EPL : स्थगित खेलहरु नयाँ मितिमा हुने ( खेलतालिका सहित )



काठमाडौँमा जारि एभरेस्ट प्रिमियर लिग टि-ट्वान्टी ( ईपीएल टि-२० ) अन्तर्गत सोमबार टस समेत हुन नपाई रोकिएको दुई वटा खेलहरु नयाँ मितिमा खेलिने भएको छ।

सोमबार विहानको काठमाडौँ किंग्स-११ र बिराटनगर वारियर्स बीचको तथा दिउसोको चितवन टाइगर्स र भैरहवा ग्ल्याडीएटर्स बीचको खेल मैदान खेल्नलायक नहुँदा टस समेत नभई स्थगित गरिएको थियो। दुवै खेल पछि एक/एक अंक नबाँड्दै आयोजकले टिमहरुलाई नयाँ मितिमा खेल गर्ने प्रस्ताव गरेको थियो जसमा टिमहरु सहमत भएका हुन्।

विकेटनेपाललाई प्राप्त नयाँ खेल तालिका अनुसार अब काठमाडौँ किंग्स-११ र बिराटनगर वारियर्स बीचको खेल अक्टोबर १ तारिख ( शुक्रबार ) विहान ९:३० बजे खेलिनेछ भने चितवन टाइगर्स र भैरहवा ग्ल्याडीएटर्स बीचको खेल अक्टोबर २ तारिख ( शनिवार ) विहान ९:३० बजे खेलिनेछ।

प्राप्त जानकारी अनुसार आज दिउसो १२:१५ बजे खेलिने भनिएको पोखरा राइनोज र काठमाडौँ किंग्स-११ बीचको खेल पनि यदी टस समेत नभई स्थगित भएको खण्डमा उक्त खेल पनि नयाँ मितीमा खेलिनेछ। आज पनि दिनभर घाम लागेको खण्डमा मात्र थोरै ओभर खेल हुने सम्भावना रहेको छ। आज राति पनि पानि परेकोले पुनः मैदान सुक्न समय लाग्नेछ। मैदानको चोभार इन्डमा पानि नसोसीएका कारण मैदान गिलो रहेको छ। मैदान सुन्दर देखाउन जिरो लेभलमा घाँस काटीएपछि राम्रोसंग घाँसले पानि सोस्न नसक्दा मैदान तयार हुन समय लागेको हो।

नयाँ खेल तालिका अनुसार अब सेप्टेम्बर २९ तारिख ( बुधबार ) देखि अक्टोबर ३ तारिख ( आइतबार ) सम्म प्रत्येक दिन दुई खेल खेलिनेछ। अक्टोबर ४ तारिख ( सोमबार ) एक मात्र खेल खेलिनेछ जुन दिन अझै स्थगित भएको एक खेल खेलाउन सकिने ठाउँ रहेको छ। त्यसपछि अक्टोबर ५, ६ र ७ तारिखमा लिगको प्लेअफ खेलहरु खेलिनेछन् भने अक्टोबर ८ तारिखमा एक दिन फाइनल अघि खेल राखिएको छैन। अक्टोबर ९ तारिख शनिवार लिगको फाइनल खेलिनेछ।

नयाँ खेलतालिका 





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]