले रन बनाउदै २ शतक र २ अर्धशतक प्रहार गरे।

यस क्रममा उनले वेस्ट इन्डिजसंग १४८ र दक्षिण अफ्रीकासंग १०६ रन बनाएका थिए। यस्तै अफगानिस्तानसंग अविजित ७९, भारतसंग सेमीफाइनलमा ६७ , पाकिस्तानसंग ४१ तथा बंगलादेशसंग ४० रन बनाएका थिए। फाइनलमा भने उनले ३० रन बनाए। सचिन तेन्दुलकरले विलियमसनलाई उत्कृस्ट खेलाडीको अवार्ड प्रदान गरे।

रोमान्चक रहेको फाइनल खेलको सुपर ओभरमा दुवै टिमले १५/१५ रन बनाए पछि खेलमा चौका/छक्का बाट धेरै रन बटुल्ने टिम विजेता घोषित भएको थियो। फाइनल खेलको प्लेयर अफ द म्याच इंग्ल्याण्डका बेन स्टोक्स घोषित भए जसले अविजित ८४ रन बनाएका थिए।

खेलमा पहिले ब्याटिंग गर्दै न्युजिल्याण्डले ८ विकेट गुमाएर २४१ रन बनाएको थियो। लक्ष्य पछ्याउने क्रममा इंग्ल्याण्डले ५० ओभरमा सबै विकेट गुमाएर २४१ रन बनाए पछि खेल सुपर ओभरमा पुगेको थियो। इंग्ल्याण्डले इतिहासमै पहिलो पटक एकदिवसीय विश्वकप उपाधि जितेको हो।