खुकुरी कपको सेमिफाइनल समीकरण पुरा



फिचर फोटो : क्षितिज सिंह (बालुवाटार क्रिकेट क्लब)

  • विकेटनेपाल – २ फाल्गुन, बुधवार

काठमाडौँमा जारि खुकुरी च्यालेन्जर्स टि-२० कप प्रतियोगितामा बुधवार सम्पन्न क्वार्टरफाइनल खेल जित्दै बालुवाटार क्रिकेट क्लब सेमीफाइनल प्रवेश गरेको छ।

बुधबारनै हुने भनिएको रोयल पिसी फाइटर र इन्टर-डिस्ट्रिक्ट क्रिकेट कल्ब बिचको खेलभने हुनसकेन। इन्टर-डिस्ट्रिक्ट क्रिकेट कल्बले प्रतियोगिताको प्लेयिंग कंडीसन बिपरित काम गरेको भन्दै गरेका कारण आयोजक र अफिसियलको निर्णयमा क्लबलाई प्रतियोगिताबाट निस्कासित गरिएको हो। त्यसको फलस्वरूप रोयल पिसी फाइटर सेमीफाइनलमा प्रवेश गरेको छ।

मुलपानी मैदानमा भएको खेलमा बालुवाटारले मकवानपुर क्रिकेट क्लबलाई २२ रनले पराजित गर्दै अन्तिम ४ मा स्थान पक्का गर्यो।

टस जित्दै मकवानपुरले पहिले फिल्डिंग गर्ने निर्णय लिएपछि ब्याटिंगमा उत्रिएको बालुवाटारले निर्धारित २० ओभरमा ६ विकेट गुमाउंदै १६७ रन जोडेको थियो। बालुवाटारलाई राम्रो योगफलसम्म पुर्याउने क्रममा कप्तान पृथु बास्कोटाले ४५ तथा सुमन उदयले ४४ रनको योगदान गरेका थिए।

ओपनर प्रनित थापा मगर र सुमन उदयले पहिलो विकेटका लागि ४४ रनको साझेदारी गर्दा प्रनित पहिलो विकेट स्वरूप व्यक्तिगत २५ रनमा पभेलियन फर्किएका थिए। त्यसपछि भने दोस्रो विकेटका लागि पृथु र सुमनले ७३ रनको साझेदारी गर्दै बालुवाटारको इनिंगलाई ठुलो स्कोर तर्फ लगेका थिए।

मकवानपुरको बलिंग तर्फ अशिम श्रेष्ठले २ विकेट हात पारेका थिए। यस्तै हसिम अन्सारी र रोबिन गुरुङले समेत समान १-१ विकेट चट्काएका थिए।

जवाफमा १६८ रनको विजय लक्ष्य लिएर मैदान उत्रिएको मकवानपुरले १८.५ ओभरमा सबै विकेट गुमाउँडा १४५ रन मात्र जोड्न सक्यो र नतिजा २२ रनले बालुवाटारको पक्षमा सुम्पिन बाध्य भयो।

मकवानपुरको चेजमा हसिम अन्सारीले ४७ रन जोड्न बाहेक अन्य ब्याट्सम्यानले राम्रो स्कोर गर्न सकेनन्। मात्र २७ बल खेलेका अन्सारीले ६ चौका सहित ४७ रन जोडेपनि टोलिलाई जित दिलाउन विफल रहे।

मकवानपुरलाई लक्ष्य अघि नै समेट्ने क्रममा म्यान अफ द म्याच बनेका बालुवाटारका क्षितिज सिंहले ३ विकेट हात पारे। आफ्नो ४ ओभरको स्पेलमा क्षितिजले २२ रन खर्चेर ३ विकेट हात पार्दा रितेश सिंह र सिद्धान्त राज साहीले समान २-२ तथा अमर सिंह रौटेला र पृथु बास्कोटाले समान १-१ विकेट निकाले।

खेलको स्कोरकार्ड 

कुल २० टिमको सहभागीता रहेको प्रतियोगिताको बिजेताले ३ लाख रुपैयाँ तथा उपविजेताले १ लाख रुपैयाँ पाउनेछ। यस्तै उत्कृस्ट खेलाडीले २० हजार तथा बलर/ब्याट्सम्यानले १०/१० हजार रुपैयाँ पुरस्कार पाउनेछ।

खुकुरी इन्टरटेन्मेन्टको आयोजनामा सुरु भएको प्रतियोगिताको सेमीफाइनल र फाइनल खेल त्रिभुवन अन्तर्राष्ट्रिय क्रिकेट मैदान कीर्तिपुरमा संचालन हुनेछ ।

बिहिबार हुने दुई सेमिफाइनल खेलहरु :

शान्तिनगर युथ क्लब र बालुवाटार क्रिकेट क्लब
केसिटिसी र रोयल पिसी फाइटर





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]