केभिन पिटरसनको आक्रामक ब्याटिंगमा स्टार्सको पहिलो जित : बिगब्यास



  • विकेटनेपाल, पौष २८ – शुक्रबार

केभिन पिटरसनले आक्रामक ब्याटिंग गर्दै पहिलो अर्धशतक बनाउदा मेलबर्न स्टार्सले बिग ब्यास लिगमा पहिलो जित दर्ता गरेको छ ।

प्रतियोगिता अन्तर्गत यसभन्दा अगाडी भएका सम्पूर्ण ५ खेलमा पराजित रहदै सेमिफाइनलमा पुग्ने लक्ष्य गुमाईसकेको मेलबर्न स्टार्सले एरोन फिंचको कप्तानीमा रहेको मेलबर्न रेनेगेड्सलाई २३ रनले पराजित गरेको हो ।

टस हारेर पहिले ब्याटिंग गरेको स्टार्सले खराब सुरुवात गर्दै पहिलो ओभरमानै बेन डंकलाई खाता नखोल्दै गुमाएको थियो । त्यसपछि पिटर्सन र पिटर ह्यान्ड्स्कमले मिलेर दोश्रो विकेटको लागि ११० रनको साझेदारी गरेका थिए। ह्यान्ड्स्कमले ४१ रन बनाउन ३७ बलको सामना गर्दा ४ चौका प्रहार गरे ।

अर्धशतक प्रहार गरेपछि पिटरसन ( फोटो : cricbuzz )

ह्यान्ड्स्कमलाई १३ औं ओभरको पहिलो बलमा प्रतियोगिताको अन्तिम खेल खेलेका मोहम्मद नाबीले आउट गरे, त्यस लगत्तै १४.३ ओभरमा पिटर्सन पनि ७४ रन बनाउदै आउट भए। खेलमा म्यान अफ द म्याच समेत घोषित उनले मात्र ४६ बलमा ४ चौका र ५ छक्का प्रहार गरेका थिए।

त्यसपछी आएका ग्लेन म्याक्सवेलले ३१ रन बनाउन मात्र १६ बलमा २ चौका र २ छक्का प्रहार गर्दै टिमको योगफल ४ विकेटको नोक्सानीमा १६७ रन पुर्याएका थिए ।

बलिंगतर्फ अफगानिस्तान खेलाडी मोहम्मद नाबीले २ विकेट लिदै १५ रन खर्चिए।

जबाफमा लक्ष्य पछ्याउन उत्रिएको रेनेगेड्सलाई सस्तैमा रोक्न स्टार्सका जक्सन कोलेमनले २७ रन खर्चिएर ३ विकेट लिए । कप्तान जोन ह्यांगस्टिंगले पनि २ विकेट लिन २८ रन खर्चिएपछि रेनेगेड्सले ९ विकेट गुमाउदै १४४ रन बनाएको हो । उसका लागि नाबी तथा ज्याक विल्डरमुथले सर्बाधिक २३ रन बनाएका थिए ।

बिग-ब्यास अंक-तालिका

बिग ब्यास सम्बन्धित :- 





थप समाचार

कोभिड-१९ बिरुद्ध लड्न सन्दिपले सुरु गरे आर्थिक अभियान

स्टार नेपाली लेग स्पिनर सन्दिप लामिछानेले कोभीड-१९ महामारी बिरुद्ध सहयोग अभियान सुरु गरेका छन्। सामाजिक संजाल मार्फत अभियानको घोषणा गर्दै […]

वेस्टइन्डिज भ्रमणको लागि अस्ट्रेलियन टिम घोषित, लाबुशेन बाहिर

वेस्टइन्डिज भ्रमणको लागि क्रिकेट अस्ट्रेलियाले २३ सदस्यीय टिमको सोमबार घोषणा गरेको छ। भ्रमणमा अस्ट्रेलियाले वेस्टइन्डिज बिरुद्ध पाँचवटा टि-ट्वान्टी अन्तर्राष्ट्रिय र […]

न्युजिल्यान्ड बिरुद्ध टेस्ट सिरिजबाट बाहिरिए आर्चर

इंग्ल्यान्ड फास्ट बलर जोफ्रा आर्चर न्युजिल्यान्ड बिरुद्ध जुन २ बाट सुरु हुने दुई टेस्टको सिरिजबाट बाहिर भएका छन्। कुइनोको चोट […]

“१०-१२ वर्ष एन्जाइटिले सतायो, कैयौं रात नसुती बिताएको छु” सचिन तेन्दुलकर

भारतीय क्रिकेट लेजेण्ड सचिन तेन्दुलकरले आफ्नो २४ वर्षीय क्रिकेट करियरको ठूलो हिस्सा एन्जाइटिसंग ( भय, त्रास, अत्यासको अवस्था ) जुझेको […]

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]