कोलकाताको कप्तान फेर्ने निर्णय गम्भीरलाई किन चित्त बुझेन



सिजनको बीचमा दिनेश कार्तिकले कप्तानी छोड्ने निर्णय गौतम गम्भीरलाई चित्त नबुझेको प्रतिक्रिया दिएका छन्। २ पटक कोलकातालाई आईपीएल जिताएका गम्भीरले मोर्गन कप्तान भएता पनि सिजनको बीचमा कप्तान परिवर्तन हुनुले नतिजामा खास परिवर्तन नहुने बताएका छन्। कोलकातालाई डिफेन्डिङ मुम्बईले शुक्रबार ८ विकेटले पराजित गर्नु अघि गम्भीरले उक्त प्रतिक्रिया दिएका हुन्।

“क्रिकेटमा सम्बन्ध भन्दा प्रदर्शन र इमान्दारिता महत्वपूर्ण छ। मलाई लाग्दैन मोर्गनले धेरै कुरा परिवर्तन गर्न सक्छन्। प्रतियोगिताको सुरुवात देखि कप्तानी गरेको भए धेरै कुरा परिवर्तन हुनसक्थ्यो। प्रतियोगिताको बीचमा कसैले पनि परिवर्तन गर्न सक्दैन।” गम्भीरले स्टार स्पोर्ट्ससंग कुराकानीमा बताए।

गम्भीरले कोलकाता कप्तान परिवर्तन गर्ने परिस्थितिमा नरहेको बताए – “म थोरै चकित भए। कार्तिकले साढे २ वर्ष टिमको कप्तानी गरेका थिए। सिजनको बीचमा यस्तो काम गर्नु हुँदैन। कोलकाता त्यति नाजुक स्थितिमा थिएन कि कप्ताननै परिवर्तन गर्नु परोस्। त्यसैले म थोरै चकित भए।”

“कोलकाता त्यति नाजुक स्थितिमा थिएन कि कप्ताननै परिवर्तन गर्नु परोस्” – गम्भीर

गम्भीरले कोलकाताको ७ सिजन कप्तानी गरेका थिए जुन क्रममा २०१२ र २०१४ मा उपाधि जिताएका थिए। उनले मोर्गनलाई सिजनको सुरुवातमै कप्तानी दिएको भए राम्रो हुने कुरा दोहोर्याए। यस्तै उनले कार्तिकले ब्याटिंगमा ध्यान केन्द्रित गर्ने बाहिर बताए पनि भित्रबाट टिम व्यवस्थापनको दबाब रहेको शंका गरे –

“यदी कोलकाताले परिवर्तन चाहेको भए उनीहरुले सुरुवातमै गर्नुपर्थ्यो। तपाई विश्वकप विजेता टिमको कप्तानको चर्चा धेरै गर्नुहुन्छ भने त्यसले दिनेश कार्तिकलाई दबाब दिने गर्छ। बरु त्यो भन्दा सोझै मोर्गनलाई कप्तानी दिएको भए हुन्थ्यो। किन कार्तिकलाई दबाब दिने। कसैले ब्याटिंगमा ध्यान दिन चाहन्छु भनेको सुन्दा राम्रो हुन्छ तर सत्य कुरा त टिम व्यवस्थापनबाट तपाईलाई दबाब हुनेगर्छ, चाहे तपाई खुसि हुनुस् कि नहुनुस्। यो दुर्भाग्यको कुरा हो।” गम्भीरले थपे।

गम्भीरले आफुले २०१८ मा दिल्लीको कप्तानी बीचमा छोडेको कुरासंग यो घटनालाई तुलना गर्न नमिल्ने बताए –

“मेरो परिस्थिति दिनेश कार्तिकको भन्दा भिन्न थियो। मैले दिल्लीलाई मात्र ७ खेलमा कप्तानी गरे भने दिनेश कार्तिकले साढे २ वर्ष कप्तानी गरिसकेका थिए। त्यसैले टिमको सीईओ र व्यवस्थापनलाई उनको कप्तानी शैली बारे थाहा थियो। म दिल्ली टिममा जाँदा अर्कै सोच थियो, म दिल्लीको भाग्य परिवर्तन गर्न चाहन्थे जुन पहिलो ७ खेलमा विपरित रह्यो। त्यसैले मैले राजिनामा दिए।” गम्भीरले बताए।

कोलकाता आईपीएल अंकतालिकामा ४ जित र ४ हार पछि अझै चौथो स्थानमा यथावत रहेको छ। लिग अन्तर्गत टिमले आगामी खेल हैदरावाद बिरुद्ध आइतबार खेल्ने तालिका रहेको छ।

मोर्गन कोलकाताको नयाँ कप्तान, अचानक किन छाडे दिनेश कार्तिकले कप्तानी

उमर गुलद्वारा सन्यास घोषणा

डिककले आक्रामक ब्याटिंग गर्दा कोलकाता सहजै पराजित, मुम्बई पुनः शिर्षमा

IPL 2020 : कुन कप्तानको तलव कति





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]