अलि खान आईपीएल छनौट हुने पहिलो अमेरिकी क्रिकेटर



आईपीएल टिम कोलकाता नाइट राइडर्सले अमेरिकी क्रिकेट टिमका फास्ट बलर अलि खानलाई इंग्ल्यान्ड फास्ट बलर ह्यारी गर्नीको प्रतिस्थापनको रुपमा टिममा अनुवन्ध गरेको छ। गर्नीले ढाडको चोटका कारण प्रतियोगिता खेल्न नसक्ने भएपछि सेप्टेम्बर १९ देखि सुरु हुने आईपीएल र गत महिना इंग्ल्यान्ड भाइटालिटि ब्लास्ट टि-२० बाट नाम फिर्ता लिएका थिए। बंगलादेशका फास्ट बलर मुस्तफीजुर रहमानलाई टिममा ल्याउने प्रयास असफल भएपछि टिमले खानलाई मौका दिएको हो।

दिनेश कार्तिक कप्तानीको कोलकाताले २९ वर्षीय अलि खानलाई अनुबन्ध गरेपछि आईपीएलमा छनौट हुने उनि पहिलो अमेरिकी क्रिकेटर भएका छन्।

यसै साता सम्पन्न करेबियन प्रिमियर लिग टि-२० मा विजेता टिम ट्रिनबागो नाइट राइडर्सको प्रतिनिधित्व गरेका खान त्यहाँबाट युएई आउनेछन्। अवगत रहोस् ट्रिनबागो नाइट राइडर्स र कोलकाता नाइट राइडर्स एउटै कम्पनिको टिम जो जसको मालिक बलिउड अभिनेता शाहरुख खान रहेका छन्। गत सिजन पनि अलि कोलकाताको प्रतिस्थापनको रुपमा उपलब्ध रहेका थिए।

अलि आईपीएल छनौट हुने पहिलो अमेरिकी क्रिकेटर बनेका छन्

सिपिएल टि-२० मा ट्रिनबागोले लगातार १२ खेलमा जित हात पार्दै उपाधि जित्दा फास्ट बलर खानले ८ खेलमा ८ विकेट लिएका थिए। यस क्रममा उनले फाइनलमा सेन्ट लुसिया जुक्स बिरुद्ध २५ रन खर्चेर २ विकेट लिएका थिए।

सन् २०१६ मा सिपिएल टि-२० डेब्युको पहिलो बलमै कुमार संगाकाराको विकेट लिएका खानले लगातार सिपिएलमा राम्रो बलिंग गर्दै आएका थिए। यस क्रममा उनले गायना र ट्रिनबागोको प्रतिनिधित्व गर्ने क्रममा तिन सिजन खेल्ने क्रममा ३१ खेलमा ३५ विकेट लिएका छन्। उनले २०१८ को सिजनमा ट्रिनबागोको लागि खेल्दै १२ खेलमा १६ विकेट लिएका थिए।


२०१६ मा अमेरिकी राष्ट्रिय टिमको लागि ओमान बिरुद्ध डेब्यु गरेका खानले यस अघि बंगलादेश प्रिमियर लिग, पाकिस्तान सुपर लिग, ग्लोबल टि-२० क्यानडा, अफगानिस्तान प्रिमियर लिग, युएई टि-१० लिग खेलीसकेका छन्। कूल ३६ टि-२० खेल्ने क्रममा उनले ३८ विकेट लिएका छन्।

पाकिस्तानमा जन्मेका खानको परिवार उनि १८ वर्षको हुँदा अमेरिकाको ओहायोमा बसाइँ सरेको थियो। उनको १४० को गतिमा फास्ट बलिंग र राम्रो योर्कर गर्ने क्षमताका कारण सिपिएल टि-२० र अमेरिकी राष्ट्रिय टिममा स्थान बनाउन सफल भएका थिए।

अलिले २०१९ को विश्व क्रिकेट लिग डिभिजन-२ मा अमेरिकाको लागि नामिबिया बिरुद्ध २ रनको रोमान्चक जित दर्ता गर्ने क्रममा शानदार बलिंग गर्दै अमेरिकालाई जिताएका थिए। नामिबियालाई जितको लागि १२ बलमा १४ रन आवस्यक रहेको र ४ विकेट बाँकी रहेको अवस्थामा ४९ औं ओभर बलिंग गरेका खानले ओभरमा तिन विकेट लिंदै २ रनको रोमान्चक जितमा अहम योगदान दिएका थिए। खाननै उक्त खेलको प्लेयर अफ द म्याच चुनिएका थिए। यस्तै उनि अमेरिकाले केन्या बिरुद्ध २०१८ मा इतिहासकै पहिलो जित दर्ता गर्दा ३ विकेट लिंदै प्लेयर अफ द म्याच चुनिएका थिए।

कोलकाता टिममा खान सहित विदेशी खेलाडीहरुको रुपमा इंग्ल्यान्ड कप्तान ओएन मोर्गन, टम बान्टन, आन्द्रे रसेल, सुनिल नारायण, क्रिस ग्रिन, प्याट कमिन्स र लकी फर्गुसन रहेका छन्। टिममा स्थान बनाएता पनि खानले अन्तिम-११ मा स्थान बनाउन भने मुस्किल हुनेछ।

आईपीएल २०२० मा कोलकाता टिम : दिनेश कार्तिक ( कप्तान ), आन्द्रे रसल, सुनील नारायण, कुलदीप यादव, शुभमन गिल, लकी फर्गुसन, नितीश राणा, रिंकू सिंह, प्रसिद्ध कृष्णा, संदीप वारियर, अलि खान, कमलेश नागरकोटी, शिवम माभी, सिद्धेश लाड, प्याट कमिन्स, ओएन मोर्गान, टम ब्यान्टन, राहुल त्रिपाठी, वरुण चक्रवर्ती, क्रिस ग्रीन, एम सिद्धार्थ, निखिल नायक ।

( साभार – क्रिक्इन्फो )

यो पनि पढ्नुस :-

IPL 2020 : ८ कप्तान मध्ये कोहलीको कमाइ सबैभन्दा धेरै, कुन कप्तानको तलब कति

‘पोलार्ड र पान्ड्या जस्ता ब्याट्सम्यानले यो आईपीएलमा संघर्ष गर्नेछन्’ रमिज राजा

IPL 2020 : कस्तो छ डिफेन्डिङ च्याम्पियन मुम्बई इन्डीएन्स टिम

‘युएईको पिचमा हाई स्कोरिंग म्याच कम देख्न पाइनेछ’ भुवनेश्वर कुमार





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]