इपिएल टि-२० : स्टार आइरिस क्रिकेटर ओ ब्रायन पुनः काठमाडौँमा



इपिएलको अघिल्लो सिजन झैँ यो सिजन पनि टेस्ट राष्ट्र आयरल्याण्डका स्टार अल-राउण्डर केभिन ओ ब्रायन काठमाडौँ किंग्स-११ बाट खेल्ने भएका छन्।

गत सिजन काठमाडौँको लागि ओ ब्रायनले राम्रो अलराउण्ड प्रदर्शन गर्ने क्रममा ७ खेलमा ९ विकेट लिंदै १ सय ८४ रन समेत बनाएका थिए।  यस क्रममा ब्रायन धेरै विकेट लिने सुचीमा चौथो तथा  धेरै रन बनाउने सुचीमा छैठौं स्थानमा रहेका थिए।

सन् २००६ देखि आयरल्याण्डको लागि खेलीरहेका ओ ब्रायन सन् २०११ को विश्वकपमा इंग्ल्याण्ड बिरुद्ध शतक बनाउदै आयरल्याण्डले जित हात पारेपछि विश्वचर्चित भएका थिए।  त्यसक्रममा उनले ५० बलमा शतक ( ११३ रन ) बनाउदै विश्वकपमा छिटो शतक बनाउने ब्याट्सम्यान बनेका थिए। साथै ब्रायन आयरल्याण्डको लागि टेस्ट क्रिकेटमा शतक बनाउने समेत पहिलो खेलाडी हुन्।

गत सिजन काठमाडौँको लागि ओ ब्रायनले राम्रो अलराउण्ड प्रदर्शन गर्ने क्रममा ७ खेलमा ९ विकेट लिंदै १ सय ८४ रन समेत बनाएका थिए। 

दायाँ हाते ब्याट्सम्यान तथा तिब्र गति बलर ब्रायनले आयरल्याण्डको लागि ३ टेस्ट, १ सय ४५ एकदिवसीय र ९३ टि-२० अन्तर्राष्ट्रिय खेलीसकेका छन्। यस क्रममा टेस्टमा ५१.६को औशतले २ सय ५८ रन, एकदिवसीयमा ३०.५६ को औशतले ४ हजार ५ सय ४६ रन तथा टि२० मा २०.९४ को औशतले १ हजार ५ सय ९२ रन बनाएका छन्। यस्तै एकदिवसीयमा १ सय १३ तथा टि-२० मा ५८ विकेट लिएका छन्। टेस्टमा एउटा, एकदिवसीयमा २ वटा तथा टि-२० मा उनले १ शतक प्रहार गरेका छन्।

इपिएलको गत सिजन अंकतालिकामा दोश्रो स्थानमा रहँदै प्लेअफ पुगेको काठमाडौँले क्वालीफायरमा ललितपुरसंग तथा दोश्रो क्वालीफायरमा भैरहवासंग पराजित हुन पुगेको थियो।

यस्तो छ काठमाडौँ टिम :- 

यो पटक काठमाडौँले सिद्धान्त लोहनी, बिक्रम भुसाल र पुरन बिकलाई रिलिज गर्दै राष्ट्रिय क्रिकेटर अमृत भट्टराई , यु-१९ राष्ट्रिय क्रिकेटर शेर मल्ल तथा दिपेन्द्र रावतलाई टिममा भित्र्याएको छ।

यस्तै यो पटक काठमाडौँले आफ्नो मार्की खेलाडी समेत रहेका सोमपाल कामि चितवन टाइगर्सलाई ‘ट्रेड’ गर्दै चितवन टाइगर्सका मार्की खेलाडी दिपेन्द्र सिंह ऐरीलाई टिममा भित्र्याएको छ। यस्तै खेलाडीहरु रिप्लेसमेन्टको नियम अनुसार यो पटक काठमाडौँ किंग्स-११ ले हाल क्यानडामा रहेका आफ्नो ब्याट्सम्यान नरेश बुढायरको सट्टा सुबास खकुरेललाई टिममा लिएको छ। यस्तै हाल जापानमा रहेका देब्रे हाते स्पिनर सुशील कंडेलको सट्टा अन्डर-१९ राष्ट्रिय क्रिकेटर तिब्र गति बलर आकाश चन्दलाई टिममा भित्र्याएको छ।

काठमाडौँ किंग्स-११ टिम : सन्दिप लामिछाने, दिपेन्द्र ऐरी, जितेन्द्र मुखिया, अमित श्रेष्ठ, राजु रिजाल, संसाद शेख, अमर सिंह रौटेला, सुबास खकुरेल, आकाश चन्द, अमृत भट्टराई, शेर मल्ल, दिपेन्द्र रावत, विदेशी खेलाडी –  केभिन ओ ब्रायन ( अन्य विदेशी खेलाडी घोषणा हुन बाँकी )





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]